ტე­ლე­კომ­პა­ნია „ფორ­მუ­ლას“ შოუ „სამ­ზა­რე­უ­ლოს ომე­ბი“ სა­ინ­ტე­რე­სო ეტაპ­ზე გა­და­ვი­და. გა­მოვ­ლინ­და კონ­კურ­სან­ტთა ათე­უ­ლი, რო­მე­ლიც მზა­დაა კი­დევ უფრო აქ­ტი­უ­რად და დიდი მონ­დო­მე­ბით ჩა­ერ­თოს კონ­კურ­სში, რო­მე­ლიც მათ ბევრ სა­ინ­ტე­რე­სო გა­მოწ­ვე­ვას ჰპირ­დე­ბა. რას ფიქ­რო­ბენ შოუს ორ­გა­ნი­ზა­ტო­რე­ბი, პრო­დი­უ­სე­რი და ჟი­უ­რის წევ­რე­ბი, ამა­ზე მათი ინ­ტერ­ვი­უ­ე­ბი­დან შე­ი­ტყობთ.

თა­თუ­კა ნარ­ტყოშ­ვი­ლი, ტე­ლე­კომ­პა­ნია „ფორ­მუ­ლას“ ფრო­დაქ­შე­ნის ხელ­მძღვა­ნე­ლი:

- რო­გორც მა­ყუ­რე­ბელ­მა უკვე ნახა, სა­ბო­ლოო ათე­უ­ლი და­კომ­პლექტდა. გვყავს ორი წყვი­ლი, რომ­ლებ­მაც ჟი­უ­რის­თან პირ­ვე­ლი­ვე შეხ­ვედ­რა­ზე, მათი სიმ­პა­თია და­იმ­სა­ხუ­რა და „ხა­კის­ფე­რი კი­ტე­ლე­ბი“ მი­ი­ღო. მერე კი ჟი­უ­რის თი­თო­ე­ულ­მა წევ­რმა სა­კუ­თა­რი ფა­ვო­რი­ტი გა­მო­ა­ჩი­ნა და სა­ბო­ლო­ოდ „ბლა­ინდ ტეს­ტი­სა“ და „ჩა­ქა­ფუ­ლის ტუ­რის“ მეშ­ვე­ო­ბით ათი სა­უ­კე­თე­სო წყვი­ლი მი­ვი­ღეთ. ისი­ნი შემ­დე­გი, უფრო სა­პა­ტიო, „წი­თე­ლი კი­ტე­ლის“ მო­სა­პო­ვებ­ლად იბ­რძო­ლე­ბენ. ამ ეტა­პი­დან, რო­მელ­საც იმის გამო, რომ ძა­ლი­ან რთუ­ლია, ბუთ­ქემ­ფი („ყა­ზარ­მუ­ლი“ და­ვარ­ქვით), თითო ტუ­რი­დან შოუს 2 წყვი­ლი და­ტო­ვებს და ექ­ვსე­უ­ლი­დან უკვე ის 5 სა­უ­კე­თე­სო შე­ირ­ჩე­ვა, ვინც „წი­თელ კი­ტელს“ მო­ირ­გებს. თა­თუ­კა ნარ­ტყოშ­ვი­ლის თქმით, უკვე ცნო­ბი­ლია შემ­დე­გი კვი­რის გა­და­ცე­მის თემა. ძა­ლი­ან სა­ინ­ტე­რე­სოდ გა­და­წყდა ათე­უ­ლი­დან კი­დევ ორი გუნ­დის გა­მო­თიშ­ვის ხერ­ხი, რო­მელ­საც მა­ყუ­რე­ბე­ლი იხი­ლავს აღ­მო­სავ­ლეთ და და­სავ­ლეთ სა­ქარ­თვე­ლოს ყვე­ლა­ზე ღი­რე­ბუ­ლი კერ­ძე­ბის სრულ­ფა­სოვ­ნად გა­და­ხა­ლი­სე­ბის და­ვა­ლე­ბის შეს­რუ­ლე­ბით. ამას­თან, ჟი­უ­რიმ, კონ­კრე­ტუ­ლად კი, და­ვიდ ნა­რიმ და გუ­რამ ბაღ­დოშ­ვილ­მა და­მა­ტე­ბი­თი და­ვა­ლე­ბა მო­ი­ფიქ­რეს. შუა მზა­დე­ბი­სას სა­ა­თი გა­ჩერ­და, დრო შე­წყდა და რო­გო­რი აღ­მოჩ­ნდა მათი და­ვა­ლე­ბა - მა­გა­ლი­თად, რო­გო­რი შე­იძ­ლე­ბა, იყოს ნივ­რი­სა და ყა­ვის სო­უ­სი მო­ხე­ვურ ალ­ტა­მებ­თან ერ­თად, ამას „ფორ­მუ­ლას“ და „სამ­ზა­რე­უ­ლოს ომე­ბის“ მა­ყუ­რე­ბე­ლი უკვე შა­ბათს, „ჩემი ცო­ლის და­ქა­ლე­ბის“ დას­რუ­ლე­ბის­თა­ნა­ვე ნა­ხავს.

