მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ ჩამოდის შარლ მიშელი ისევ? - "მან დაინახა სერიოზული საფრთხე საკუთარი კარიერის თვალსაზრისითაც"
12:15 / 15-07-2021
ევროპული საბჭოს პრეზიდენტი შარლ მიშელი მომავალ კვირას საქართველოში ჩამოვა. ამის შესახებ ინფორმაცია "ქართული ოცნების“ თავმჯდომარე ირაკლი კობახიძემ გაავრცელა.
როგორც კობახიძემ "რუსთავი 2“-თან საუბარში განაცხადა, შარლ მიშელს მიაწვდიან ინფორმაციას ყველა პროცესთან დაკავშირებით, რომელიც საქართველოში მიმდინარეობს, მათ შორის 5-6 ივლისს განვითარებულ მოვლენებთან დაკავშირებით.
"ვიზიტი დაგეგმილია და როგორც ვიცი, 18 თუ 19 ივლისს აპირებს ჩამოსვლას.
5 ივლისთან დაკავშირებით უშუალოდ შარლ მიშელსაც მივაწვდით სრულ ინფორმაციას, თუ რა რისკები იყო მოსალოდნელი, რა რისკები იყო გათვლილი, როგორ იმოქმედეს სამართალდამცავმა ორგანოებმა. მივაწვდით ინფორმაციას ყველაფერთან დაკავშირებით, მათ შორის იმაზე, თუ როგორი რეაქცია ჰქონდა სახელმწიფოს უკვე მას შემდეგ, რაც, სამწუხაროდ, ეს ძალადობა უკვე იყო ჩადენილი. საუბარია შემდგომ რეაგირებებზე, კონკრეტულ დაკავებებსა და გამოძიებებზე, რომელიც ახლაც მიმდინარეობს. ამაზე, შარლ მიშელსაც, ისევე როგორც სხვა პარტნიორებს, მივაწვდით სრულ ინფორმაციას,“- განაცხადა ირაკლი კობახიძემ.
"შარლ მიშელის ვიზიტი აბსოლუტურად კანონზომიერია და საკმაოდ კატეგორიული იქნება - მე არ მგონია, მიშელმა ის ბრტყელ-ბრტყელი არგუმენტები მიიღოს, რაც ხელისუფლებას აქვს საკუთარი ოხლოკრატიისთვის", - ასე აფასებს მომავალ ვიზიტს პოლიტოლოგი გია ხუხაშვილი "ინტერპრესნიუსთან“ საუბრისას.
პოლიტოლოგის თქმით, შარლ მიშელის საქართველოში ვიზიტის მთავარი მოტივატორი სასამართლოში მიმდინარე პროცესებია.
"შარლ მიშელისთვის ის შეთანხმება, რომელიც მისი სახელით არის სახელდებული, ძალიან მნიშვნელოვანია პირადად მისთვისაც და მისი კარიერისთვისაც, რადგან ეს მისი მნიშვნელოვანი აქტივია.
ამ შეთანხმების შესრულება ახლა კითხვის ნიშნის ქვეშ დადგა. ჩვენ მოვისმინეთ ევროკავშირის ელჩის არაერთი განცხადება სასამართლოში მიმდინარე პროცესებზე, როდესაც შეთანხმების საწინააღმდეგოდ ხელისუფლება ჯიუტად აგრძელებს თავისას, მოსამართლეების დანიშვნა მაქვს მხედველობაში და არ აჩერებს ამ პროცესს. შესაბამისად, მიშელზე ეს პერსონალური დარტყმაა, ეს არ არის მხოლოდ ევროკავშირზე დარტყმა.
მე ვფიქრობ, რომ მისი მთავარი მოტივატორი ამ შემთხვევაში სწორედ ეს არის, მაგრამ გარდა ამისა, მოხდა ისეთი რაღაც, რაც მათი გაგებით და ფასეულობების სისტემით, რითაც ცხოვრობს ევროკავშირი, წარმოუდგენელი ვანდალიზმია - როდესაც სისტემურად გაილახა არაერთი ჟურნალისტი, არამედ ქართული ჟურნალისტიკა, რომელიც კრიტიკულად არის განწყობილი ხელისუფლების მიმართ და არა მარტო, კრიტიკულად განწყობილი, ანუ ჟურნალისტიკა გაილახა მთლიანად.
მან დაინახა სერიოზული საფრთხე საკუთარი თავისთვისაც კი, არამხოლოდ საქართველოს ინტეგრაციის თვალსაზრისით ერთიან ევროპულ სივრცეში, არამედ საკუთარი კარიერის თვალსაზრისით, რაც შეიძლება წამოაძახონ ხვალ და ზეგ, რომ თავს რომ იწონებდი, სინამდვილეში ნახე რა ხდებაო. ასე რომ, მე ვფიქრობ, მისი ვიზიტი აბსოლუტურად კანონზომიერია და საკმაოდ კატეგორიული იქნება. არ მგონია, შარლ მიშელმა ის ბრტყელ-ბტყელი არგუმენტები მიიღოს, რაც ხელისუფლებას აქვს საკუთარი ოხლოკრატიისთვის. ხელისუფლებას არ ელოდება კარგი დღეები ევროინტეგრაციის მიმართულებით. ხელისუფლება ცდილობს ეს საქმე შემსრულებლების დონეზე დატოვოს, რომ ევროკავშირი, შეერთებული შტატები დაკმაყოფილდნენ შემსრულებლების სახით, ანუ "ბარტყების გადაგდებით“ და ამ დროს მაგალითად, სახელმწიფო დეპარტამენტის განცხადებაში ვნახეთ, პირდაპირ წერია, რომ დასავლეთი შემსრულებლების დასჯას არ ითხოვს, ის ითხოვს ორგანიზატორების და დამკვეთების დასჯას, ანუ უფრო ფართო გამოძიებაა საჭირო. ამიტომ ვნახოთ როგორ განვითარდება მოვლენები“, - განაცხადა ხუხაშვილმა.
მკითხველის კომენტარები /
75 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგას ინფორმაციის მიწოდება კი არა "აჩოტების" ჩაბარება ჰქვია!!!
თავის სამშობლო საფრანგეთი მონახულებინა პირველ რიგში ურიგო არიქნებოდა. გადაწვეს დემონსტრანტებმა ნახევარი ქვეყანა