"სანამ პატრიარქის სადღეგრძელო იქნება სუფრაზე ნომერ პირველი რიტუალი, ისეთივე იქნება ეს ქვეყანა, როგორიც ახლაა" - რომან გოცირიძე

დეპუტატი რომან გოცირიძე დედაქალაქში განვითარებულ მოვლენებს ეხმიანება და სოციალურ ქსელში შემდეგ სტატუსს აქვეყნებს:

"სანამ პატრიარქის და ეკლესიის სადღეგრძელო იქნება სუფრაზე ნომერ პირველი რიტუალი და ფეხზე ადგომით დავლევთ ღვინით სავსე სასმისებს, ისეთივე იქნება ეს ქვეყანა ეკონომიკურად, პოლიტიკურად და ზნეობრივად, როგორიც ვართ.

უნდა შეწყდეს საპატრიარქოს დაფინანსება ბიუჯეტიდან.

გადაცემული მიწები, ტყეები და სხვა ქონება, რომლებიც ანგარებიანი ჩინოსანი მღვდლების პირად გამდიდრებას ემსახურება, მაშინ, როცა სასულიერო პირების უდიდესი ნაწილი სიღარიბეში ცხოვრობს, უნდა დაუბრუნდეს ხალხს.