სალვადორის ყოფილი პირველი ლედის სკანდალური საქმე - რატომ მიუსაჯეს ანა ლიგია დე საკას 10-წლიანი პატიმრობა

სალვადორის ყოფილი პირველი ლედი, ანა ლიგია დე საკა სასამართლომ უკანონოდ გამდიდრებაში დამნაშავედ ცნო და 10-წლიანი პატიმრობა მიუსაჯა,- ამის შესახებ ინფორმაციას "დოიჩე ველე“ ავრცელებს.

ამასთან, გამოცემის ცნობით, ანა ლიგია დე საკას ქვეყნის მთავრობისთვის 17.6 მილიონი აშშ დოლარის გადახდა დაეკისრა.

აღსანიშნავია, რომ ანა ლიგია დე საკას ქმარი, სალვადორის ყოფილი პრეზიდენტი ტონი საკა სასჯელს იხდის პრეზიდენტობის პერიოდში, 2004-2005 წლებში ჩადენილი დანაშაულებისთვის.

საკა სალვადორის პირველი პრეზიდენტი იყო, რომელიც კორუფციაში დამნაშავედ ცნეს. მას პატიმრობა 2018 წლის სექტემბერში მას შემდეგ მიუსაჯეს, რაც აღიარა, რომ მთავრობის ხაზინიდან 300-მილიონ დოლარზე მეტი საკუთარი ბიზნესისა და მესამე პირების სასარგებლოდ მიმართა.

ამასთან, სასამართლოს განცხადებით, საკამ პრეზიდენტობის პერიოდში მიღებული 6.5 მილიონი აშშ დოლარის ოდენობის შემოსავლის წარმოშობა ვერ ახსნა.

პატიმრობასთან ერთად ტონი საკას მთავრობისთვის 260 მილიონი აშშ დოლარის დაბრუნება და 10 წლით საჯარო სამსახურში მუშაობა აეკრძალა.