თა­თუ­კა:

- ჩვენ მო­ნა­წი­ლე­ებს კი­დევ რამ­დე­ნი­მე დიდი სი­ურპრი­ზი ელო­დე­ბათ, სა­დაც და­ვა­ლე­ბა „შავ ყუთ­ში“ ამო­სუ­ლი იდენ­ტუ­რი ინ­გრე­დი­ენ­ტე­ბის ერ­თმა­ნე­თის­გან გან­სხვა­ვე­ბუ­ლად მომ­ზა­დე­ბაა. ძი­რი­თად ინ­გრე­დი­ენ­ტე­ბად კი შეხ­ვდე­ბათ ჩვე­ნი გას­ტრო­ნო­მი­ის მშვე­ნე­ბა, ერთ დროს მი­ვი­წყე­ბუ­ლი და აღ­დგე­ნი­ლი ავ­თენ­ტუ­რი ქარ­თუ­ლი ყვე­ლის სა­ხე­ო­ბე­ბი და რძის პრო­დუქ­ტე­ბი. ასე­ვე ვნა­ხავთ, რამ­ხე­ლა შე­საძ­ლებ­ლო­ბა აქვს ქარ­თულ ყველს და რძის პრო­დუქ­ტებს.

ასევე დაგაინტერესებთ

17:18 / 20-05-2021

"ძლიერი კონკურენტები გვჭირდება, რომ უძლიერესები გავხდეთ... მათი ნებისმიერი შეცდომა შეიძლება გადამწყვეტი აღმოჩნდეს" - 2 წყვილი "სამზარეულოს ომების" საუკეთესო ათეულიდან

14:03 / 28-05-2021

"შოუში გადამწყვეტი ბრძოლები იწყება" - რისთვის ემზადება "სამზარეულოს ომების" საუკეთესო ექვსეული და როგორია მათი გეგმები შოუს შემდეგ

- კონ­კურ­სან­ტე­ბი ამ რთულ ამო­ცა­ნებს თავს რამ­დე­ნად გა­არ­თმე­ვენ?

- ისე­თი კონ­კურ­სან­ტე­ბი დაგ­ვრჩნენ, რომ არ გა­უ­ჭირ­დე­ბათ მა­ყუ­რებ­ლის და ჟი­უ­რის გა­ო­ცე­ბა. თუმ­ცა ამ შემ­თხვე­ვა­შიც, მო­უ­წევთ წე­სე­ბის უცა­ბედ ცვლი­ლე­ბებ­თან გამ­კლა­ვე­ბა, რად­გან კონ­კრე­ტულ ტურ­ში ყვე­ლას თა­ნა­ბა­რი პი­რო­ბე­ბი აქვს. და­მერ­წმუ­ნეთ, შე­საძ­ლე­ბე­ლია, რომ კუ­ლი­ნა­რი­უ­ლი გა­და­ცე­მა ძა­ლი­ან აზარ­ტუ­ლიც აღ­მოჩ­ნდეს და ამა­ში ეტა­პობ­რი­ვად მე­ტად დავ­რწმუნ­დე­ბით. რაც მთა­ვა­რია, თუ აქამ­დე არ­სე­ბულ კუ­ლი­ნა­რი­ულ გა­და­ცე­მებს ან თუნ­დაც ჩვენ­სა­ვე წინა სე­ზონს გა­დავ­ხე­დავთ, ცხა­დია, რომ კონ­კურ­სან­ტებს გას­ტრო­ნო­მია ახალ სი­მაღ­ლე­ზე აჰ­ყავთ და აბ­სო­ლუ­ტუ­რად გან­სხვა­ვე­ბუ­ლი და კრე­ა­ტი­უ­ლი კერ­ძე­ბი მზად­დე­ბა. ჩვენ­თან სერ­ვი­რე­ბის ის სტან­დარ­ტია, რო­მე­ლიც მსოფ­ლი­ოს მა­ღა­ლი დო­ნის რეს­ტორ­ნებ­ში გვხვდე­ბა. ამო­ცა­ნაც ეს იყო, რო­დე­საც გა­დავ­წყვი­ტეთ, რომ ეს სე­ზო­ნი სრუ­ლად ქარ­თუ­ლი გას­ტრო­ნო­მი­ის­თვის დაგ­ვეთ­მო - ქარ­თუ­ლი გას­ტრო­ნო­მი­უ­ლი სტან­დარ­ტის აწე­ვა. ეს ჩვე­ნი ჟი­უ­რის დამ­სა­ხუ­რე­ბაც არის.

