1
აპრილიდღის ზოგადი ასტროლოგიური პროგნოზი
პოლიციამ ოჯახის არასრულწლოვანი წევრის მიმართ ჯგუფურად ჩადენილ წამების ფაქტზე თბილისში ორი პირი დააკავა. აღნიშნულის შესახებ ინფორმაციას შინაგან საქმეთა სამინისტრო ავრცელებს.
შინაგან საქმეთა სამინისტროს თბილისის პოლიციის დეპარტამენტის არასრულწლოვნების მთავარი სამმართველოს თანამშრომლებმა, არასრულწლოვნის მიმართ ჯგუფურად ჩადენილ წამების ფაქტზე, არასრულწლოვნის მამინაცვალი - 1993 წელს დაბადებული ა.ს. და დედა - 1993 წელს დაბადებული მ.დ. თბილისში დააკავეს.
უწყების ცნობით, დანაშაული 9-დან 15 წლამდე ვადით თავისუფლების აღკვეთას ითვალისწინებს.
"გამოძიებით დადგინდა, რომ მ.დ. და მისი მეუღლე - ა.ს. არასრულწლოვანს - 2014 წელს დაბადებულ ვ.დ.-ს დასჯის მიზნით აწამებდნენ, რომელიც თავისი ხასიათით, ინტენსივობით და ხანგრძლივობით იწვევს ძლიერ ფიზიკურ ტკივილს.
სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, ა.ს. და მ.დ. ბრალდებულების სახით, თბილისში დააკავეს. გამოძიების ფარგლებში დანიშნულია შესაბამისი ექსპერტიზები და ტარდება ყველა შესაბამისი საგამოძიებო და საპროცესო მოქმედება.
არასრულწლოვანი, თავის მცირეწლოვან ძმასთან ერთად, სოციალური მუშაკის მიერ გადაყვანილია უსაფრთხო ადგილას.
საქმეზე გამოძიება არასრულწლოვნის მიმართ ჯგუფურად ჩადენილ წამების ფაქტზე, საქართველოს სისხლის სამართლის კოდექსის 11 პრიმა-144 პრიმა მუხლის მეორე ნაწილის "ე“ და „ზ“ ქვეპუნქტებით მიმდინარეობს“- ნათქვამია ინფორმაციაში.
სატანისტები არიან?ეს რა ხდება?!!!რა ხალხია???!!
ეხლა გამოხტით ის ხალხი რლმ ქადაგებთ ბავშვი დედასთან უნდა იზრდებოდესო. ბავშვი უნდა იზრდებოდეს მშვიდ და უსაფრთხო გარემოში, რა მნიშვნელობა აქვს დედა იქნება, მეზობელი თუ სრულაიდ უცნობი ადამიანი. ბავშვებს აჩენენ რომ დახმარება არ შეუწყდეთ სახელმწიფოსგან და სულ არ აინტერესებთ როგორი იქნებიან. ესაა მავნებლობა სახელმწიფოს მხრიდან, რომ მსგავს დედებს რამეს უფინანსებს. იმედია 20 წლით მაინც ჩასვამენ ციხეში ამ მათხოვრებს