ცნობილია, როდის და სად გაიმართება გიორგი გახარიას პარტიის პრეზენტაცია

ყოფილი პრემიერის გიორგი გახარიას პარტიის პრეზენტაცია 29 მაისს გაიმართება. AMBEBI.GE-ს ინფორმაციით, პრეზენტაცია თბილისში, 18:00 საათზე დაიწყება.

ექსპრემიერი პარტიის წევრებს წარადგენს და სამომავლო გეგმებზე ისაუბრებს.

ცნობისთვის, გიორგი გახარიამ თანამდებობა რამდენიმე თვის წინ დატოვა. პარალელურად თანამდებობები დატოვეს მასთან დაახლოებულმა პირებმა, რომლებსაც მთავრობაში და მუნიციპალიტეტებში თანამდებობები ეკავათ.