"ამორალური საქციელია კოლეგის სიკვდილით სპეკულირება" - რა თქვა პრემიერმა მისი გადადგომის მოთხოვნით დაანონსებულ აქციაზე საუბრისას?
დიდი ამორალური საქციელია კოლეგის სიკვდილით სპეკულირება და ამით საზოგადოების მანიპულირება, სპეკულირებს ერთადერთი დესტრუქციული ძალა - სააკაშვილი და მისი რადიკალური ჯგუფი. ვინც ახლა არის გაერთიანებული ამის გარშემო, ატარებს სააკაშვილის პოლიტიკას, - ამის შესახებ საქართველოს პრემიერ-მინისტრმა ირაკლი ღარიბაშვილმა მედიასაშუალებების ორგანიზებით, პრემიერ-მინისტრის გადადგომის მოთხოვნით მიმდინარე აქციებზე საუბრისას განაცხადა.
მისივე თქმით, მთავრობა ყველაფერს აკეთებს, რომ ჟურნალისტებს ჰქონდეთ თავისუფალი გადაადგილების და მუშაობის საშუალება.
"რასაც ვუყურებთ ბოლო დღეების განმავლობაში, ერთგვარი აჟიოტაჟი, რომელიც ატეხილია ჩვენს საზოგადოებაში, არის აბსოლუტურად მიუღებელი. ხალხი ძალიან კარგად ხედავს თუ ვინ დგას სიმართლის მხარეს. ეს არის პოლიტიკური აქცია, მინდა მივუსამძიმრო ყველა ჟურნალისტს კოლეგის გარდაცვალება, ეს არის ჩვენთვის ყველასთვის ძალიან დიდი ტრაგედია, მაგრამ ამავე დროს დიდი ამორალური საქციელია კოლეგის სიკვდილით სპეკულირება და ამით საზოგადოების მანიპულირება. სპეკულირებს ერთადერთი დესტრუქციული ძალა - სააკაშვილი და მისი რადიკალური ჯგუფი. ვინც ახლა არის გაერთიანებული ამის გარშემო, რა თქმა უნდა, ატარებს სააკაშვილის პოლიტიკას.
ჟურნალისტების ნაწილი პირდაპირ არის ჩაბმული ამ პოლიტიკურ კამპანიაში და აქციებში, ეს ჯანსაღად არ აისახება მედიაგარემოზე, მაგრამ ეს მათი არჩევანია. ჩვენ ყველაფერს ვაკეთებთ, რომ ჟურნალისტებს ჰქონდეთ თავისუფალი გადაადგილების და მუშაობის საშუალება. ჩვენთან მედიათავისუფლება არის აბსოლუტურად გარანტირებული, 2 კვირის ფარგლებში ნებისმიერ ადამიანს შეუძლია გახსნას ტელევიზია და მედიამ დაიწყოს თავისუფლად ოპერირება საქართველოში“, - აღნიშნა ირაკლი ღარიბაშვილმა.
"საჭიროა დაიწყოს კონსულტაციები ჩრდილოვანი კოალიციური მთავრობის ფორმირებაზე" - რას წერს მამუკა ხაზარაძე?
LIVE - ეთერშია გადაცემა "360 გრადუსი"