- შო­უს­თვის, შე­ფე­ბი სწო­რად გყავთ შერ­ჩე­უ­ლი. და­ვით ნარი ამ შო­უ­ში პირ­ვე­ლად მო­ნა­წი­ლე­ობს...

- დიახ გრანდ-შე­ფე­ბი გვყავს... და­ვი­თი ყვე­ლა­ზე წარ­მა­ტე­ბუ­ლი ქარ­თვე­ლი შე­ფია, რო­მელ­საც გას­ტრო­ნო­მი­ის ვარ­კვლა­ვებ­თან მუ­შა­ო­ბის გა­მოც­დი­ლე­ბა აქვს. რაც მთა­ვა­რია, აქვს უმაღ­ლე­სი გას­ტრო­ნო­მი­უ­ლი გა­ნათ­ლე­ბა, ჰოფ­მა­ნის სკო­ლის შემ­დეგ, და­ამ­თავ­რა ბას­კუ­რი კუ­ლი­ნა­რი­ის ცენ­ტრის მა­გის­ტრა­ტუ­რა და პრო­დუქ­ტის მო­ლე­კუ­ლუ­რი შე­მად­გენ­ლო­ბი­დან გე­მომ­დე, ყვე­ლა­ფე­რი პრო­ფე­სი­ო­ნა­ლურ დო­ნე­ზე იცის. შე­უძ­ლია გას­ტრო­ნო­მი­ა­ზე, ქი­მი­ურ პრო­ცე­სებ­ზე და ფი­ზი­კა­ზე ერ­თად ისა­უბ­როს, მისი რჩე­ვე­ბი და ინ­სტრუქ­ცი­ე­ბი ჩვე­ნი კონ­კურ­სან­ტე­ბის­თვის ახა­ლი და სე­რი­ო­ზუ­ლი გა­მოც­დი­ლე­ბაა. აუ­ცი­ლებ­ლად გვექ­ნე­ბა და­ვი­თის ტუ­რიც, სა­დაც თვი­თონ მო­ამ­ზა­დებს და კონ­კურ­სან­ტებს მისი გა­მე­ო­რე­ბა მო­უ­წევთ. ყვე­ლა ტური უკვე გა­წე­რი­ლია, თუმ­ცა და­ნარ­ჩე­ნი ტუ­რე­ბი უნდა იყოს ჩვე­ნი გემ­რი­ე­ლი სა­ი­დუმ­ლო.

და­ვით ნარი (და­ვით ნა­რი­მა­ნიშ­ვი­ლი):

- ძა­ლი­ან სა­ინ­ტე­რე­სო წყვი­ლე­ბი შე­ირ­ჩა, მათ შე­საძ­ლე­ბე­ლია, დიდი ევო­ლუ­ცია მო­ახ­დი­ნონ უპირ­ვე­ლე­სად სა­კუ­თარ თა­ვებ­ში. ეს კონ­კურ­სიც ხომ ამას ემ­სა­ხუ­რე­ბა - გან­ვი­თარ­დნენ, მეტი ცოდ­ნა შე­ი­ძი­ნონ, მეტი მო­ი­ძი­ონ, წინსვლა ჰქონ­დეთ... ყუ­რა­დღე­ბა ექ­ცე­ვა ტექ­ნი­კურ მხა­რეს. აქ გე­მო­ზე აღარ არის სა­უ­ბა­რი. ეს თა­ვის­თა­ვად იგუ­ლის­ხმე­ბა. კერ­ძი გა­რეგ­ნუ­ლად რაც არ უნდა და­ხა­ტუ­ლი იყოს, თუ გემო არ ექ­ნე­ბა, მხო­ლოდ სი­ლა­მა­ზეს ხომ ვერ მი­ვირ­თმევთ?! კერ­ძი, რო­მელ­საც და­ვა­გე­მოვ­ნებთ, უნდა იყოს შეკ­რუ­ლი რო­გორც გე­მო­თი, ისე ტექ­ნი­კუ­რად.

