მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ყველა მაჩვენებელი, სიკვდილიანობის გარდა, გაუარესებულია" - ამირან გამყრელიძე ახალ შტამებზე, შეზღუდვებსა და მასობრივ ვაქცინაციზე
14:39 / 14-07-2021
დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, კორონავირუსის „ინდური შტამის“ ცირკულაცია ქვეყანაში საერთო ინფიცირების 20%-ს სცდება.
როგორც გამყრელიძემ ჟურნალისტებთან საუბრისას განმარტა, ამ დროისთვის ლუგარის ლაბორატორიაში ე.წ. „დელტა“ შტამის 79 დადასტურებული შემთხვევაა და ევროპული ქვეყნების მაგალითზე ამ შემთხვევათა რაოდენობა თანდათან გაიზრდება.
„დღეს ქვეყანაში გარდა „ბრიტანული შტამისა“, საკმაო ინტენსივობით ცირკულირებს „დელტა“ შტამი, გასულ კვირაში გვქონდა 27 ლაბორატორიულად დადასტურებული შემთხვევა, სულ 79 შემთხვევაა ლუგარში დადასტურებული „დელტა შტამის“, მაგრამ გათვლებით „დელტა შტამის“ ცირკულაცია უკვე სცდება 20%-ს ქვეყანაში საერთო ინფიცირების. ეს თანდათან გაიზრდება, ამას წინ ვერ აღვუდგებით, ტენდენცია ასეთია ბევრ ქვეყანაში და განსაკუთრებით ევროპულ ქვეყნებში, რომ „ბრიტანულ შტამს“ ანაცვლებს „ინდური შტამი“, რომელიც ხასიათდება მეტი გადამდებლობით, განსაკუთრებით ახალგაზრდებში“, - განაცხადა ამირან გამყრელიძემ.
მისივე ინფორმაციით, გუშინ საკოორდინაციო საბჭოზე გაჟღერდა წინადადება, რომ ნებისმიერ თავყრილობაზე დაშვებული იყვნენ მხოლოდ ორჯერ აცრილი, ან ბოლო 72 საათში ტესტირებული ადამიანები. ამასთან, მათი კიდევ ერთი ინიციატივა შეეხება სასწავლო დაწესებულებების - სტუდენტის, მოსწავლეების, პროფესორ-მასწავლებლისა და სკოლის მასწავლებლების შემოდგომამდე ორჯერადად აცრას.
"თავი უნდა ავარიდოთ ყველანაირ თავყრილობებს და შეკრებებს. ჩვენი წინადადება გუშინ გაჟღერდა საკოორდინაციო საბჭოზე, ნებისმიერი თავყრილობაზე იქნება ეს სემინარი, კონფერენცია, შეხვედრა თუ სხვა, დაშვებული იქნენ მხოლოდ ორჯერ აცრილი ადამიანები ან ბოლო 72 საათში ტესტირებული ადამიანები, ვისაც ექნებათ უარყოფითი პასუხი. ჩვენი წინადადებაა, რომ ამან აუცილებლად უნდა მიიღოს რეგულაციის ფორმა, რათა ყველა ადამიანს მოტივაცია ჰქონდეს, რომ აცრილი იყოს და მეორეს მხრივ, უსაფრთხო იყოს ეს შეკრებები. კიდევ ერთი ჩვენი ინიციატივა, რომელიც აუცილებლად განსახორციელებელია, არის შემოდგომისთვის აცრები ყველა სტუდენტის, მოსწავლის, პროფესორ-მასწავლებლის და სკოლის მასწავლებლის, რომ შემოდგომაზე გვქონდეს უსაფრთხო სკოლები, უსაფრთხო სკოლები და უნივერსიტეტები“, - აღნიშნა ამირან გამყრელიძემ.
მისი თქმით, ყველა ძირითადი მაჩვენებელი, სიკვდილიანობის გარდა, გაუარესებულია.
„ყველა მაჩვენებელი, რომელიც ახასიათებს ეპიდსიტუაციას გაუარესებულია: ინციდენტობა 100 000 მოსახლეზე, ახალი შემთხვევები, დღეს 1663 ახალი შემთხვევა გვაქვს. დადებითობის მაჩვენებელი, სამწუხაროდ, ბოლო 7 და 14 დღის დადებითობის მაჩვენებელი აცდა უკვე 4%-იან თამასას. ერთადერთი, სიკვდილიანობის მაჩვენებელი მოდის ქვემოთ, გარკვეულ დღეებში არის ერთნიშნა, დღეს კი სამწუხაროდ, 13 შემთხვევა გვაქვს“, - განაცხადა ამირან გამყრელიძემ.
მისივე თქმით, ეპიდსიტუაციის გაუარესება შეზღუდვების შემსუბუქებას უკავშირდება.
