მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არჩევნებზე თავის მშობლიურ აჭარაში 3% მიიღო და ახლა ალბათ ამასაც ვერ მიიღებს... ასეთი კაცი საზოგადოებას წამლავს" - ცერცვაძე კალოიანზე
20:39 / 27-07-2021
ინფექციური საავადმყოფოს დირექტორი თენგიზ ცერცვაძე ვრცელ პოსტს აქვეყნებს, რომლითაც "ევროპული საქართველოს წევრს, ვახტანგ კალოიანს მიმართავს.
როგორც ცერცვაძე ამბობს, კალოიანი ამტკიცებს, რომ საქართველოში COVID აპოკალიფსია და ამას ნიშნის მოგებით აკეთებს.
მისი თქმით, ეს ადამიანი თავისი განცხადებებით საზოგადოებას წამლავს.
ბატონ ვახო კალოიანს ჰგონია, რომ თუ იტყვის დიდ ტყუილს და ხშირად გაიმეორებს, ბოლოს და ბოლოს ხალხი მას დაიჯერებს. ბატონი ვახო კალოიანი საოცარი სიჯიუტით აგრძელებს მტკიცებას, რომ საქართველოში COVID აპოკალიფსია და თან ამას აკეთებს არა გულისტკივილით, არამედ სიხარულით და ნიშნის მოგებით. მოკლედ, კოშმარია.
ბ-ნი კალოიანის მარგალიტები:
"საქართველოში არ იშოვნება ტოცილიზუმაბი, მისი შოვნის ყველა მცდელობა იკარგება ბიუროკრატიულ ლაბირინთებში, გახადეთ ტოცილიზუმაბი ხელმისაწვდომი, სირცხვილია“???!!!
ტყუილია, დიდი ტყუილი, უსინდისო ტყუილი. ტოცილიზუმაბი უპრობლემოდ იშოვნება. ასე მაგალითად ის შეუზღუდავად მოიპოვება „პსპ“-ს აფთიაქში - ალ. ყაზბეგის N14, ასევე „ავერსის“ აფთიაქში - აღმაშენებლის N148. ამასთან, დღეიდან ჯანდაცვის სამინისტროს და ჩვენი ძალისხმევით ტოცილიზუმაბის ფასი პრაქტიკულად განახევრდა. ტოცილიზუმაბი დიდი ხანია ოფიციალურად შეტანილია COVID-19-ის კლინიკური მართვის ნაციონალურ გაიდლაინში და მიუხედავად ძალიან მაღალი ღირებულებისა, მთლიანად ნაზღაურდება სახელმწიფოს მიერ და ყველა COVID კლინიკას შეუძლია ეს შესაძლებლობა გამოიყენოს. ასეთი ფუფუნება მსოფლიოს და ევროპის ბევრ ქვეყანას არა აქვს. მაგალითად, ჩვენი კლინიკა ერთ წელზე მეტია სისტემატურად იყენებს ტოცილიზუმაბს და არაერთი ავადმყოფი გადაარჩინა. „ჩაფიძის გულის ცენტრმა“ ბოლო ორი თვის მანძილზე ტოცილიზუმაბით უმკურნალო 9 მძიმე და კრიტიკულად მძიმე COVID ავადმყოფს, მათგან 8 პაციენტი გადარჩა. ნიუ ვიჟენის საუნივერსიტეტო ჰოსპიტალმა უმკურნალო 5 მძიმე და კრიტიკულად მძიმე COVID ავადმყოფს და მათგან ორი პაციენტი გადარჩა, ხოლოდ ორის მდგომარეობა სტაბილურია და ა.შ.
ბატონი კალოიანი ამ ტყუილით 2 კურდღელს იჭერს. ერთი - ქმნის იმიტაციას, რომ საქართველოში ყველაფერი ცუდადაა, ხოლო მეორე - ცდილობს ალიბი გაუკეთოს იმ ექიმებს, რომლებიც სწორედ ბ-ნი კალოიანის და მისი თანამოაზრე ექიმების გავლენით დღემდე არ იყენებენ ტოცილიზუმაბს.
ისე, ბატონო ვახო, თქვენ როგორ იღებთ ხმას ტოცილიზუმაბზე, თავმოყვარეობა სულ დაკარგეთ? როცა მთელი გასული წლის მანძილზე თქვენ და თქვენი თანამოაზრე ჰეითერები საშინლად გვაბულინგებდით ტოცილიზუმაბის გამოყენების გამო, ბრალს გვდებდით, რომ ექსპერტიმენტებს ვატარებთ ავადმყოფებზე და ა.შ. ახლა სხვანაირად აჭიკჭიკდით?