- ე.ი. მნიშ­ვნე­ლო­ვა­ნია იდეა, გა­რეგ­ნულ სახე, გემო და ტექ­ნი­კუ­რი მხა­რე...

- დიახ. კერ­ძი ტექ­ნი­კუ­რად თუ არ იქ­ნე­ბა და­მუ­შა­ვე­ბუ­ლი, ანუ მისი ნე­ბის­მი­ე­რი პრო­დუქ­ტი - ხორ­ცი, ბოსტნე­უ­ლი, მას არა­ნა­ი­რი მნიშ­ვნე­ლო­ბა არ მი­ე­ნი­ჭე­ბა. კონ­კურ­სან­ტე­ბის შერ­ჩე­ვი­სას სა­ერ­თოდ, ყვე­ლა­ფერს ვით­ვა­ლის­წი­ნებთ და შე­სა­ბა­მი­სად, ეს ათე­უ­ლიც ასე სა­მარ­თლი­ა­ნად შე­ვად­გი­ნეთ.

- კონ­კურ­სან­ტებ­ზე რას იტყვით?

- იყო ეპი­ზო­დე­ბი, როცა ერთ ტურ­ში მონ­დო­მე­ბა გა­მო­ავ­ლი­ნეს, ხოლო შემ­დეგ­ში ეს ვერ და­ვი­ნა­ხეთ. ამი­ტომ, კონ­კრე­ტუ­ლი პროგ­ნო­ზის გა­კე­თე­ბა ცოტა რთუ­ლია. ისე, და­დე­ბი­თი მუხ­ტი ყვე­ლა­შია, მაგ­რამ თი­თო­ე­უ­ლი კონ­კრე­ტულ სი­ტუ­ა­ცი­ა­ში რას იზამს, არ ვი­ცით. შე­იძ­ლე­ბა, ისიც მოხ­დეს, რომ რა­ღა­ცით და­ით­რგუ­ნოს და თავი ვერ გა­მო­ავ­ლი­ნოს... და­ძა­ბუ­ლო­ბა ზო­გა­დად აქვთ, მაგ­რამ რაც მთა­ვა­რია, მათ ჯან­საღ კონ­კუ­რენ­ცი­ას ვხე­დავ, აქვთ გან­წყო­ბა, ხა­ლი­სი, - მოკ­ლედ, სა­ინ­ტე­რე­სო­ე­ბი არი­ან. იმე­დი მაქვს, რომ კი­დევ უფრო გან­ვი­თარ­დე­ბი­ან და კარ­გი შე­დე­გე­ბი ექ­ნე­ბათ.

მიშა ავ­სა­ჯა­ნიშ­ვი­ლი:

- დაგ­ვჭირ­და შე­სარ­ჩე­ვი ტუ­რე­ბი, რო­მელ­მაც ძა­ლი­ან ძლი­ე­რი მო­ნა­წი­ლე­ე­ბი გა­მო­რი­ცხა, ძლი­ე­რი ფი­ნა­ლის­ტე­ბი გა­მო­ე­თი­შა შოუს, მათ­ში დიდ პო­ტენ­ცი­ალს ვხე­დავ­დი, მაგ­რამ რას ვი­ზამთ? ეს კონ­კურ­სია. რე­ა­ლუ­რად, ფან­ტას­ტი­კუ­რი ფი­ნა­ლის­ტე­ბი გვყავს - სა­უ­კე­თე­სო ათე­უ­ლი მი­ვი­ღეთ. ურ­თუ­ლე­სი ტუ­რე­ბი ელო­დე­ბათ, ზოგ­ჯერ რომ ჰგო­ნი­ათ, ამ­ზა­დე­ბენ აღ­მო­სავ­ლე­თის, ან და­სავ­ლე­თის კერძს, ამა­ზე არი­ან ორი­ენ­ტი­რე­ბუ­ლე­ბი და ჩვენ მიერ შე­თა­ვა­ზე­ბუ­ლი სხვა­დას­ხვა ინ­გრე­დი­ენ­ტით ამო­ცა­ნა ურ­თულ­დე­ბათ. აქ მათ დიდი გა­მოც­დი­ლე­ბა და კრე­ა­ტი­ვი სჭირ­დე­ბათ, რომ იმ შე­მოშ­ვე­ლე­ბულ პრო­დუქ­ტებ­ზე სწო­რი აქ­ცენ­ტი გა­ა­კე­თონ. ისე უნდა იმოქ­მე­დონ, კერძს თი­თო­ე­უ­ლი ისე და­უ­ა­მა­ტონ, რომ კონ­ტექ­სტი­დან არ ამო­ვარ­დნენ.

