მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ კონტროლდება სურსათის ხარისხი და ვარგისიანობა სუპერმარკეტებში?
10:16 / 17-05-2021
თუ თავად არ გქონიათ ამგვარი შემთხვევა, „ფეისბუქზე“ ერთხელ მაინც შეგხვდებოდათ სტატუსი, რომელიც სუპერმარკეტში საკვებად უვარგისი პროდუქტის შეძენას ეხება. ამგვარი შემთხვევების შესახებ ინფორმაციის გასავრცელებლად სოციალურ ქსელში სპეციალური ჯგუფიც კი შეიქმნა და მისი მეშვეობით ადამიანები ერთმანეთს თავიანთ გამოცდილებას უზიარებენ.
პოსტებში მომხმარებლები საუბრობენ გაფუჭებული იოგურტისა და პურის, საკვებად უვარგისი გაყინული პროდუქტისა თუ სხვა ხშირად მოხმარებადი სურსათის შესახებ და პასუხისმგებლობას სუპარმარკეტებს აკისრებენ.
საინტერესოა, რამდენად ხშირად ამოწმებს სურსათის ეროვნული სააგენტო ქსელურ სასურსათო სუპარმარკეტებს და თავად მაღაზიები როგორ აკონტროლებენ შენახვის პირობებსა და ვადებს? რატომ შეიძლება აღმოჩნდეს მაღაზიაში საკვებად უვარგისი პროდუქტი?
სურსათის ეროვნული სააგენტოს უფროსის მოადგილე ვასილ ბასილაძე AMBEBI.GE-სთან საუბარში განმარტავს, რომ სასურსათო მარკეტები როგორც გეგმურად, ისე არაგეგმურად კონტროლდება დოკუმენტური შემოწმების, ნიმუშის აღებისა და სხვა მექანიზმების მეშვეობით.
„სააგენტო აქტიურად ახორციელებს ყველა მიმართულების ბიზნესოპერატორის სახელმწიფო კონტროლს, მათ შორის ჩვენთვის ერთ-ერთი პრიორიტეტია სასურსათო მარკეტების კონტროლი, რომელიც ხორციელდება სხვადასხვა მექანიზმით: როგორც გეგმური, ისე არაგეგმური ინსპექტირება, დოკუმენტური შემოწმება, ნიმუშის აღება, მონიტორინგი, ზედამხედველობა. პირდაპირ და თამამად შეიძლება ითქვას, რომ შემოწმების პროცესში არის კარგი ობიექტებიც, მოწესრიგებული სუპერმარკეტები, თუმცა სხვადასხვა მიმართულებით იკვეთება დარღვევებიც“,- განმარტა მან.
კითხვაზე, სანამ პროდუქტი სუპერმარკეტის დახლზე მოხვდება, რამდენად მოწმდება მისი ვარგისიანობა, განსაკუთრებით მაშინ, როცა შეფუთული სურსათის მდგომარეობას მაღაზია ვერ აკონტროლებს, ვასილ ბასილაძე განმარტავს, რომ კონტროლდება სასაწყობე მეურნეობებიც.
„დალუქულ პროდუქტებს რაც შეეხება, ზოგიერთ მათგანს აქვს შენახვის ტემპერატურული რეჟიმი და პირობები და აუცილებელი და მნიშვნელოვანია, აღნიშნული დაცული იყოს სასაწყობე მეურნეობაში, სანამ ეს პროდუქტი სუპერმარკეტამდე მივა. სურსათის ეროვნული სააგენტო ამოწმებს სასაწყობე მეურნეობებს, შემდეგ გადმოვდივართ მარკეტებში. თუ სურსათის შენახვის პირობები დაცულია, ამ შემთხვევაში უფრო ნაკლებია იმის შანსი, რომ შეფუთული სურსათი გაფუჭდეს. თუ რა თქმა უნდა, ასეთი შემთხვევა მაინც დაფიქსირდა, მომხმარებელი ჩვენს ცხელ ხაზზე ტოვებს შეტყობინებას, ხდება რეაგირება და გავდივართ და ვამოწმებთ ობიექტს. როდესაც იკვეთება დარღვევა, ამაზე ჩვენ ვახდენთ კანონმდებლობით გათვალისწინებულ რეაგირებას ანუ შეიძლება, ბიზნესოპერატორს დაეკისროს საჯარიმო სანქცია ან მოხდეს პროდუქტის ამოღება-გამოთხოვა, თუ ამის საჭიროება არის და ა.შ“, - განმარტავს სურსათის ეროვნული სააგენტოს უფროსის მოადგილე.
მისივე შეფასებით, სუპერმარკეტებში სურსათის ხარისხისა და ვარგისიანობის კონტროლის კუთხით, წლების განმავლობაში ვითარება გაუმჯობესებულია, თუმცა გარკვეული გამოწვევები კვლავ არსებობს.
