10
მაისიდღის ზოგადი ასტროლოგიური პროგნოზი
"განცხადებები, სადაც მავანნი იწერებიან ვაქცინის მომაკვდინებელ შედეგებზე და გვერდით მოვლენებზე, არის ყველაზე დიდი ბოროტება, ზიზღი და უზნეობა საკუთარი თანამემამულეების მიმართ“, - წერს საოპერო მომღერალი თამარ ივერი "ფეისბუქის" პირად გვერდზე და ვაქცინის მოწინააღმდეგეებს მიმართავს:
"არა აქვს მნიშვნელობა, ვაქსერი ხარ, თუ ანტივაქსერი. ყველას ჩვენი პირადი აზრი გვაქვს მასთან მიმართებაში, მაგრამ სტატუსები და განცხადებები, სადაც მავანნი იწერებიან ვაქცინის მომაკვდინებელ შედეგებზე და გვერდით მოვლენებზე, რაც ირიბად "აცრილებს ორი დღე დაგრჩენიათ სასიცოცხლოს" ნიშნავს, არის ყველაზე დიდი ბოროტება, ზიზღი და უზნეობა საკუთარი თანამემამულეების მიმართ! ასეთი განცხადებებით უკვე აცრილ, პანდემიისგან გადარჩენის იმედით მცხოვრებ ადამიანებში... პირიქით, შინაგან პანიკას, სასოწარკვეთილებას და დეპრესიას თესავთ, რომ მათ საბედისწერო შეცდომა დაუშვეს და უკვე, არიქა, კოვიდით არა, მაგრამ მალე სულ სხვა გართულებების შედეგად "ყველანი წერილებს წაიღებენ". აგონებთ, რომ ნელ-ნელა რაღაც ფატალურ და ლეტალურ ცვლილებებს უნდა ელოდონ საკუთარ ორგანიზმში და ა.შ.
ასეთი ამორალური განცხადებების ავტორები უნდა დაისაჯონ ადამიანებისთვის მორალური ზიანის მიყენების მუხლით! დედამიწაზე არავის, თვით არც ამ საქმის დიდ პროფესიონალ ექიმს (დავუშვათ კიდეც, რომ რაიმე ლეტალურს იწვევდეს აცრა), არ აქვს უფლება დაზაფროს და წინასწარ შეაგუოს ადამიანები რაღაც საბედისწერო შედეგს. თვით მეოთხე სტადიაში მყოფ ონკო პაციენტსაც კი აქვს იმედის სხივი გადარჩენისა და აქ მავანნი ხალხის ფსიქიკაზე, აცრისგან ლეტალური გვერდითი მოვლენებით სასიკვდილო მოძღვრებებს ეწევიან. ეს მორალური დანაშაულია!" - წერს თამარ ივერი
ჩემი სათქმელი თქვით, თქვენ გაიხარეთ ქალბატონო თამარ
ამას თავი ყველაზე ჭკვიანი ჰგონია ალბათ