მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამიდუღდა ტვინი, რომ გამეგო, რა განსხვავება იყო ამნისტიის ორ პროექტს შორის და არაფერი დიდი განსხვავებები არ არის, სავსებით შესაძლებელია კომპრომისი" - ელისაშვილი
12:45 / 28-05-2021
ამიდუღდა ტვინი, რომ გამეგო, რა განსხვავება იყო ორ პროექტს შორის და არაფერი დიდი განსხვავებები არ არის, სავსებით შესაძლებელია კომპრომისი, - ამის შესახებ ჟურნალისტებთან "მოქალაქეების" ლიდერმა, ალეკო ელისაშვილმა ამნისტიის შესახებ მმართველი გუნდისა და ოპოზიციის პროექტებზე საუბრისას განაცხადა.
როგორც მან აღნიშნა, „მოქალაქეების“ მხარდაჭერას მეორე მოსმენისთვის მხოლოდ შეჯერებული პროექტი მოიპოვებს.
“გუშინ მთელი დღე დავკარგეთ არასაჭიროდ,. მთელი დღე ვისხედით. ამიდუღდა ტვინი, რომ გამეგო, რა განსხვავება იყო ორ პროექტს შორის და არაფერი დიდი განსხვავებები არ არის. ამდენად, სავსებით შესაძლებელია კომპრომისი. ჩემთვის გაუგებარია ან აქედან ან იქიდან გაჯიქება, ეს რა წესია ქართულ პოლიტიკაში დამკვიდრებული?! მითუმეტეს, გამორთულ კამერებთან სხვანაირები რომ არიან და ჩართულთან სულ სხვანაირად ლაპარაკობენ, ეს არის კიდევ გაუგებარი. ჩვენ ვფიქრობთ, პრინციპების დონეზე შეთანხმება და ერთი პროექტის გატანა ძალიან მარტივია, მაგრამ ორივე გაჯიქებულია ერთნაირად. არც ერთი არ არის ისეთი საკითხი, რომელზეც დგას საქართველოს მომავალი. თანხმობა თუ არ მოიხსნება, ესე იგი ვეღარ აყვავდება ეს ქვეყანა? ნიკა მელია რას იტყვის არ მაინტერესებს. რესურსი შეთანხმების არსებობს. არ არის ისეთი არაფერი განსხვავება და მითუმეტეს, არ არის ამნისტია ისეთი საკითხი, რომელზეც საქართველოს მომავალია დადებული. ვისაც უნდა შეეხოს, ყველა იძახის არ მინდაო, შესაბამისად, ამაო ძალისხმევაა. ჩვენ ავანსად გავეცით ჩვენი მხარდაჭერა გუშინ და ოპოზიციის პროექტსაც ავანსად დავუჭერთ მხარს, მაგრამ კომპრომისული ვარიანტი თუ არ იქნება, არ დავუჭერთ მხარს მეორე მოსმენაზე,” - განაცხადა ელისაშვილმა.
ელისაშვილი ჟურნალისტებთან საუბრისას რეგლამენტში შესატან ცვლილებებსაც შეეხო, რომლის თანახმად, პარლამენტში პოლიტიკური ჯგუფის ჩამოყალიბების საშუალება არანაკლებ 4 დეპუტატს შეუძლია.
ელისაშვილის თქმით, მიუხედავად შენიშვნებისა, ცვლილებებს მიესალმება და მხარს დაუჭერს.
“თავად ფაქტი, რომ დაიწიოს დეპუტატების რაოდენობამ ფრაქციის შესაქმნელად, ეს არის კარგი, რომ სხვადასხვა პოლიტიკურ ჯგუფს მეტად გაეხსნას ხელ-ფეხი პარლამენტის საქმიანობის უკეთ წარმართვისთვის. იდეა არის კარგი, თუმცა, ჩვენ დავსვით კითხვა და ვისურვებდით ამ ცვლილებებში აისახოს - რატომ 4 და რატომ არა მაგალითად, 3 ან 2 ან 1. თუკი არსებულ რეალობაზე რეგლამენტის მორგებას ვგულისხმობთ, ნათელაშვილი მაგალითად, არ კადრულობს, მართალია და არ შემოდის, მაგრამ ერთი ადამიანია. ჩვენ „მოქალაქეებს“ 2 დეპუტატი წარმოვადგენთ და ა.შ. თამაში რომ არის “მაშ რამდენი”, ასეა დაახლოებით, რატომ 4 და არა 2?" - განაცხადა ელისაშვილმა.
ალეკო ელისაშვილის განცხადებით, მას პრივილეგიები არ იზიდავს და ერთადერთი მიზეზი, რის გამოც სურს ფრაქციის შექმნის საშუალება მიეცეს, ნდობის ჯგუფში მონაწილეობაა.
"ჩვენ არც ბენზინით ვსარგებლობთ და რა პრივილეგიებიც გვეკუთვნოდა, იმაზეც უარს ვამბობთ, ტელეფონის თანხის ჩარიცხვაზეც უარს ვამბობთ და ა.შ. ჯერ ერთი გვინდა რომ დავზოგოთ ეს თანხა, მეორეც არ გვჭირდება, ვირიცხავ ჩემთვის 25 ლარს და მყოფნის მთელი თვე და ბენზინს თავზე ხომ არ დავისხამ? - აგერ ვცხოვრობ (პარლამენტთან) 200 მეტრში," - განაცხადა ელისაშვილმა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ გადაიღალე უკვე გამოდი))))!!
ფრაქცია დიდი ხელფასია და პლიუს კიდევ რაღაც-რაღაცეები... არ გინდა ალეკო.. ხელფასს მარტო გამსახურდია არ იღებდა, ცხონებული.. 25 ლარი რა მოსატანია....