მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სტუ-ის სტუდენტი - მადლობელი ვარ ტექნიკური უნივერსიტეტის და ჩემი დეკანატის, მუდმივად ვგრძნობ თანადგომას
19:14 / 23-06-2021
საქართველოს ტექნიკური უნვერსიტეტის ინფორმატიკისა და მართვის სისტემების ფაკულტეტის მე-2 კურსის სტუდენტმა, ლუკა გულედანმა, შერეულ ორთაბრძოლებში გამართულ საქველმოქმედო შეჯიბრში - ლიგა AGC CHALLENGE-ის თასი მოიგო. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.
მათივე ინფორმაციით, ლუკა გულედანმა სპორტულ საქველმოქმედო ღონისძიებაში გამარჯვებით მიღებული თანხა ხობის საკვირაო სკოლასა და ბავშვთა სარაგბო კლუბ „სოხუმს“ გადაეცა.
ლუკა გულედანმა თეთრიწყაროს მე-2 საჯარო სკოლის დასრულების შემდეგ სწავლა საქართველოს ტექნიკურ უნივერსიტეტის ინფორმატიკისა და მართვის სისტემების ფაკულტეტზე გააგრძელა.
სპორტის სხვადასხვა სახეობას ლუკა ბავშვობიდანვე ეზიარა. 6 წლის იყო, როდესაც ძიუდოში ვარჯიში დაიწყო, წლების შემდეგ კი ბედი კრივსა და კარატეში სცადა.
„აბიტურიენტობისას, დაახლოებით ერთი წელი, დროის სიმცირის გამო, სპორტს ჩამოვშორდი. როგორც კი სტუდენტი გავხდი, გადავწყვიტე სწავლის პარალელურად სპორტული კარიერა განმეახლებინა და ფიქრი დავიწყე, სად მევარჯიშა. ვეძებდი სპორტის ისეთ სახეობას, რომელიც ჩემი შესაძლებლობების განვითარების საშუალებასაც მომცემდა, თან ჩემთვის ნაცნობი სახეობების გაერთიანებას შევძლებდი. ასეთი კი შერეული ორთაბრძოლები გამოდგა. უდიდესი ემოციაა, როდესაც რინგზე გადიხარ, არ იცი რა მოხდება, როგორ წარიმართება მოვლენები. შეიძლება ერთმა დარტყმამ ან არასწორმა მოძრაობამ ბრძოლის მთელი ტაქტიკა შეგიცვალოს. როცა უკვე კარი იკეტება, მხოლოდ საკუთარი თავის იმედად რჩები. ეს უდიდესი ადრენალინია, სწორედ ამიტომაა სპორტის ეს სახეობა ასეთი ლამაზი. საბედნიეროდ, ჯერჯერობით, ბრძოლა არ წამიგია“, - აღნიშნავს ლუკა გულედანი.
როგორც საქართველოს ტექნიკური უნივერსიტეტის სტუდენტი ამბობს, სპორტში კარიერულ წარმატებას უნივერსიტეტის ადმინისტრაციისა და ფაკულტეტის დეკანატის ხელშეწყობით აღწევს და მადლიერებით საუბრობს ამის შესახებ.
„მადლობელი ვარ ტექნიკური უნივერსიტეტის და ჩემი დეკანატის, რადგან მუდმივად ვგრძნობ თანადგომასა და მათ მხარდაჭერას. ტექნიკურ უნივერსიტეტში იმის ფუფუნებას გვიქმნიან, რომ სწავლა და ვარჯიში ან თუნდაც სამუშაო ისე შევათავსოთ, რომ ერთმანეთს ხელი არ შეუშალოს. გრაფიკით ვსარგებლობ და ყველაფერს ვასწრებ. წინ დიდი გამოწვევებია, არ ვაპირებ გაჩერებას და ორმაგი შემართებით ვემზადები უფრო მაღალ ეშელონებში ბრძოლისთვის“, - ამბობს ლუკა გულედანი.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენც ეხლა გისკდება რა ტვინი სწავლით და სულ ფორმულებს ღვრი გონებიდან , წიგნი-ც აიღე , ოღონდ წასაკითხად