გუმათში სამართალდამცავებსა და "ნამახვანჰესის" მშენებლობის მოწინააღმდეგეებს შორის კიდევ ერთი დაპირისპირება მოხდა
სოფელ გუმათში სამართალდამცავებსა და „ნამახვანჰესის“ მშენებლობის მოწინააღმდეგეებს შორის კიდევ ერთი დაპირისპირება მოხდა. აქციის მონაწილეები ბარიკადის მიღმა გადასვლას და ნამახვანისკენ გადაადგილებას ცდილობდნენ, რისი საშუალებაც მათ სამართალდამცავებმა არ მისცეს. სავარაუდოდ, აქციაზე დაკავებულია ერთი პირი.
ამ წუთებში აქციის მონაწილეეები რკინის ჯებირებს ხელებს ურტყამენ და პროტესტს ამ ფორმით გამოხატავენ.
აქციის ერთ-ერთი ორგანიზატორის ვარლამ გოლეთიანის განცხადებით, მათ საკუთარ მიწაზე გადასვლას ე.წ. რობოკოპები და წყლის ჭავლის მანქანები არ აძლევენ.
"ამ ყველაფრის შემდეგ მორალური უფლება აღარ აქვს კომპანია „ენკას“ აქ ყოფნის. ეს არის კომპანიისთვისაც პრინციპი, რომ მთლიან ხეობაზე არ გვიშვებს როგორც მის კერძო საკუთრებაზე. ჩამდგარია „რობოკოპები“, წყლის ჭავლის მანქანა და არ გვეძლევა შესაძლებლობა გადავიდეთ საკუთარ მიწაზე“, - აღნიშნა ვარლამ გოლეთიანმა.
ცნობილი ტელეწამყვანი და მეცნიერი არნოლდ გეგეჭკორი კორონავირუსს ემსხვერპლა
მოძრაობა "საქართველოსთვის" აქტივისტების თქმით, გახარიამ მათი ორგანიზაციის სახელი მოიპარა
