მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნუ დაიჯერებთ იმ ინფორმაციების 70%-ს, რაც საქართველოს მედიაში ვრცელდება!" - რას წერს ისრაელში მყოფი ქართველი ჟურნალისტი იქ არსებულ ვითარებაზე?
22:53 / 13-05-2021
თელ-ავივში მცხოვრები ქართველი ჟურნალისტი მიხეილ ხეცოიძე ისრაელში არსებული სიტუაციის შესახებ უახლეს ინფორმაციას ავრცელებს.
მისი თქმით, ქართულ მედიასა და სოციალურ ქსელში გარკვეული ინფორმაციები არასწორად ვრცელდება,
"მშვიდობა ისრაელს! რა ხდება ახლა ისრაელში: ნუ ავრცელებთ და ნუ დაიჯერებთ იმ ინფორმაციების და ფოტოების 70% რაც საქართველოს მედიაში და სოციალურ ქსელში ვრცელდება! ისედაც საომარი მდგომარეობაა ისრაელში და ნებისმიერი არაზუსტი ინფორმაცია მხოლოდ ათმაგად ანერვიულებს ჩვენს ახლობლებს საქართველოში. დღეს, ყველა ოფიციალურ სახელმწიფო დაწესებულებაში დავაზუსტე-გადავამოწმე ყველა ინფორმაცია და ამ დროისთვის შეიძლება ვთქვათ, რომ ისრაელი ბოლო ათწლეულის განმავლობაში ყველაზე რთულ საომარ მდგომარეობაშია. ყოველდღე ასობით რაკეტის მოგერიების პარალელურად ისრაელო სამოქალაქო ომის ზღვარზეა.
მეორე დღეა პროტესტანტ ისრაელელ არაბებს უკვე სხვა თანამოქალაქეები დაუპირისპირდნენ. ისრაელელი ახალგაზრდები გუშინ საღამოს თავს დაესხნენ და გაანადგურეს არაბი-ისრაელელების სავაჭრო ობიექტები. ქუჩებში დაუპირისპირდნენ არაბ ისრაელელებს, რამაც რამდენიმე სააათით ქალაქების პარალიზება გამოიწვია.
დაძაბულობა იყო და ამ დრომდე გრძელდება ქალაქებში: ბათ იამი, ლოდი, თელ ავივ იაფო. დღეს, თითქმის მთელი დღის განმავლობაში ისრაელის სამხრეთით გაანუწყვეტლივ ისმის საომარი სიგნალი. დღის 14:00 საათისთვის მასშტაბური სარაკეტო თავდასხმა მოხდა ისრაელის ცენტრალურ ქალაქებზეც. "ცის ღმერთმა" ასობით რაკეტა მოიგერია მხოლოდ დღეს. ჰამასი 21:00 საათიდან ისრაელზე მორიგ თავდასხმას გეგმავს. პარალელურად ისრაელი ემზადება სახმელეთო შეტევისთვის და უკვე სამხედრო სამსახურში გაიწვიეს 7000-მდე რეზერვისტი.
ქალაქ პეტაჰ ტიკვაზე მიტანილი სარაკეტო იერიშის შედეგად 5 ისრაელელი დაშავდა. ვრცელდება თუმცა არ დასტურდება ინფორმაცია "ჰამასის" მხრიდან "დრონი-რაკეტების" გამოყენების შესახებ. ამ წუთებში მთავრობა მოსახლეობას კიდევ ერთხელ აფრთხილებს და მოქალაქეებს სთხოვს საომარი სიგნალის ჩართვისთანავე გადავიდნენ უსაფრთხო ადგილზე. ისრაელი ახორციელებს სისტემურ საჰაერო დარტყმებს ღაზას სექტორში.
დღესვე ღამით პრემიერი და თავდაცვის მინისტრი გეგმავენ საგანგები განცხადების გავრცელებას. ფოტოები რომელიც ქართულ მედია და სოციალურ სივრცეში ვრცელდება, მათ შორის ბავშვების არის 2014 წლის. სამხედროები რომლებიც ემზადებიან სახმელეთო ომისთვის ასევე 2014 წელს არის გადაღებული. ბენიამინ ნეთანიაჰუს განცხადება რომელიც მთელი Დღეა ვრცელდება სოციალურ ქსეში არ შეესაბამება სიმართლეს.
მსგავსი განცხადება პრემიერს არ გაუვრცელებია. (ინფორმაცია დავაზუსტე პრემიერის აპარატის მედიასთან ურთიერთობის სამსახურთან). გუშინ, ქალაქ ბათ იამში არეულობის დროს დაშავდა ერთი ქართველი. რომელიც ახლა თავს კარგად გრძნობს. მას არაბების მისამართით გასროლილი ქვა მოხვდა. ხვალ რამდენიმე არასამთავრობო ორგანიზაცია გეგმავს "სამეგობრო" შეხვედრა გამართოს არაბებსა და ისრაელელებს შორის.
პოლიტოლოგები ქვეყნის შიგნით მიმდინარე მოვლენებს საგანგაშოდ აფასებენ. სხვადასხვა ფეისბუკ-ჯგუფების მეშვეობᲘთ ქართველები ისრაელში ერთმანეთთან 24 საათიამ კონტაქტზე ვართ. მათი უმრავლესობა ჩვეულებრივ აგრძელებს ცხოვრებას და მᲣშაობას. იგეგმებოდა დღეს ბენ გურიონის აეროპორტის დაკეტვა რამდენიმე საათით, თუმცა ცოტა ხნის წინ გადაწყვეტილება შეიცვალა. ქვეყნის მთავარი აეროპორტი საგანგებო მდგომარეობაში აგრძელებს მუშაობას. როგორ განვითარდება მოვლენები აუცილებლად შეგატყობინებთ.
მეგობრებო, გთხოვთ ნუ ავრცელებთ არაზუსტ გადაუმოწმებელ ინფორმაციას - ჩვენს ახლობლებში ეს იწვევს პანიკას და გთხოვთ ნუ გავართულებთ ისედაც ემოციურად მძიმე მდგომარეობას. ყველას გვაქვს ინფორმაცია როგორ მოვიქცეთ ნებისმიერ მდგომაროებაში და ყველანი უსაფრთხოდ ვართ. მშვიდობა ისრაელს" - წერს ხეცოიძე.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მშვიდობა ისრაელსაც და მთელ მსოფლიოსაც.
ებრაელებს კარგი მასწავლებლები ჰყავდათ ფაშისტების სახით, თუ როგორ უნდა მოახდინო მთელი ხალხის გეტოში გამოკეტვა, სდიო ეროვნული ნიშნით, წაართვა მიწა, თავისუფლებისთვის მებრძოლი ტერორისტად შერაცხო...