მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
3 ივნისიდან "პალიტრა L” ახალ სერიას „ქალების კალმით“ ქართველი მკითხველისთვის ცნობილი და საყვარელი ავტორის,ელიფ შაფაქის ახალი წიგნით დაიწყებს
11:57 / 28-05-2021
ჯერ კიდევ იმ დროიდან, როდესაც ქალებს განათლების სკოლებსა თუ უმაღლეს სასწავლებლებში მიღების, არჩევნებში ხმის მიცემის, აზრის ხმამაღლა დაფიქსირების უფლება არ ჰქონდათ, თვითგამოხატვის სურვილს წინააღმდეგობები ხელს ვერ უშლიდა. იყვნენ ქალები, რომლებიც უსამართლობას წინ აღუდგნენ და თავიანთი სიტყვა ძალიან მკაფიოდ წარმოთქვეს. მსოფლიო ლიტერატურა არაერთ ქალ მწერალს იცნობს, რომელთა ნაწილმაც აღიარება მალევე მოიპოვა, ნაწილმაც - დიდი ხნის შემდეგ.
რის შესახებ წერდნენ ქალები და როგორია მათი კალმით აღწერილი სამყარო? გამომცმელობა „პალიტრა L-ის“ სერია „ცხოვრება ქალების კალმით“ ამ კითხვაზე პასუხის გაცემას, ქალი მწერლების პოპულარიზაციას ისახავს მიზნად. სერიის ფარგლებში ქართველი და უცხოელი ავტორების წიგნები გამოიცა, მათ შორის: ჯეინ ოსტინის, დები ბრონტეების, ტონი მორისონის, ელიფ შაფაქის და სხვათა ნაწარმოებები. იმისათვის, რომ ეს წიგნები მაქსიმალურად ხელმისაწვდომი იყოს, მათ შეძენას 3 ივნისიდან ჟურნალ „გზასთან“ ერთად სპეციალურ ფასად შეძლებთ. სერიის პირველი წიგნია ელიფ შაფაქის „დაუსრულებელ გატაცებათა ღმერთი“. წიგნის სპეციალური ფასია 8 ლარი, ჟურნალთან ერთად - 10 ლარი.
ქალ მწერლებზე საუბრისას თანამედროვე მკითხველს შეუძლებელია ელიფ შაფაქი არ გაახსენდეს - თურქი მწერალი, რომელიც დასავლეთისა და აღმოსავლეთის გზაგასაყარზე დგას და თავის რომანებში ორი კულტურის სინთეზს წარმოგვიდგენს. აღსანიშნავია, რომ იგი არამხოლოდ გამორჩეული წერის მანერის გამო შეიყვარა მკითხველმა, არამედ იმ საზოგადოებრივი აქტივიზმისა, რასაც ეწევა მწერალი მთელი თავისი ცხოვრების განმავლობაში. უმცირესობების უფლებები და გენდერის საკითხები ის ძირითადი თემებია, რომელთა შესახებაც შაფაქი ყველაზე ხშირად საუბრობს. მისი დისერტაციის თემაც გენდერული იდენტობის პრობლემების შესახებ იყო.
მწერალი ერთ-ერთ ინტერვიუში ამბობს: „ძალიან მაინტერესებს ის ადამიანები, რომლებსაც ხმის ამოღების უფლებას უზღუდავენ, აჩუმებენ. ვფიქრობ, ამ თვალსაზრისით, ჩემს წიგნებს სწორედ ეს საკითხი აერთიანებს, მიუხედავად იმისა, რომ ყოველი რომანი ერთმანეთისგან განსხვავდება. ჩემი დიდი სურვილია, ვიყო იმ ადამიანების ხმა, რომლებსაც სხვადასხვა მიზეზის გამო მათთვის სასიცოცხლოდ მნიშვნელოვან თემებზე ხმამაღლა საუბარი არ შეუძლიათ.“ შაფაქის ხმა თანამედროვე სამყაროში ნამდვილად ხმამაღლა ისმის.
სერიის „ცხოვრება ქალების კალმით“ პირველი წიგნიც სამყაროსთვის ხმის მიწვდენის კიდევ ერთი მცდელობაა. რომანში „დაუსრულებელ გატაცებათა ღმერთი“ მწერალი აშშ-ში მცხოვრები ემიგრანტების შესახებ მოგვითხრობს. ამჯერად მისი ყურადღება თანამედროვე სამყაროს ახალგაზრდებისადმია მიმართული: რა პრობლემები აქვთ მათ და როგორ ცდილობენ მათთან გამკლავებას, როგორ უყვართ თუ როგორ სძულთ, რისი გაკეთება უწევთ თვითდამკვიდრებისთვის. რომანის მთავარი გმირები პირადი და პროფესიული გამოწვევების წინაშე დგანან. პრობლემებს ხშირად მათი უცხოელობა და აშშ-ში გავრცელებული სტერეოტიპები ქმნის. შეძლებენ ისინი, რომ საკუთარ სურვილებს მიჰყვნენ, თავისუფლები, დამოუკიდებლები და ბედნიერები იყვნენ?!
შეგახსენებთ, 3 ივნისიდან ჟურნალ „გზასთან“ ერთად სერიის „ცხოვრება ქალების კალმით“ წიგნების გამოცემა იწყება. სერიის პირველი წიგნია ელიფ შაფაქის „დაუსრულებელ გატაცებათა ღმერთი“. წიგნის სპეციალური ფასია 8 ლარი, ჟურნალთან ერთად - 10 ლარი.
აღსანიშნავია, რომ სერიის ყველა წიგნს ახლავს წინათქმა, რომელშიც მოცემულია ამა თუ იმ მწერლის როგორც ლიტერატურული როლი, ასევე ის კვალი, რომელსაც ქალი ავტორები თავიანთ ეპოქაში ტოვებდნენ უწინ და ახლა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
