"ძალიან დიდი მორალური და მატერიალური ზიანი მოგვადგა... პოლიციამ დანაშაული ცხელ კვალზე გახსნა" - რას წერს ნინო სუხიშვილი "ფეისბუქზე"?
ქართული ნაციონალური ბალეტის დირექტორი ნინო სუხიშვილი შინაგან საქმეთა სამინისტროს მადლობას უხდის.
როგორც ის სოციალურ ქსელში წერს, წყნეთში გაქურდეს "ღია ტერასა", სადაც პანდემიამდე "სუხიშვილები" კონცერტებს მართავდნენ.
"მადლობა შინაგან საქმეთა სამინისტროს
წყნეთში, სადაც პანდემიამდე ხშირად იმართებოდა ჩვენი კონცერტები, სუხიშვილების ქ. N 1-ში მდებარე "ღია ტერასა ტყეში" გაქურდეს და ძალიან დიდი მორალური და მატერიალური ზიანი მოგვადგა, მაგრამ წყნეთის პოლიციის უფროსს ბატონ დიმას და მოადგილეს ბატონ ამირანს...
უღრმესი მადლობა თავდაუზოგავი შრომისთვის, მათ ცხელ კვალზე გახსნეს აღნიშნული დანაშაული და დააკავეს დანაშაულის ჩამდენი პირი. შინაგან საქმეთა სამინისტრო ბევრი ასეთი კადრი თქვენ" - წერს ნინო სუხიშვილი.