არეულობა კუბაში, დაშავებულები და ათობით დაკავებული - რა ხდება ქვეყანაში, სადაც საკვებისა და მედიკამენტების დეფიციტის გამო ათასობით ადამიანი ქუჩაში გამოვიდა
კუბაში ანტისამთავრობო აქციების ათობით მონაწილე დააკავეს. სოციალურ ქსელში განთავსებულ ფოტოებზე ჩანს, როგორ აკავებენ და სცემენ მომიტინგეებს უსაფრთხოების ძალების წარმომადგენლები.
უსაფრთხოების ძალებთან დაპირისპირების შედეგად Associated Press-ის ფოტოგრაფი დაშავდა.
BBC წერს, რომ კუბაში ანტისამთავრობო აქციების ათასობით მონაწილე ეკონომიკური მდგომარეობის გაუარესებას, საკვებისა და მედიკამენტების დეფიციტს, ფასების ზრდასა და მთავრობის მიერ კოვიდ 19-ის პანდემიასთან არასათანადოდ გამკლავებას აპროტესტებს.
პრეზიდენტმა მიგელ დიას-კანელმა შექმნილ არეულობაში შეერთებული შტატები დაადანაშაულა. მისი თქმით, მომიტინგეები აშშ-ის მიერ დაქირავებული მებრძოლები არიან, რომელთა მიზანი ქვეყნის დესტაბილიზაციაა და საკუთარ მომხრეებს მათთან დაპირისპირებისკენ მოუწოდა.
აშშ-ის ხელისუფლებამ განაცხადა, რომ მხარს უჭერს კუბელ ხალხს და კუბის მთავრობას მოუწოდა, ძალადობისგან თავი შეიკავოს და საკუთარ მოსახლეობას მოუსმინოს.
სამხრეთ კორეაში, სპორტდარბაზებში, სწრაფი, რიტმული მუსიკის ჩართვა აკრძალეს - რა გახდა გადაწყვეტილების მიღების მიზეზი
"არ მსურს, ვინმემ ისეთი სიძულვილი გამოსცადოს, როგორიც ჩვენ" - სოციალურ ქსელში ინგლისელი ფეხბურთელების რასისტული შეურაცხყოფის გამო 5 ადამიანი დააკავეს
