"აუდიტის სამსახური სწვალობს სავარაუდო ხარვეზებს, რაც შესაძლოა იყო დაავადებათა კონტროლის ცენტრში" - რა განაცხადა ტიკარაძემ ვაქცინების დანაკლისზე

ჯანდაცვის მინისტრის, ეკატერინე ტიკარაძის განცხადებით, მას შემდეგ, რაც აუდიტის სამსახური დაასრულებს მოკვლევას დაკარგულ ვაქცინებზე და ასევე, მიმდინარე მარაგების მართვის შესახებ, ინფორმაციას საზოგადოებას გააცნობს.

"აუდიტის სამსახურს მოკვლევა არ დაუსრულებია, ის არის პროცესში და სწავლობს არსებულ სავარაუდო ხარვეზებს, რომელიც შესაძლოა, იყო დაავადებათა კონტროლის ცენტრში. ასევე, ის სწავლობს რესპუბლიკურ საავადმყოფოში მიმდინარე მარაგების მართვას, თუმცა ჩვენ მივიჩნიეთ, რომ მნიშვნელოვანია ასევე ქსელის სრული შესწავლა, იმისთვის, რომ გაკონტროლდეს ყველა ის მარაგი, რომელიც დღესდღეობით არის ძებნაში. მას შემდეგ, რაც აუდიტის სამსახური დაასრულებს მოკვლევას, ჩემი თხოვნით, ის საზოგადოებას დასკვნას თვითონ გააცნობს“, - განაცხადა ტიკარაძემ მთავრობის სხდომის დასრულების შემდეგ.