მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ძმა და 82 წლის ინსტრუქტორი ქალი - კიდევ ვინ მიჰყავს ჯეფ ბეზოსს კოსმოსში: მილიარდერის ამბიციური მოგზაურობის დეტალები
13:19 / 20-07-2021
- კოსმოსში საკუთარი ხომალდით
დღეს ხომალდ "ნიუ შეპარდის“ ოთხკაციანი ეკიპაჟი დედამიწის ორბიტიდან ჩვენი პლანეტის ხედით დატკბება
მსოფლიოს უმდიდრესი ადამიანი, კომპანია Amazon-ის დამფუძნებელი ჯეფ ბეზოსი დღეს თავის პირველ სუბორბიტალურ ფრენას განახორციელებს, ხომალდ "ნიუ შეპარდით“, რომელიც კომპანია Blue Origin-მა ააგო.
ჯეფ ბეზოსის გარდა, ხომალდის ბორტზე იქნება მისი ძმა - მარკი, რომელიც ავიაკოსმოსური ინდუსტრიის ვეტერანია, აგრეთვე კოსმოსური ფრენების პირველი ქალი - ინსტრუქტორი, 82 წლის უოლი ფანკი და 18 წლის ჰოლანდიელი სტუდენტი ოლივიე დეიმენი.
ჯეფ ბეზოსი ამ ფრენას დიდი ხნის განმავლობაში გეგმავდა. თუ ყველაფერი წარმატებით დასრულდება, მაშინ იგი მეორე "კოსმოსური მილიარდერი“ გახდება, რომელმაც დედამიწის სტრატოსფეროს საზღვარი მოინახულა მისივე კომპანიის მიერ აგებული კოსმოსური ხომალდით. პირველი იყო ბრიტანელი ბიზნესმენი, 70 წლის მილიარდერი რიჩარდ ბრენსონი, რომელმაც რამდენიმე დღის წინ, 11 ივლისს, საკუთარი ფირმის Virgin Galactic-ის რაკეტოპლან Unity-ს მეშვეობით (აშშ-ის ნიუ-მექსიკოს შტატის ტერიტორიიდან) ჩვენი პლანეტის ატმოსფეროში 90 კილომეტრის სიმაღლეს მიაღწია, სადაც ცა უკვე შავია, ხოლო დედამიწის ჰორიზონტი - გამრუდებული. იგი ასეთ სიმაღლეზე რამდენიმე წუთის განმავლობაში იყო, რათა ხომალდის ხუთკაციანი ეკიპაჟი დედამიწის ნახვით დამტკბარიყო, შემდეგ კი მიწაზე დაეშვა. რაკეტოპლანის ფრენა ერთი საათი გაგრძელდა.
რაც შეეხება ჯეფ ბეზოსს, მისი დედამიწის ორბიტაზე ყოფნა მხოლოდ 11 წუთი გაგრძელდება. 40 კმ-ის სიმაღლეზე რაკეტა-მატარებლს ეკიპაჟის კაფსულა გამოეყოფა, რომელიც კიდევ უფრო მაღლა 105 კილომეტრის სიმაღლეს მიაღწევს, უწონადობის პირობებში რამდენიმე წუთს დაჰყოფს და მიწაზე პარაშუტით დაეშვება.
თვითონ ჯეფ ბეზოსი იმდენად მტკიცედ არის დარწმუნებული თავისი რაკეტისა და საერთოდ, მთლიანობაში, ხომალდისა და საავარიო-სამაშველო სისტემის საიმედოობაში, რომ ეკიპაჟის წევრები კოსმოსში სკაფანდრების გარეშე გაფრინდებიან, ისინი მხოლოდ კომპანია Blue Origin-ის საფირმო კოსტიუმებში იქნებიან გამოწყობილნი.
რაკეტის სტარტი დაგეგმილია აშშ-ის აღმოსავლეთი სანაპიროს დროით 9 საათზე, ხოლო თბილისის დროით - 17 საათზე. კოსმოსში გაფრენის პირდაპირი ტრანსლაცია განხორციელდება Blue Origin-ის საიტზე . წყარო
მოამზადა სიმონ კილაძემ
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნელ ნელა დაიწყებენ მილიარდერები კოსმოსში გადასახლებას. ჩვენ კი აქ დაგვყრიან
ემანდ არაფერი მოიწიო ფულიც გვერძე დარჩება და კოსმოსიცა...არ დაეშვე ძალიან სწრაფადა..