მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლევან ვასაძე პრემიერს და მინისტრებს - "რა გეი აღლუმებათ, თქვენ მართლა... არ ვიტყვი რა... გპირდებით, აიკრძალება გარყვნილების საჯარო პროპაგანდა"
16:55 / 16-05-2021
საზოგადოებრივი მოძრაობა "ერთობა, რაობა, იმედის" დამფუძნებელი ლევან ვასაძე აცხადებს, რომ აიკრძალება გარყვნილების საჯარო პროპაგანდა.
ვასაძემ პრემიერს და მინისტრთა კაბინეტს მიმართა.
"იმ საქართველოში, რომელსაც ჩვენ ავაშენებთ, აღარ მოგვიწევს ყოველ წელს ნერვიულობა ასეთ სისულელეებზე. მე ამისთვის გადავდგი მათ შორის ეს ნაბიჯი, რომ ტრადიციული, ღირსეული საქართველო აღვადგინო. იმ საქართველოში, რომელსაც ჩვენ ერთად ავაშენებთ, გპირდებით, აიკრძალება გარყვნილების საჯარო პროპაგანდა და ასეთი რაღაცების ყოველ წელს ჩატარება. მინდა კორექტულობის დაცვით მივმართო ჩვენი ქვეყნის პრემიერ-მინისტრს, ირაკლი ღარიბაშვილს - ირაკლი, თუ შენ და შენი მინისტრები ამას დაუშვებთ, რა გეი აღლუმებათ, თქვენ მართლა ...არ ვიტყვი რა. თქვენ თუ ამას დაუშვებთ, თქვენს მინისტრებთან ერთად, თუ ამას აკადრებთ ამ გაწვალებულ, დამცირებულ, ღირსებაშელახულ ერს, მაშინ ისე გააკეთეთ, როგორც ამას აკეთებენ იმ ევროპის სუსტი ხელისუფლებები, ვინც დაუშვეს თავიანთ ქალაქებში. დაიჭირეთ ფერადი დროშები და გამოდით ამ გარყვნილ ადამიანებთან ერთად. დაგვანახეთ თქვენი სახე. ეს არის უმდაბიოესი პოლიტიკური უპასუხისმგებლობა. ამიტომ, მიგაჩნიათ ძმაო, რომ ჩემი ატეხილია ეს ამბავი? არ გჯერათ, რომ ეს ჩვენი ერის პოზიციაა? აგერ მე და აგერ თქვენ, ნახავთ, რაც დაგემართებათ, თუ გაბედავთ ამის ჩატარებას, მაბრალეთ რაც გინდათ", - განაცხადა ვასაძემ.
ვასაძის თქმით, „ერთობა, რაობა, იმედი" მალე პოლიტიკურ პარტიად გარდაიქმნება.
"ჩვენ აქ შევიკრიბეთ იმისთვის, რომ უკვე საჯარო ჭრილში დავაფუძნოთ საზოგადოებრივი მოძრაობა "ერთობა, რაობა, იმედი". ეს არის ის გაერთიანება, რომელიც სულ მალე გარდაიქმნება პოლიტიკურ პარტიად და ჩვენი ხალხის მხარდაჭერით შეცვლის საქართველოში ამ გამოუვალ მდგომარეობას.
დარწმუნებული ვარ, ეს გზა, რომელსაც ახლა შევუდექით, ადვილი არ იქნება. არ იქნება ია-ვარდით მოფენილი, ჩვენ გველოდება წინ ბევრი ერთობლივი ბრძოლა, ჩვენ გველოდება წინ წინააღმდეგობები, მაგრამ მტკიცედ გვწამს, რომ ქართველი ხალხის მხარდაჭერით შევძლებთ გავარღვიოთ ეს მოჯადოებული წრე", - განაცხადა ვასაძემ.
მისი თქმით, ფუჭი დაპირებების გაცემა ქვეყნის ისტორიაში არაერთხელ მოხდა.
