9
მაისიდღის ზოგადი ასტროლოგიური პროგნოზი
გარდაბნის მუნიციპალიტში, თბოელექტრო სადგურის მიმდებარე ტერიტორიაზე, ხელოვნურ ტბაში ორი მოზარდი დაიხრჩო. 15 და 17 წლამდე ასაკის ბიჭები ტბაში საბანაოდ თანატოლებთან ერთად ჩავიდნენ, თუმცა ნაპირზე გამოსვლა ვეღარ შეძლეს.
ადგილზე საგანგებო სიტუაციების მართვის სამსახურის მაშველები, პოლიცია და სასწრაფო სამედიცინო დახმარების ბრიგადები იყვნენ მობილიზებული. საძიებო სამუშაოები ტბაში რამდენიმე საათი გაგრძელდა. მაშველებმა ორივე მოზარდის ცხედრები ორსაათიანი ძებნის შემდეგ ტბაში ნახეს.
ორივე გარდაცვლილი სოფელ ნაზარლოდან იყო. ადგილობრივების თქმით, ტბა საკმაოდ ღრმაა, ტერიტორია კი დაცული არაა, რომ მსგავსი უბედური შემთხვევა არ მოხდეს. ბავშვები მშობლების დაუკითხავად სისტემატურად დადიან ტბაზე საბანაოდ.
"აქ ბანაობა აკრძალულია, რადგან ძალიან დამრეცი ნაპირები აქვს და თუ ჩავარდი, ამოსვლა ძალიან რთულია... ამის მიუხედავად ერთი გამაფრთხილებელი აბრის მეტი არაფერი კიდია და არავინ აკონტროლებს ტერიტორიას" - ამბობს AMBEBi.GE-სთან ადგილობრივი.
როდესაც მაშველებმა მოზარდების ცხედრები წყლიდან ამოიყვანეს, ადგილზე იმყოფებოდნენ მათი მშობლებიც.
"წყლიდან, რომ ამოიყვანეს, ბავშვები უკვე გარდაცვლილები იყვნენ, საშინელება ტრიალებდა. ეს ნამდვილი ტრაგედიაა მათი ოჯახებისთვის და მთელი ჩვენი სოფლისთვის" - გვითხრა ერთ-ერთმა ადგილობრივმა.
ავტორი: მარი ვარდოშვილი
ტბას დააბრალეთ ეხლა და დაცვას. ის რომ 17 წლის მოზარდმა ცურვა არ იცის და შედის ღრმა წყალში მაგას არა. არც მის მშობლობეს და არც საზოგადოებას სადაც მოზარდებმა პალნის შეკეთება, წამლის გაკეთება და კალაშნიკოვიდან სროლა იციან თვალდახუჭულად, ცურვა კი არა. სულ ტბის ბრალი ყოფილა ყველაფერი
საშინელებაა. მაგრამ სხვაზე გადაბრალება ამისი სისულელეა რათ უნდა დაცვა თუ წერია ისიც საკმარისი უნდა იყოს რომ ბანაობა არ შეიძლება თუ ბევრ ადგილას იქნება ეს წარწერები უკეთესი იქნება