საქართველოში ამინდი გაუარესდება - როგორია უახლოესი დღეების პროგნოზი

25 მაისს დღის მეორე ნახევრიდან 26 მაისის დღის ბოლომდე საქართველოში (კახეთის რეგიონში 27 მაისის დღის მეორე ნახევრამდე) მოსალოდნელია დროგამოშვებით წვიმა ელჭექით (აღმოსავლეთ საქართველოში და დასავლეთ საქართველოს მთიან რეგიონებში ზოგან ძლიერი).

შესაძლებელია სეტყვა და ქარის გაძლიერება. ამის შესახებ ნათქვამია გარემოს ეროვნული სააგენტოს მიერ გავრცელებულ ინფორმაციაში.

მათივე ინფორმაციით, მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს.