მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გეკითხებით, შაჰინი უფრო მაგარია და მას უნდა მოვუსმინოთ თუ ბოკერიას? შარლ მიშელს მოვუსმინოთ თუ შალვა ნათელაშვილს? - ორივე "შ“-ზე იწყება" - გიორგი ვაშაძე
12:52 / 29-06-2021
არ ვაპირებ, რომ გიგა ბოკერიას, კაკო ბობოხიძეს, რომელსაც თავისი ვიწრო პოლიტიკური ინტერესები აქვთ, გადავაყოლო ჩემი ქვეყნის ინტერესი - ბოკერიამ დიდი შეცდომა დაუშვა, რომ დოკუმენტს ხელი არ მოაწერა და ამით როგორც ქვეყნის შიგნით, ასევე საგარეო ასპარეზზე დაასამარა საკუთარი პოლიტიკური პერსპექტივა, - ამის შესახებ „სტრატეგია აღმაშენებლის“ ლიდერმა გიორგი ვაშაძემ „პალიტრანიუსის“ გადაცემა „ნიუსრუმში“ განაცხადა.
მისივე თქმით, ვიწროპარტიულად არ უნდა ვიფიქროთ, როდესაც ამერიკა, ევროპა და ნატო ამბობს, რომ შარლ მიშელის დოკუმენტი მათთან დაახლოების გზა არის.
ვაშაძემ აღნიშნა ისიც, რომ უკვირს იმ ადამიანების, ვინც შეთანხმების დოკუმენტს ხელი არ მოაწერა.
„მეამაყება, რომ ვარ საქართველოში ერთ-ერთი ყველაზე დიდი ისტორიული დოკუმენტის ხელმომწერი. ძალიან მიკვირს იმ ადამიანების, ვინც ხელი არ მოაწერა ან არ აწერს დღემდე. ევროპა ამბობს, რომ შარლ მიშელის დოკუმენტი არის ევროპასთან დაახლოების გზა. ნატო ამბობს, რომ შარლ მიშელის დოკომენტი არის ნატოსთან დაახლოების გზა. ამერიკა ამბობს, რომ შარლ მიშელის დოკუმენტი არის ნატოსთან დაახლოების გზა. თქვენ ბატონო, ვისაც გინდათ მოუსმინეთ. მე არ ვაპირებ, რომ გიგა ბოკერიას, კაკო ბობოხიძეს, რომელსაც თავისი ვიწრო პოლიტიკური ინტერესები აქვთ, იმას გადავაყოლო ჩემი ქვეყნის ინტერესი. გეკითხებით, შაჰინი უფრო მაგარია და შაჰინს უნდა მოვუსმინოთ თუ ბოკერიას? ევროსაბჭოს პრეზიდენტ შარლ მიშელს მოვუსმინოთ თუ შალვა ნათელაშვილს? ორივე შ-ზე იწყება.
ბოკერიამ დიდი შეცდომა დაუშვა, რომ დოკუმენტს ხელი არ მოაწერა და ამით ვფიქრობ, როგორც ქვეყნის შიგნით, ასევე საგარეო ასპარეზზე დაასამარა საკუთარი პოლიტიკური პერსპექტივა.
სანამ ეს ადამიანები არ მიხვდებიან, რომ ამხელა ისტორიულ ეტაპს გავდივართ და ვიწრო პარტიულად არ უნდა ვიფიქროთ და უნდა შეხედო ცოტა გრძელვადიანად ამ ყველაფერს, მანამდე მათ დიდი პრობლემები ექნებათ, როგორც ქვეყნის შიგნით, ასევე ქვეყნის გარეთ“ , - განაცხადა ვაშაძემ.
ამასთან, ვაშაძემ „ლელოს“ პოზიციაც შეაფასა, რომელმაც „საარჩევნო კოდექსში“ ცვლილებებს მხარი არ დაუჭირა და აღნიშნა, რომ ეს გადაწყვეტილება გაუკვირდა.
„ლელოსგან“ გამიკვირდა ეს პოზიცია. მათი ეს მოტივაცია იყო 40%-იან ბარიერთან დაკავშირებით. აქ პრობლემას ვერ ვხედავ. ამათმა ხომ არ თქვეს, რომ წინააღმდეგი ვართ ამ კანონის, უბრალოდ, თავი შეიკავეს. ზუსტად ის, რომ „ნაციონალურმა მოძრაობამაც“ თავი შეიკავა, აჩვენებს, რომ ეს არის ძალიან მაგარი დოკუმენტი, თორემ რას იზამდა „ნაციონალური მოძრაობა“?
სპეციალური აბები უნდა ვთხოვო ფარმაცევტულ რომელიმე დიდ გიგანტს, რომ მოიგონოს ქართველი პოლიტიკოსებისთვის, რათა მეხსიერება აღუდგინოს. გადაყლაპონ ხოლმე ეს აბები და აღიდგინონ მეხსიერება. არ მიყვარს არათანმიმდევრულობა - დღეს ერთი, ხვალ მეორე. „სტრატეგია აღმაშენებელი“ და შარლ მიშელის რეფორმების ჯგუფი ვართ ყველაზე თანმიმდევრულები. ზუსტად ვიცი, რომ არა ჩვენი მხარდაჭერა გუშინდელ დღეს, ამ კანონის ჩავარდნის დიდი შანსი იყო. იქ რა იქნებოდა იცით? ჩავიდოდით დასავლეთში და იტყოდნენ: უი, მეგობრებო, თქვენც ხომ არღვევთ მიშელის დოკუმენტს და მარტო „ქართულ ოცნებას“ რატომ სთხოვთ ამას ? - აი, ეს იქნებოდა“, - განაცხადა ვაშაძემ.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ, ბოკერია, ბობოხიძე, შალიკოც (და ბევრი თქვენნაირი, უბრალოდ მეზარება ყველას ჩამოთვალა).... მაგარი ჩიტები (იმედია მიხვდები რასაც ვგულისხობ) ხართ, როგორც პოლიტიკაში (სკამების და მაყუთის გარდა არაფერი გაიტერესებთ, საქართველო გკიდიათ), ასევე კაცობაში.
გიორგი, რაღაცა უფრო შინაარსიანს ველოდებით თქვენგან და მართლა სამასხარაოდ შეხვედით პარლამენტში?! სამწუხაროა....თქვენგან ალბათ ყველაზე ნაკლებად მოველოდი ჯინაობას და ყველაზე მეტად საქმის კეთებას