მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძალადობისკენ მოწოდება მათ შორის, ეკლესიიდან არის დასაგმობი... ცალკეული მამაოების გამოთქმები ეკლესიაზე არ უნდა განვაზოგადოთ" - გახარია
14:34 / 13-07-2021
ძალადობისკენ მოწოდება ნებისმიერი ინსტიტუციიდან, მათ შორის, ეკლესიიდან არის კატეგორიულად მიუღებელი, ისევე, როგორც მიუღებელია ეკლესიაზე ძალადობისკენ მოწოდება, - ამის შესახებ ყოფილმა პრემიერმა, პარტია „საქართველოსთვის“ ლიდერმა გიორგი გახარიამ ჟურნალისტებს განუცხადა.
მისივე განმარტებით, ასევე მნიშვნელოვანია, რომ ცალკეული სასულიერო პირების განცხადებები, მთლიანად ეკლესიაზე არ განვაზოგადოთ, რადგან ეს ხდება პოლარიზაციის მიზეზი და მსგავსი რადიკალიზმი საზოგადოებას პრობლემებს უქმნის.
„ეკლესიას აქვს ძალიან დიდი გავლენა ქვეყანაში და ეს არ მომხდარა დღეს, ისტორიულად ასე იყო და ისტორიულად ასე იქნება. რა თქმა უნდა, ცალკე აღებული მამაოების გამოთქმები ეკლესიაზე არ უნდა განვაზოგადოთ. ნებისმიერ შემთხვევაში, ეკლესიიდან იქნება ეს თუ სხვა ინსტიტუციებიდან, ნებისმიერი სახის მოწოდება, ძალალადობისკენ მოწოდება დასაგმობია. უბრალოდ შეუძლებელია, 21-ე საუკუნეში ვინმე, განსაკუთრებით ეკლესია, ერთ ადამიანს მოუწოდებდეს მეორე ადამიანის ფიზიკური ძალადობის საშუალებით, რაიმე მიზნით მიღწევისკენ. მაგრამ არ უნდა წავიდეთ მეორე უკიდურესობისკენ და ეს განვაზოგადოთ ეკლესიაზე. ეს რადიკალიზმი გვიქმნის პრობლემებს, ეს რადიკალიზმი გვიქმნის იმ მდგომარეობას, როდესაც ორი უკიდურეს პოზიციაზე ვდგებით და გამოსავალს ვერ ვეძებთ“, - განაცხადა გახარიამ.
მისი თქმით, ყველამ თავისი პასუხისმგებლობა უნდა აიღოს - სახელმწიფომ უნდა აიღოს პასუხისმგებლობა იმ ინსტიტუტებზე, რომელსაც მართავს და ოპოზიციამ უნდა აიღოს პასუხისმგებლობა იმ ნაბიჯებზე, ქმედებებსა და მოწოდებებზე, რომელსაც აკეთებს.
„შეუძლებელია ერთი მხარე მეორე მხარეს ეძახდეს და ადანაშაულებდეს ყველაფერში, მტერს და მოღალატეს ეძახდეს - ეს ასე არ ხდება. ყველამ თავისი პასუხისმგებლობა უნდა აიღოს - სახელმწიფომ უნდა აიღოს პასუხისმგებლობა იმ ინსტიტუტებსა და აპარატზე, რომელსაც მართავს ქვეყნის მოქალაქეების ინტერესების გათვალისწინებით და ოპოზიციამ უნდა აიღოს პასუხისმგებლობა იმ ნაბიჯებზე, ქმედებებსა და მოწოდებებზე, რომელსაც ახორციელებს, იმიტომ, რომ ოპოზიციაც ხელისფლების ნაწილია. არ არსებობს ცალკე აღებული ოპოზიცია, განზოგადოებულად", - განაცხადა გიორგი გახარიამ.
გახარიამ დღეს პარტია "საქართველოსთვის“ ახალი ოფისი მცხეთაში გახსნა და მედიის შეკითხვებსაც იქ უპასუხა.
„იმ ქაოსის მიუხედავად, რაც ახლა ქვეყანაში ხდება და იმ ცირკის მიუხედავად, რაც პარლამენტში ხდებოდა, ჩვენ, ჩვენს გეგმას მივუყვებით. ჩვენ ამ გზიდან არ გადავუხვევთ, რადგან ვთვლით, რომ ქვეყნის მომავლისთვის უაღრესად მნიშვნელოვანია და ეს არის ძირითადი წინაპირობა იმისთვის, რომ ქვეყანაში რეალობა შეიცვალოს - პარტიული ოფისების გახსნა, არჩევნებში მონაწილეობა, ახალი თაობის ახალგაზრდა პოლიტიკოსები, რომლებმაც ამ ქვეყნის მომავალი უნდა ჩაიბარონ.
ქვეყანას ახალი გზა, ახალი პერსპექტივა სჭირდება. ჩვენ უნდა გამოვიდეთ ამ ჩაკეტილი წრიდან, რომელზეც, სამწუხაროდ, ბოლო წლების განმავლობაში დავრბივართ და რომელმაც მიგვიყვანა სიძულვილამდე, რადიკალიზაციამდე, ერთმანეთის ცემა-ტყეპამდე, ჭორაობამდე, გინებამდე და საბოლოოდ ვიღებთ იმას, რასაც ვიღებთ", - აცხადებს გიორგი გახარია.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უფრო მეტად ვრწმუნდები, რომ ნამდვილად არ ყოფილა კარგი ადამიანი! დასანანია!
შენ რა გაქვს სათქმელი, ბავშვს თვალები დათხარე.