მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ მსურს, ვინმემ ისეთი სიძულვილი გამოსცადოს, როგორიც ჩვენ" - სოციალურ ქსელში ინგლისელი ფეხბურთელების რასისტული შეურაცხყოფის გამო 5 ადამიანი დააკავეს
10:53 / 16-07-2021
სოციალურ ქსელში ინგლისელი ფეხბურთელების მიმართ რასისტული, სიძულვილის შემცველი, შეურაცხმყოფელი კომენტარების დაწერის გამო, სამართალდამცველებმა 5 ადამიანი დააკავეს. ამის შესახებ BBC-ი წერს.
ინგლისის ეროვნული ნაკრების ფეხბურთელები - მარკუს რაშფორდი, ბუკაიო საკა და ჯეიდონ სანჩო რასისტული გამონათქვამების მთავარი სამიზნე მას შემდეგ გახდნენ, რაც "ევრო 2020"-ის ფინალში 11-მეტრიანი დარტყმები ვერ გამოიყენეს.
პოლიციის განცხადებით, სოციალურ ქსელში შავკანიანი ფეხბურთელების მიმართ "რასისტული კომენატარების ნიაღვარი იყო". დაკავებულები ბრალდებულნი არიან რასიზმის ნიშნით სიძულვილის გაღვივებაში. სამართალდამცველთა თქმით, ამ ადამიანებთანაა დაკავშირებული სიძულვილის შემცველი არაერთი კომენტარი.
პოლიციელები ასევე აცხადებენ, რომ გამოძიება მიმდინარეობს და შესაძლოა, დაკავებულთა რაოდენობა გაიზარდოს.
- ამასთან, აღსანიშნავია, რომ 13 ივლისის მონაცემებით, 24-საათიან პერიოდში, ინგლისში ფეხბურთთან დაკავშირებული 597 ინციდენტი დაფიქსირდა და 264 ადამიანი დააკავეს.
ინგლისის ნაკრების ფეხბურთელი, 19 წლის ბუკაიო საკა, რომელსაც ყველაზე მნიშვნელოვანი 11-მეტრიანი დარტყმა ანდეს და რომელმაც ის ვერ გამოიყენა, განსაკუთრებული აგრესიის მსხვერპლი გახდა. საკამ დუმილი მხოლოდ გუშინ დაარღვია და სოციალურ ქსელში ვრცელი წერილი გამოაქვეყნა, სადაც ნათქვამია, რომ სოციალური ქსელებისგან ამ პერიოდში შორს იყო და დროს ოჯახთან ერთად ატარებდა. მან მადლობა გადაუხადა ადამიანების იმ ნაწილს, რომლებმაც რთულ მომენტში თანადგომა და მხარდაჭერა გამოუცხადეს.
“არ არსებობს სიტყვები იმის გადმოსაცემად, თუ რამდენად იმედგაცრუებული ვიყავი მატჩის შედეგით და ჩემ მიერ შესრულებული პენალტით. ნამდვილად მჯეროდა, რომ ჩვენ თქვენთვის გამარჯვებას მოვიპოვებდით. ვწუხვარ, რომ ფეხბურთი სახლში ვერ დავაბრუნეთ, მაგრამ გპირდებით, ყველაფერს გავაკეთებთ, რომ იცოდეთ, რას ნიშნავს გამარჯვების შეგრძნება.
მე ძალიან მტკიოდა, ვგრძნობდი, რომ ყველას იმედი გავუცრუე, მაგრამ გპირდებით, ამ მომენტს, ან ნეგატივს არ მივცემ უფლებას, რომ გამტეხოს“, - წერს ფეხბურთელი.
ამავე პოსტში მან სოციალური ქსელების პლატფორმების ხელმძღვანელებსაც მიმართა:
"სოციალურ მედია პლატფორმებს, "ინსტაგრამს", "ტვიტერსა" და "ფეისბუქს" - არ მსურს, რომ რომელიმე ბავშვმა, ან ზრდასრულმა მიიღოს სიძულვილის შეტყობინებები, ისეთები, როგორიც მივიღეთ მარკუსმა, ჯეიდონმა და მე ამ კვირაში. სამწუხარო რეალობაა, რომ თქვენი მძლავრი პლატფორმები საკმარისად არ მუშაობს ამ სიძულვილის შემცველი შეტობინებების შესაჩერებლად.
არსად, არც ერთ სფეროში არ უნდა იყოს ადგილი სიძულვილისა და რასიზმისთვის. შევცვალოთ სიძულვილი ერთმანეთის მიმართ სიკეთით და ჩვენ ყველა გვიმარჯვებთ“, - წერს ბუკაიო საკა.
ინფორმაციისთვის, "ევრო 2020"-ის ფინალი 11 ივლისს, ლონდონში, უემბლის სტადიონზე გაიმართა. ერთმანეთს იტალია და ინგლისი დაუპირისპირდნენ და ჩემპიონატის გამარჯვებული 11-მეტრიანი დარტყმების სერიის შემდეგ გაირკვა. ინგლისის ნაკრების ფეხბურთელებმა, მარკუს რაშფორდმა, ჯეიდონ სანჩომ და ბუკაიო საკამ პენალტის ნიშნულიდან გოლები ვერ გაიტანეს და საბოლოოდ, ევროპის ჩემპიონის ტიტული იტალიამ მოიპოვა.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სახელმწიფო დეპარტამენტი აშშ, რას დადუმებულხართ, მეტი ჰომოფობია, რასიზმი და აგრესია გაგიგიათ? იქეთ იტალიელები გახიეს შუაზე, ევროკავშირი სად ხართ? ერთი დროშის დაშვებას რომ გადაგვაყოლეთ....
აგია დემოკრატიისა და ლიბერალიზმის მქადაგებელი ერი?? მოკლეს ადამიანები სიტყვით.