14
მარტიდღის ზოგადი ასტროლოგიური პროგნოზი
"თქვეს, რომ ვითომ გომელაურმა გასცა ბრძანება ჟურნალისტები სცემონ. უკაცრავად, ეს ხომ იდიოტიზმია?!" - ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს განუცხადა, როდესაც უპასუხა დასმულ შეკითხვას, 5-6 ივლისის აქციებზე ჟურნალისტებზე განხორციელებულ თავდასხმასთან დაკავშირებით.
მინისტრმა აღნიშნულ შეკითხვას თავდაპირველად ირონიით უპასუხა.
"გავიგეთ, რომ არ იყო პოლიცია, ბრძანება გავეცი, რომ ჟურნალისტები სცემონ და თქვენ ხელი არ გაანძრიოთ. არც მინდა ამ ადამიანებს შეურაცხყოფა მივაყენო. თქვეს, რომ ვითომ გომელაურმა გასცა ბრძანება ჟურნალისტები სცემონ. უკაცრავად, ეს ხომ იდიოტიზმია. არ მინდა, შეურაცხყოფა მივაყენო ვინმეს, სახელი და გვარი დავასახელო.
როგორც შეიძლება, ვინც არ უნდა იყოს, სუსტი თუ ძლიერი მინისტრი, თუ ხელისუფლება, ასეთი რაღაც გააკეთოს. არასდროს მომხდარა, რომ სამწუხაროდ, ამხელა აგრესია წამოსულიყო ჟურნალისტებისკენ. იყო თითოეული შემთხვევა, თავდასხმა ჟურნალისტებზე, ხელის დარტყმა, თუმცა ასე მასობრივად სხვადასხვა ლოკაციაზე ერთდროულად დაწყებულიყო ჟურნალისტებზე დევნა, რა თქმა უნდა, მიუღებელი და საშინელებაა.
რა თქმა უნდა, ვგმობ, სამწუხაროა, რაც მოხდა, მაგრამ მინდა ხაზი გავუსვა, პოლიციელებმა ყველაფერი გააკეთეს, რაც შეეძლოთ. ის, რომ პოლიცია გვერდზე იდგა, არ ინძრეოდა და საერთოდ არ ეხმარებოდნენ - ბიჭები საავადმყოფოში მოხვდნენ, თავები აქვთ გატეხილი, ოპერაცია გაუკეთეს, მოძალადეებს, ფიზიკურად რისი საშუალებაც იყო ვაკავებდით“, - განაცხადა გომელაურმა.
მისივე თქმით, განვითარებულ მოვლენებზე ხელისუფლება პასუხისმგებლობას იღებს - "პოლიტიკურ პასუხისმგებლობას ყველა ვიღებთ. ჩვენ ვართ მმართველი ხელისუფლება“, - განაცხადა გომელაურმა.
ამასთან, როგორც შს მინისტრმა აღნიშნა, ჟურნალისტების მიმართ განხორციელებული ძალადობა მისთვის მიუღებელია.
ეს კაცი თავად დოღრიელა ინსპექტორია ცხადია მაგრამ რასაც ამაბობს მართალია. ჟურნალისტების ცემაზე ბრძანების გაცემის შეტენვის მოფიქრება იდიოტობაა.
ერთ ჟურნალისტს არ უხსენებია ორი დღის განმავლობაში, რაც ეს არეულობა მოაწყვეს ლგბტ-ებმა და "ჟურნალისტებმა" ერთად, რომ მათ წინააღმდეგ ქართველი ხალხი იყო გამოსული! "აგრესიული პირები" ეკერათ პირზე! არაობიექტურ და მიკერძოებულ რეპორტაჟებში ეძებეთ ხალხის აგრესიის მიზეზი თქვენს მიმართ. დამნაშავეებს გვერდზე კი ნუ ეძებთ და შედეგებს კი ნუ აპროტესტებთ, მიზეზები გაარკვიეთ და თქვენი "მოღვაწეობა" გააანალიზეთ და პასუხებსაც მიიღებთ, რატომაა ხალხი აგრესიული თქვენს მიმართ. პასუხიც ნათელი იქნება: თქვენ არ გამოხატავთ ხალხის ინტერესებს, თქვენ დამფინანსებლების ინტერესები გადარდებთ მხოლოდ და შედეგიც სახეზეა