ასე, რომ სირცხვილი სწორედ თქვენ ბრძანდებით ბატონო ვახო ამდენი ტყუილის და სიძულვილის ენის გამო და რამდენად ჰუმანურია ჩვენი სახელმწიფო, რომ თქვენნაირ ადამიანებს მაინც მაქსიმალურად კომფორტულ პირობებში ამყოფებს, ბევრად უფრო კომფორტულში, ვიდრე იმ ექიმებს, რომლებიც საკუთარი ჯანმრთელობისა და სიცოცხლის ფასად თავს წირავენ COVID ავადმყოფების გადასარჩენად.
ბ-ნი კალოიანი - "მასიური ტესტირება ვერ გვაქვს".
კიდევ ერთი დიდი ტყუილი. საქართველოში სადღეისოდ კუმულაციურად შესრულებულია 1 მილიონ მოსახლეზე 1,651,817 COVID ტესტი და ამ მაჩვენებლით ევროპის 49 ქვეყანას შორის მე-9 ადგილზე ვართ, ჯუჯა სახელმწიფოების (ფარერები, სან მარინო და სხვ.) გამოკლებით, ხოლო მათი ჩათვლითაც კი მე-14 ადგილზე - ევროპის ყველა წამყვან ქვეყანაზე წინ. ასე, რომ კიდევ ერთი სირცხვილი თქვენ.
ბ-ნი კალოიანი ამბობს, რომ „ჰოსპიტალურ სექტორში პროცესი სტანდარტიზებული არ გვაქვს. გვყავს ათობით გარდაცვლილი პაციენტი“.
ვინ მოგახსენათ ბ-ნო ვახო. მაშინ როგორ, რის ხარჯზე გვაქვს ევროპის 32 ქვეყანაზე დაბალი სიკვდილობის მაჩვენებელი (CFR- 1.41%, ბოლო 7 დღეში CFR სულაც - 0,83%) და ეს ვაქცინაციით დაბალი მოცვის მიუხედავად (რომელიც თავისთავად სიკვდილობას მკვეთრად ამცირებს). ჩვენ COVID კლინიკებში დანერგილი გვაქვს უმაღლესი საერთაშორისო სტანდარტების მკურნალობა და მოვლა ინოვაციური მიდგომების ჩათვლით, რომელსაც თქვენ და თქვენი თანამოაზრეები მთელი გასული წლინახევრის მანძილზე ეწინააღმდეგებოდით.
თქვენ თვითონ რატომ არაფერი, აბსოლუტურად არაფერი არ გააკეთეთ COVID სიტუაციის გასაუმჯობესებლად? პირიქით - თქვენივე კლინიკაშიც კი არაფერი ან ვერაფერი გააკეთეთ (ამას ვინღა გიშლიდათ?) და ამიტომ გაქვთ სიკვდილობის ქვეყანაში ერთ-ერთი ყველაზე მაღალი, ძალიან მაღალი მაჩვენებელი - 11%. მაგალითისთვის ჩვენს კლინიკაში ჰოსპიტალიზებული COVID პაციენტების, ვიმეორებ - ჰოსპიტალიზებული და არა ყველა COVID პაციენტის, სიკვდილობა მხოლოდ 1.2%-ია, რაც ერთ-ერთი ყველაზე დაბალი მაჩვენებელია არამარტო საქართველოში, არამედ მსოფლიოშიც. ასე, რომ კიდევ ერთი სირცხვილი თქვენ. ისე, საინტერესოა, რა პასუხი გაქვთ იმაზე, რომ თქვენს კლინიკაში COVID სიკვდილობა ასეთ მაღალია?
ბ-ნი კალოიანი - „მედიკამენტებზე ხელმისაწვდომობა ვერ გვაქვს“.
