"რობიკოს სტატუსებს არ კითხულობთ? მთელი ცხოვრებაა ამბობს, რომ რუსეთი ოკუპანტია" - გოგა ბარბაქაძე რუსთაველის თეატრის მოსკოვში გამგზავრებაზე

"რუსთაველის თეატრის" მსახიობი გოგა ბარბაქაძე ამბობს, რომ ჩეხოვის ფესტივალი მნიშვნელოვანი მოვლენაა და ქართული დასი იქ უნდა წავიდეს.

აღნიშნულთან დაკავშირებით მან "ფორმულასთან" საუბრისას განაცხადა.

"რუსეთში მსოფლიო ჩემპიონატი რომ ჩატარდა ფეხბურთში და გაემარჯვა საქართველოს ეროვნულ ნაკრებს, არ უნდა წასულიყო? ხო ითამაშეს ბიჭებმა და ვჩალიჩობდით, რომ გავსულიყავით. უბრალოდ, მოხდა რომ ვერ გავედით.

ეს თქვენთვის არ არის მნიშვნელოვანი, თორემ ანალოგიურად მნიშვნელოვანია ჩეხოვის ფესტივალიც. ბატონი რობიკოს სტატუსებს არ კითხულობთ რუსეთთან დაკავშირებით, რას წერს? ის, რომ რუსეთი ოკუპანტია, რობიკო ამას მთელი ცხოვრებაა ამბობს. სხვათა შორის, რობიკო რუსეთში ისეთ ხალხთან ჩადის, ვინც მოაწერა ხელი, რომ რუსეთის ჯარი გასულიყო საქართველოდან, რომ იცოდეთ..." - ამბობს ბარბაქაძე.

ცნობისთვის, მოსკოვი ჩეხოვის ფესტივალს მასპინძლობს, სადაც სხვადასხვა ქვეყნის თეატრალურ დასებთან ერთად, 27 ივნისს საქართველოც მიიღებს მონაწილეობას.

რუსეთის საზოგადოებრივი ტელევიზიის პირველი არხის ინფორმაციით, თბილისის შოთა რუსთაველის სახელობის ეროვნული თეატრი მოსკოვში თავის საპრემიერო სპექტაკლს გამართავს. რუსთაველის თეატრი მოსკოვში რობერტ სტურუას სპექტაკლს „თამაშის დასასრული“ ითამაშებს.