„ეპიდსიტუაციის გაუარესება დაკავშირებულია შემსუბუქებებთან და იმ წესების დაუცველობასთან, რაც ჯერჯერობით არსებობს. კიდევ ერთხელ ვთხოვ ყველას და მოვუწოდებ, დავიცვათ ყველა წესი, რასაც ხშირად ვაჟღერებთ. სამწუხაროდ, რასაც ვაკვირდებით, ნიღაბს უკვე დახურულ სივრცეშიც აღარ ატარებენ. დაუშვებელია ეს, ნიღაბი გახლავთ ყველაზე უფრო მძლავრი დაცვის საშუალება ვაქცინასთან ერთად. ნიღაბი დახურულ სივრცეში აუცილებლად და სადაც 5 ადამიანზე მეტი ვიკრიბებით, აუცილებელია ნიღბის ტარება. მეორე, აუცილებელია დისტანცია დავიცვათ. მესამე, დეზინფექცია, მივეჩვიეთ ამას და ხელებს ხშირად ვიბანთ და კარგია. მაგრამ მთავარი, მეოთხე, თავი ავარიდოთ ყველანაირ თავყრილობას“, - განაცხადა ამირან გამყრელიძემ.
გამყრელიძის განცხადებით, პირბადის ტარებაზე, მათ შორის დიდ თავყრილობებზე პირბადის ტარების კონტროლის გამკაცრება იგეგმება.
„ყველამ უნდა დავიცვათ ის რეგულაციები, რაც არის. რა თქმა უნდა იგეგმება მეტი ზედამხედველობა პირბადის ტარებაზე, მათ შორის დიდ თავყრილობებზე, იქნება ეს ქორწილები, ჭირის სუფრა, კონგრესები, კონფერენციები და ა.შ. ჩვენი ინიციატივაა, რომ ამ კონფერენციებსა და კონგრესებზე დაშვებულ იქნან მხოლოდ ორჯერ აცრილი ან ტესტირება ჩატარებული ადამიანები,“ - განაცხადა ამირან გამყრელიძემ.
მან მოსახლეობას მოუწოდა, ვაქცინაცია დროულად ჩაიტარონ.
„კარგია, რომ თანდათან ყოველდღიური აცრების მაჩვენებელი ზემოთ მიდის. ამ კვირაში გვაქვს 6-7 ათასი, დღეს იქნება 8 ათასი, თანდათან უნდა ავიდეთ სამიზნე დღიურ მაჩვენებელზე, რომელიც გახლავთ 20-დან 25 ათასამდე, რომ წლის ბოლომდე მოზრდილი მოსახლეობის 60% ავცრათ. კიდევ ერთხელ მოვუწოდებ მოსახლეობას, აცრის გარეშე ვერ შევაჩერებთ თანდათან გაუარესებად ეპიდსიტუაციას, რაც დღეს ქვეყანაში გვაქვს და ვერ დავამთავრებთ ეპიდემიას ქვეყანაში. ამიტომ, ყველას უმორჩილესად გხოვთ, მივიდეთ ამცრელ კაბინეტებში და ავიცრათ“, - განაცხადა გამყრელიძემ.
მისი თქმით, ამ ეტაპზე „ფაიზერით“ ვაქცინაცია შესაძლებელი იქნება თბილისში, ბათუმსა და ქუთაისში.
„ფაიზერით“ აცრები ამ ეტაპზე, პარასკევიდან დაიწყება 3 ქალაქში და 7 კლინიკაში. ეს გახლავთ: თბილისი, ქუთაისი, ბათუმი. ვისაც ჰქონდა პირველ დოზებზე გამოცდილება, ის კლინიკები იქნება. ესენი არიან: ცენტრალური რესპუბლიკური საავადმყოფო, სადაც ყველაზე მეტი, დაახლოებით 10-მდე ბრიგადა იმუშავებს, ასევე „კავკასიის მედიცინის ცენტრი“, „ბოკერიას კლინიკა“ და თბილისში „ამტელ ჰოსპიტალი“. გარდა ამისა, იქნება გორის სამხედრო ჰოსპიტალში აცრები, ბათუმის რესპუბლიკურ საავადმყოფოში 4 ბრიგადა და დასავლეთ საქართველოს ინტერვენციულ ცენტრში 2 ბრიგადა. ამ ეტაპზე პირველი დოზები იქნება ამ კლინიკებში ადმინისტრირებული. მეორე ტაპზე თანდათან ფართოვდება კლინიკების ჩამონათვალი და ჩვენ ივლისის ბოლომდე, „ფაიზერზე“ უნდა ავიდეთ დაახლოებით 95 კლინიკამდე, რომელიც მთელი ქვეყნის მასტაბით იქნება გაშლილი და დაახლოებით 160 ბრიგადამდე იქნება. აგვისტოში კიდევ ურო უნდა გავზარდოთ კლინიკების ჩამონათვალი და ბრიგადების რაოდენობა უნდა ავიდეს დაახლოებით 250 ბრიგადამდე“,-განაცხადა გამყრელიძემ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენს ხელში კიდევ როგორ არიან ცოცხლები ქვეყანაში გასაკვირია.
რომელი ვაქცინაციაზეა ლაპარაკი საიტი ვერ გაგიკეთებიათ ნორმალურად ყოჩაღ