„ეს არის ის, რისიც მე ყველაზე უფრო მეშინია და არ მინდა, ამიტომ ჩვენი პოლიტიკური, საზოგადოებრივი პოზიცია მდგომარეობს იმაში, რომ ყველას გეპატიჟებით ერთობლივ, მუხლჩაუხრელ შრომაში ჩვენი ქვეყნის გადასარჩენად, რადგან ჩვენი ქვეყანა უმძიმეს მდგომარეობაშია ჩავარდნილი იმ არასწორი იდეოლოგიისა და არასწორი პოლიტიკური სისტემის წყალობით, რომელშიც ის მოექცა ბოლო წლებში“, - განაცხადა ვასაძემ.
მან ქვეყნის წინაშე არსებულ პრობლემებზე საუბრისას ხაზი გაუსვა ნარკომანიის. ლუდომანიის მიმართულებით არსებულ სტატისტიკას. ასევე შეეხო აზარტული თამაშებს და აღნიშნა, რომ „ქვეყანა აზარტულ თამაშებში ყოველ წელს აგებს რამდენიმე მილიარდ ლარს, რაც ამ ინდუსტრიის მფლობელთა, ხშირად უცხოურ ჯიბეებში ილექება“.
„რაც მთავარია, არავითარი პერსპექტივა მთავარი ამოცანის - ტერიტორიული მთლიანობის აღდგენისა აღარ ჩანს, გექმნება შთაბეჭდილება, რომ ეს საკითხი ქვეყნის პრიორიტეტების დღის წესრიგიდან მოხსნილია და გადაყვანილია თითქოს მიუწვდომელი ამოცანების რანგში, რომელზე ლაპარაკიც არ შეიძლება. უიმედობის და უპერსპექტივობის სინდრომია გამეფებული. ეს არის რისთვისაც ჩვენი ერი იბრძოდა, როცა ნატრულობდა დამოუკიდებელ საქართველოს, ეს არის სტრუქტურა, მიზანი, რისთვისაც ამ უდაბნოში დავდივართ 30 წელია - რა თქმა უნდა, არა.
რამ მიგვიყვანა ამ დაცემულ მდგომარეობამდე, რა მოხდა ისეთი, რამაც გამოიწვია ჩვენი ასეთი უმდაბიოესი მდგომარეობა, რომელიც არ შეეფერება ჩვენს უძველეს ცივილიზაციას, ჩვენს ლამაზ და ამაყ ერს, რა უნდა გაკეთდეს იმისთვის, რომ დავძლიოთ ეს უბედურება, აღვადგინოთ ტერიტორიული მთლიანობა, წავიდეთ წინ და მოვსპოთ უიმედობის განცდა ქვეყანაში, ამაზე სალაპარაკოდ მოვედი და ამის გასაკეთებლად დავიწყეთ ჩვენი საზოგადოებრივი მოძრაობა.
ჩემის ღრმა რწმენით პირველი შეცდომა რომელიც დავუშვით, მცდარი იდეოლოგია დაგვეუფლა ერთიანად, გველეშაპივით მოგვეხვია თითოეულ ჩვენგან, პირველი შეცდომა რაც ჩვენ იდეოლოგიურ საფუძველებში დავუშვით იყო განდგომა ჩვენი რაობისგან, იდენტობისგან და მცდარი დასახელება, რომ თურმე ადამიანის ეგოიზმი ყოფილა მთავარი და არა ადამიანის მოვალეობები ქვეყნისა და ოჯახის წინაშე“, - განაცხადა ვასაძემ.
საზოგადოებრივი მოძრაობის - „ერთობა, რაობა, იმედი" დამფუძნებელმა ლევან ვასაძემ „ალექსანდრეს ბაღში" მოსახლეობასთან შეხვედრა გამართა.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
didi xania , droa
ბნელეთის მოციქული...