12
მაისიდღის ზოგადი ასტროლოგიური პროგნოზი
პარლამენტის სხდომათა დარბაზში დეპუტატებს შორის სიტყვიერი დაპირისპირებაა. ადგილი აქვს ფიზიკურ შეხლა-შემოხლასაც.
"ტვ პირველის" კადრებში ისმის "სტრატეგია აღმაშენებლის" ლიდერის გიორგი ვაშაძის ხმა, როცა ის აცხადებს, რომ მას ხელით შეეხნენ. "შემოვედი, გია ჯაფარიძემ დაიწყო გინება, ხელი დამარტყა მაგ ნაძირალამ, წადით, ახლა და მოსთხოვეთ პასუხი..." - ამბობს ვაშაძე, რომლის დამშვიდებასაც მამუკა მდინარაძე ცდილობს.
ცოტა ხნის წინ სხდომათა დარბაზში მედიაორგანიზაციებისა და სამოქალაქო სექტორის წარმომადგენლები შეიჭრნენ. მათი გაღიზიანება პარლამენტის შენობაში შესასვლელად რამდენიმე ჟურნალისტისთვის საშვის დაშვებაზე უარის თქმამ გამოიწვია.
ამ წუთებში ოპოზიციონერი დეპუტატები მოქალაქეებსა და სხდომათა დარბაზში შეკრებილ დეპუტატებს საპარლამენტო ტრიბუნიდან მიმართავენ.
დარბაზში სიტუაციის განმუხტვას მანდატურის სამსახური ცდილობს.
"ამ დანაშაულის თანამონაწილე ხართ, გადააყენეთ ღარიბაშვილი, გომელაური და შემდეგ შევძლებთ, რომ გავაგრძელოთ ნორმალური პოლიტიკური ცხოვრება, ჩავატაროთ ვადამდელი არჩევნები და ავირჩიოთ მთავრობა, რომელიც კი არ ძალადობს ხალხზე, იცავს კონსტუტიციას და ხალხს“, - მიმართა საპარლამენტო ტრიბუნიდან მოქალაქეებსა და დეპუტატებს "ნაციოანლური მოძრაობის“ ერთ-ერთმა ლიდერმა თინათინ ბოკუჩავამ.
ჭიჭე ვაშაძე რას კაცობს
ნუ ტირიხარ და თუ მაგარი ხარ შენით მოსთხოვე პასუხი შე მილიონერო...