როგორც AMBEBI.GE-ს სასურსათო ქსელური სუპერმარკეტების გაერთიანება რითეილ ასოციაციაში განუმარტეს, პროდუქტის მიღების პროცესში მოწმდება მისი ფერი, სუნი, გემო, კონსისტენცია, ვადიანობა და ასევე, ტრანსპორტირების დროს ხომ არ დაკარგა სარეალიზაციო სახე. მათივე თქმით, კრიტიკულად მნიშვნელოვანია, პროდუქცია ყველა ჩამოთვლილ კრიტერიუმს აკმაყოფილებდეს.
„მიღებული პროდუქტის ნაწილი განთავსებულია დახლზე, ნაწილი კი საწყობში. სუპერმარკეტის საწყობები არ არის გადატვირთული და ვიღებთ მხოლოდ იმ რაოდენობის პროდუქციას, რაც გაყიდვებისთვის არის საჭირო“, - აღნიშავენ რითეილ ასოციაციაში.
მათივე ინფორმაციით, მიღებული პროდუქტი დახლებზე ტემპერეტურული რეჟიმის სრული დაცვით თავსდება, იქნება ეს ე.წ მშრალი თუ სამაცივრე თარო.
„პროდუქტის ვარგისიანობისა და ხარისხის შესანარჩუნებლად კრიტიკულად მნიშვნელოვანია ტემპერატურული რეჟიმის დაცვა. გარდა იმისა, რომ ჩვენი თანამშრომლები აღნიშნულ პირობას მუდმივად ამოწმებენ, პერიოდულად სპეციალურ ჟურნალში სამაცივრე ტემპერატურის ჩანაწერებსაც აკეთებენ, რაც შიდა კონტროლის მექანიზმს წარმოადგენს. როგორც თითოეული მომხმარებლისთვის, ისე ჩვენთვის სურსათის უვნებლობის საკითხი პრიორიტეტულია. უნდა აღინიშნოს, რომ სახელმწიფო მაკონტროლებლების მხრიდან ჩვენი 12-ვე წევრი კომპანიის სუპერმარკეტები ინტენსიურად მოწმდება და ერთობლივი მუშაობით მომხმარებლის დაცვის მეტი ბერკეტი გვაქვს“, - აღნიშნეს სასურსათო მარკეტების გაერთიანებაში.
კითხვაზე, რატომ ხდება შემთხვევები, როდესაც მომხმარებელი ხანდახან საკვებად უვარგის პროდუქტს იძენს, რითეილ ასოციაციაში განმარტეს, რომ მიღებული პროდუქციის დასაწყობება, დახლებზე განთავსება და მისი კონტროლი ხდება არა პროგრამულად, არამედ თანამშრომლის მიერ, რაც ადამიანური შეცდომების დაშვების ალბათობას ზრდის.
„ჩვენ ამგვარი შემთხვევების კიდევ უფრო მინიმუმამდე დასაყვანად ვმუშაობთ. ამ პროცესში მნიშვნელოვანია, მომხმარებელიც ინფორმირებული იყოს და შესყიდვამდე შეამოწმოს პროდუქტი, მისი ვარგისიანობა და შემადგენლობა. თუ რაიმე სახის პრობლემას აღმოაჩენს, უნდა მიმართოს სასურსათო მარკეტის თანამშრომელს, რომელიც მომხდარზე მყისიერ რეაგირებას მოახდენს და შესაბამის დახმარებას აღმოუჩენს. უვნებელი სურსათის რეალიზაცია და მისი მაღალი ხარისხი სამივე მხარის მაქსიმალური ჩართულობით მიიღწევა: ინფორმირებული მომხმარებელი, მარკეტებში უვნებლობის გამართული სისტემის აღსრულება და სახელმწიფო მაკონტროლებლის გეგმური თუ არაგეგმური შემოწმება“, - განმარტეს რითეილ ასოციაციაში.
უნდა ითქვას, რომ სურსათის უვნებლობის მთავარი მაკონტროლებლები ხშირად მაინც ჩვენ - მომხმარებლები ვართ, რომელიც პროცესში მაქსიმალურად ჩართულობით სახელმწიფოსა და ბიზნესს არსებული მექანიზმების მუდმივად დახვეწაში ვეხმარებით, რაც საბოლოოდ პროდუქტის ხარისხზე აისახება.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფაქტიურად უვარგისს ვერ ნახავ ვერაფერს, ყველაფერი მხოლოდ ნატურალური, არავითარი დანამატები, თან ყველაფერი საოცრად იაფი
ukontroloa sakvebis chenaxvis pirobebi sad xdeba darbilebuli shokoladis gakidva evropashi gamdnaria shogtavsi es aris ukve uvargisi da momzamlavi!!!!