მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პარლამენტი არ არის ის ადგილი, სადაც უნდა ბრძანდებოდე - ოროსანი იურისტი ხარ, წერა არ იცი, კითხვა არ იცი, მოსმენაც არ იცი?!" - ალუდა ღუდუშაური ლევან სამუშიას
14:32 / 24-05-2021
"პარლამენტი ნამდვილად არ არის ის ადგილი, სადაც უნდა ბრძანდებოდე. სახეს ნუ კარგავთ! ნამდვილად არ იცით, სად ხართ. შოუმენი ხართ! ერთი არგუმენტიც ვერ მოიყვანეთ, ნულპროცენტიანო. ოროსანი იურისტი ხარ, წერა არ იცი, კითხვა არ იცი, მოსმენაც არ იცი?!" - ასე მიმართა ადამიანის უფლებათა დაცვისა და სამოქალაქო ინტერგრაციის კომიტეტის სხდომაზე თავმჯდომარის მოადგილეm, ალუდა ღუდუშაურმა "ლელოს“ წევრს, ლევან სამუშიას.
ღუდუშაურის გაღიზიანება "ამნისტიის შესახებ“ კანონპროექტზე ლევან სამუშიას შეფასებებს მოყვა, რომლის მიხედვითაც სამუშია აცხადებდა, რომ "ქართულმა ოცნებამ“ 20 ივნისს სისხლიანი ღამის მოწყობის შემდეგ საკუთარი თავის ამნისტიის გადაწყვეტილება მიიღო.
"თქვენ თავს ვერ იკავებთ. როგორც ჩანს, მისამართი შეგეშალათ, სხვა გალაქტიკაში რომ ხართ, ეს ფაქტია. თუ თქვენ არ იცით პარლამენტში მოქცევა როგორ უნდა, აქედან გამომდინარე ვატყობ, რომ ნამდვილად არ არის ის ადგილი, სადაც უნდა ბრძადებოდე, სახეს ნუ კარგავთ. ნამდვილად არ იცით, სად ხართ. შოუმენი ხართ, ერთი არგუმენტიც ვერ მოიყვანეთ, ნულპროცენტიანო. გაჩერდი. ოროსანი იურისტი ხარ, წერა არ იცი, კითხვა არ იცი, მოსმენაც არ იცი?!“- აღნიშნა ალუდა ღუდუშაურმა.
ღუდუშაურის განცხადებას დარბაზიდან ლევან სამუშიამ უპასუხა და აღნიშნა, რომ "ნაციონალურ მოძრაობასაც“ არ გაუკეთებია ის, რასაც "ქართული ოცნება“ აკეთებს - "საკუთარი თავის ამნისტირება“.
"მე ვარ იქ, სადაც საქართველოს მოქალაქე უნდა იყოს ამ კონკრეტულ შემთხვევაში. მიმაჩნია, რომ ჩემი მოვალეობაა აქ ვიყო. თქვენ თუ კომიტეტის თავმჯდომარის ადგილზე გადმოგიყვანეს, შეგცვალეს და უფრო მკაცრის დაჭერას აპირებთ არ ვიცი. ასეთი საუბარი ჩემთან არ გასვლია არავის. ვკეკლუცობ კია რა წესიერად მესაუბრეთ. ჩემთან ეს საუბარი არ გაგივათ. სისხლიან ღამე მოაწყვეთ, გამოდიხართ და საკუთარი თავის ამნისტირებას ცდილობთ. ჩემს კვალიფიკაციას რომ ეხები, ამ შემთხვევაში არგუმენტი არ გაქვს მეტი“, - განაცხადა ლევან სამუშიამ.
ინციდენტის აღმოსაფხვრელად კომიტეტის თავმჯდომარემ სხდომაზე 5-წუთიანი შესვენება გამოაცხადა.
ცნობისთვის, პარლამენტის ადამიანის უფლებათა დაცვის კომიტეტის სხდომაზე, სადაც 19-20 ივნისის ამნისტიის შესახებ პროექტის განხილვა მიმდინარეობს, სიტყვიერი დაპირისპირება მოხდა. ერთმანეთს უმრავლესობის წევრი დეპუტატი ალუდა ღუდუშაური და პარტია "ლელოს“ წევრი ლევან სამუშია დაუპირისპირდნენ.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალი ბრძანდებით ბატონო ალუდა.
გენაცვალე ჯიგარში. ყველაფერიც იციან, მაგრამ არიან დაქირავებული პროვოკატორები, ქვეყანა ფეხებზე ჰკიდიათ.