მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დღეიდან "კურიერს" გიორგი სანაიას ვაჟი, სანდრო სანაია წაიყვანს - "იმედია, მეც მოვიპოვებ იმ ნდობას, რომელიც არსებობდა გიორგის მიმართ"
13:21 / 16-06-2021
დღეიდან "რუსთავი 2"-ის ახალ სატელევიზიო სეზონში "კურიერს", ძველ წამყვანებთან ერთად, ჟურნალისტ გიორგი სანაიას ვაჟი, სანდრო სანაია წაიყვანს. სანდროსთან ერთად საინფორმაციო გამოშვების კიდევ ერთი ახალი სახე ავთო გვასალია იქნება.
"ორმაგად საპასუხისმგებლო საქმეა ჩემთვის, გავაგრძელო "რუსთავი 2"-ის ისტორია. ვიჯდე "კურიერის" ეთერში და მაყურებელს გავაცნო დღის ყველაზე მნიშვნელოვანი ამბები", - ასე მიმართა სანდრო სანაიამ მაყურებელს "კურიერის" წამყვანის რანგში.
როგორც სანდრო აღნიშნავს, "კურიერის" წამყვანობაზე დიდი ხანი ოცნებობდა და კითხვაზე, რას ურჩევდა მამამისი, ცოცხალი რომ ყოფილიყო, ასე პასუხობს:
"შეიძლება ეთქვა არ გინდაო, ან მიდი როგორც შენ გინდაო. ორი პასუხი არსებობს - ან კი, ან არა. თუმცა მე მაინც იმას ვიზამდი, როგორც მე მივიჩნევდი სწორად. ძალიან დიდ პასუხისმგებლობას ვგრძნობ უკვე და იმედი მაქვს, რომ მეც მოვიპოვებ იმ ნდობას, რომელიც არსებობდა გიორგი სანაიას მიმართ", - აღნიშნა სანდრო სანაიამ.
დღემდე სანდრო სანაია სამი წლის განმავლობაში წამყვანად მუშაობდა "რუსთავი 2"-ის გადაცემაში "დილა უქმეებზე", სადაც პირდაპირ ეთერში მუშაობის კარგი გამოცდილება მიიღო.
"დღეიდან "კურიერი" ეთერში ახალი ფორმატით გავა; 12,15,18 და 21 საათიან გამოშვებას წყვილი წამყვანები წაიყვანენ. 12 საათზე ახალი ამბები მაყურებელს უკვე გააცნო სანდრო სანაიამ თამარ ურუშაძესთან ერთად", - წერს "ფეისბუქში" ჟურნალისტი სალომე ბოკუჩავა.
შეგახსენებთ, "რუსთავი 2"-ის ჟურნალისტის, გიორგი სანაიას ბურუსით მოცული მკვლელობა ამ დრომდე გამოუძიებელია.
გიორგი სანაია 2001 წლის 26 ივლისს საკუთარ სახლში გარდაცვლილი იპოვეს. გამოძიებამ მომხდარი ყოფით ნიადაგზე ჩადენილ მკვლელობად შეაფასა და პასუხისგებაში მისცა ვინმე გრიგოლ ხურცილავა, იგივე "გრიცკო", თუმცა გამოძიების ეს ვერსია იმთავითვე ეჭვქვეშ დადგა.
"ქართული ოცნების" ხელისუფლებაში მოსვლის შემდეგ, სანაიების ოჯახმა საქართველოს მთავარ პროკურატურას ხელახალი გამოძიების დაწყების თხოვნით მიმართა, თუმცა პროკურატურამ გამოძიება არ დაიწყო, მიზეზი კი ის გახდა, რომ საგამოძიებო უწყების განცხადებით, საჭიროა ახალი გარემოებების აღმოჩენა.
მკითხველის კომენტარები /
46 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბა ის ვინ არის მთავარზე რომაა.
გადავულოცოთ მაგ გვარს მთელი მედია...