რომელ მედიკამენტებზე ვერ გვაქვს ხელმისაწვდომობა ბატონო ვახო? საქართველო, ევროპისა და ამერიკის ქვეყნებთან შედარებით, შეზღუდული ეკონომიკური რესურსების და სუსტი ჯანდაცვის მიუხედავად ახერხებს წარმატებით მართოს აქტიური COVID პაციენტების უპრეცედენტოდ დიდი რაოდენობა ისე, რომ არავითარი დეფიციტი არც საწოლების, არც მედიკამენტების, არც სუნთქვის აპარატების და არც ჟანგბადის მხრივ არ შექმნილა. გაიხსენეთ, რომ შვედეთი - მსოფლიოს ერთ-ერთი სამაგალითო ქვეყანა იძულებული იყო მოეხდინა პაციენტების პრიორიტიზება (რაც ყველაზე მძიმე გადაწყვეტილებაა) და ჰოსპიტალიზაციაზე უარს ეუბნებოდა პაციენტებს, რომელთა ასაკი 65 წელს აღემატებოდა, ხოლო ლოს ანჯელესში, ლონდონსა და სხვა დიდ ქალაქებში პიკის პერიოდში COVID ავადმყოფები სასწრაფოებში ატარებდნენ 8-12 საათს (საწოლების დეფიციტის გამო), ჟანგბადის არასაკმარისი რაოდენობის გამო კი იძულებული იყვნენ ჟანგბადი მიეცათ მხოლოდ იმ COVID ავადმყოფებისათვის, რომელთა ჟანგბადის სატურაცია 90%-ზე ნაკლები იყო. და კიდევ ენა გიბრუნდებათ, რომ ჩვენზე აუგი თქვათ?
ბ-ნი კალოიანი - „COVID ვაქცინაცია მოქალაქეების სურვილის მიუხედავად ვერ გვაქვს“.
საქართველოში COVID ვაქცინაციამ ნამდვილად დაიგვიანა, მაგრამ როცა აწმყო დროში ლაპარაკობთ, ეს ტყუილია, დიდი ტყუილი. საქართველოში სადღეისოდ შეუზღუდავი რაოდენობით გვაქვს ოთხი სხვადასხვა საერთაშორისოდ აღიარებული საუკეთესო ვაქცინა, მათ შორის მოსახლეობის ერთი ნაწილის მიერ დაჟინებით მოთხოვნილი ფაიზერი, ხოლო ვაქცინაციის სერვისის მიწოდების ქსელი თავისუფლად უზრუნველყოფს დღეში 20-25 ათასი ადამიანის ვაქცინაციას. ისიც გასათვალისწინებელია, რომ დღეისთვის ჩატარებულია 400 ათასზე მეტი ვაქცინაცია და გარდა პირველი დღის ფატალური შემთხვევისა, ყველა დანარჩენ შემთხვევაში სამედიცინო პერსონალი წარმატებით მართავდა ყველა გართულებას და გვერდით მოვლენას, რასაც ბევრი ქვეყანა ვერ დაიტრაბახებს.
აი ეს არის ბ-ნი ვახო კალოიანის ნამდვილი სახე. როგორც ჩანს, ქვეყნის მოსახლეობის დიდმა ნაწილმა ეს მაინც კარგად იცის და სწორედ ამიტომ, როდესაც მან თავის მშობლიურ მხარეში, აჭარაში კენჭი იყარა მაჟორიტარად, მიიღო ხმების მხოლოდ 3%. ახლა, ალბათ ამასაც ვერ მიიღებს და ასეთი კაცი ქვეყნის მოძულე ტელევიზიების ეკრანებიდან არ ჩამოდის და საზოგადოებას წამლავს" - წერს ცერცვაძე.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰო, აგინეთ კალოიანს და მოიწონეთ ეს მარაზმატკი ცერცვაძე! კარკი სამკალი აქვს შეყენებული ქვეყნეისტვის ამ ყეყეჩს და ითვალეთ მასთან ერთად მიცვალებულები! თავისთვსი და ამნანირი გვამებისთვის ხომ აქვთ მოტეხილი წამლები და თქვემ თუ რამე მოგივათ, სულ ფეხზე ჰკიდია ამ ბრიყვა გრეწდს! თქვენ კი ითვალეთ, რამდენი თქვენიანი გაისტუმრა ამ სამეულმა იმ ქვეყნად!
გეყო რა ცერცვაძე, დედამიწის ღერძი ნუ გგონია თავი!!! უკვე დიდიხანია ,,სტარჩესკი მარაზმიდან" ,,პოლიტიკურ მარაზმში" ხარ გადავარდნილი!!! თითოეულ გარდაცვლილი თქვენთვის უბრალო სტატისტიკაა, ოჯახებისთვის უდიდესი ტრაგედია!!!