მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს ინფორმაცია კიევიდან მივიღეთ და გახარიას არ გავანდეთ, რადგან ეჭვი გაჩნდა" - კობახიძე ექსპრემიერს ენმ-სთან ალიანსს აბრალებს და შეთქმულებაზე საუბრობს
17:57 / 05-06-2021
"ქართული ოცნების" თავმჯდომარე ირაკლი კობახიძე ამბობს, რომ ნიკა მელიას დაკავების დღეს კიევიდან ინფორმაცია მიიღეს, რომ "ნაციონალური მოძრაობა" ხელისუფლების აყირავებას აპირებდა.
როგორც მან "ღამის კურიერის" ეთერში განაცხადა, ეს ინფორმაცია მაშინდელ პრემიერს გიორგი გახარიას დაუმალეს, რადგან მის მიმართ გაჩნდა ეჭვები.
მისი განმარტებით ეჭვები "ნაცმოძრაობისა" და გახარიას თანხვედრმა განცხადებებმა გამოიწვია.
"გეგმა იყო ასეთი, მას შემდეგ, რაც ხელისუფლება ვერ დააკავებდა მელიას, იწყებდა საუბარს "ნაცმოძრაობა" იმაზე, რომ ხელისუფლებას ჰქონდა არალეგიტიმურობის შეგრძნება.
ამაზე მითითებით, გახსოვთ, სააკაშვილმა გააკეთა განცხადება ალტერნატიულ მთავრობასთან დაკავშირებით. 18 თებერვალს უკვე, ვერდაკავების საბაბით აყალიბებდნენ ალტერნატიულ მთავრობას ე.წ. ძალოვანი მინისტრებით. ეს ინფორმაცია კიევიდან გვქონდა. ჰყავდათ ადამიანები შინაგან საქმეთა და თავდაცვის სამინისტროებში, რომლებიც აკეთებდნენ განცხადებას ალტერნატიული მთავრობის და ძალოვანი სტრუქტურების დაქვემდებარებაში გადასვლის თაობაზე.
მე არ ვიცი, პრემიერ გახარიასთვის ეს ცნობილი იყო თუ არა, მაგრამ დასკვნები შეგიძლიათ თქვენ გამოიტანოთ. ჩვენ გვქონდა ამასთან დაკავშირებით ინფორმაცია ჩვენი კოლეგებისგან და დავუმალეთ გიორგი გახარიას, რადგან ეჭვი გაჩნდა.
ეჭვი გამოიწვია თანხვედრამ... იქიდან (კიევიდან) ამბობენ, რომ 2-3 დღე გვჭირდება და ავაყირავებთ ხელისუფლებასო და აქ ითხოვს ჩვენი გუნდის ერთ-ერთი ლიდერი, გაუგებარი მოტივით, 2-3 დღით ოპერაციის გადადებას" - ამბობს კობახიძე.
წამყვანი აზუსტებს, რომ ეს არის ძალიან მძიმე ბრალდება ექსპრემიერის მიმართ, რაზეც კობახიძე პასუხობს:
"კი, ეგრე გამოდის. ეს იმიტაცია ხდება ძალოვან სტრუქტურებში, აქედან იქით გადადიან თანამშრომლები და ა.შ. ალტერნატიული მთავრობის დაქვემდებარებაში ძალოვან სტრუქტურებში გადადიან რეალური ძალოვნები, შინაგან საქმეთა სამინისტროს და თავდაცვის საქმეთა სამინისტროს თანამშრომლები, ეს შეიძლება ყოფილიყო სულ 15 კაცი. ეს უნდა მომხდარიყო 18-19 თებერვალს. ჩვენთვის ამ ძალოვანების ვინაობა არ არის ცნობილი,.
შემდეგი გეგმის ნაწილი იყო ის, რომ 19 თებერვლისთვის სააკაშვილი უნდა შემოსულიყო სარფიდან საქართველოში, სადაც უნდა დახვედროდნენ აქტივისტები. ჩვენ არ ვამტკიცებთ, რომ ამას შეძლებდნენ ისინი და ააყირავებდნენ მართლა ხელისუფლებას... თუმცა საკმაოდ სახიფათო ჯაჭვი იქმნება მმართველი პარტიისთვის" - განაცხადა ირაკლი კობახიძემ.
მკითხველის კომენტარები /
39 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გადაშენდით ყველა ერთ დღეს!..ქვეყნისთვის და ხალხისთვის არავის გცალიათ.
სტალინის დროს რო კერავდნენ საქმეებს, ეგეთი პონტს აწვება. მგონი ესენიც კომუნისტებივით 70 წელი იქნებიან ხელისფლებაში და მერე რა იქნება, აღარავის ადარდებს.