- ყავა, ან შო­კო­ლა­დი რო­მელ ქარ­თულ კერძს შე­იძ­ლე­ბა მო­უხ­დეს?

- ჩვენ ამ პრო­დუქ­ტებს ისე ვთა­ვა­ზობთ, რომ არც ერთი და­მა­ტე­ბი­თი ინ­გრე­დი­ენ­ტი, თუ სწო­რად გა­მო­ი­ყე­ნე­ბენ, კონ­ტექ­სტი­დან ამო­ვარ­დნი­ლი არ იქ­ნე­ბა. ამი­ტომ უნდა მიგ­ვიხ­ვდნენ ჩა­ნა­ფიქ­რს და სწო­რად გა­მო­ი­ყე­ნონ. ამ კომ­ბი­ნა­ცი­ით ესა თუ ის ქარ­თუ­ლი კერ­ძი გვინ­და, მა­ღალ სა­ფე­ხურ­ზე ავიყ­ვა­ნოთ. რე­ა­ლუ­რი მი­ზა­ნი არის, რომ ქარ­თუ­ლი გას­ტრო­ნო­მია კი­დევ უფრო მა­ღალ სა­ფე­ხურ­ზე ავი­დეს. მარ­თლა სა­ინ­ტე­რე­სო შოუ გვე­ლის წინ...

გუ­რამ ბაღ­დოშ­ვი­ლი:

- დიდი და რთუ­ლი გზა გა­ვი­ა­რეთ. ბევ­რი ადა­მი­ა­ნი გა­ვი­ცა­ნით, რომ­ლებ­მაც არა­ერ­თი სა­ინ­ტე­რე­სო კერ­ძი შე­მოგ­ვთა­ვა­ზეს. გავ­სინ­ჯეთ მათი ნა­ხე­ლა­ვი და სა­უ­კე­თე­სო ათე­უ­ლი შე­ვარ­ჩი­ეთ, ახლა დი­ლე­მის წი­ნა­შე ვართ - ამო­ვარ­ჩი­ოთ სა­უ­კე­თე­სო წყვი­ლი.

- ეს ათე­უ­ლი რამ­დე­ნად შეძ­ლებს შე­თა­ვა­ზე­ბუ­ლი ამო­ცა­ნე­ბის დაძ­ლე­ვას?

- მარ­თლაც ძა­ლი­ან რთუ­ლი ეტა­პე­ბი გვაქვს გა­სავ­ლე­ლი. უცებ კერ­ძის გა­კე­თე­ბის დროს შე­იძ­ლე­ბა შევ­თა­ვა­ზოთ რა­დი­კა­ლუ­რად გან­სხვა­ვე­ბუ­ლი ინ­გრე­დი­ენ­ტი, რო­მე­ლიც იმ კერ­ძში, რა­საც ამ­ზა­დე­ბენ, გა­მო­ი­ყე­ნოს, მა­გა­ლი­თად, შო­კო­ლა­დის ნამ­ცხვა­რის გა­მო­ცხო­ბი­სას ჯონ­ჯო­ლი შევ­თა­ვა­ზო... ასე­თი ურ­თუ­ლე­სი, სა­გან­მა­ნათ­ლებ­ლო, ინ­ტე­ლექ­ტა­ლუ­რი გა­და­ცე­მაა „სამ­ზა­რე­უ­ლოს ომე­ბი“. მას ვერც ერთ შოუს ვერ შე­ვა­და­რებ. ჩვენ ორი­ენ­ტი­რე­ბუ­ლი ვართ გა­ნათ­ლე­ბა­ზე, პრო­ფე­სი­ულ ზრდა­ზე, დახ­ვე­წა­სა და ბევრ სა­ინ­ტე­რე­სო გემ­რი­ელ ამ­ბავ­ზე. ქარ­თუ­ლი გას­ტრო­ნო­მია რა­ღაც სხვა ეტაპ­ზე უნდა გა­და­ვი­დეს, და­ა­ნა­ხოს ხალ­ხს, რომ შე­იძ­ლე­ბა ასე გე­მო­ე­ბის მოძ­რა­ო­ბა, ხა­ლი­სი, შე­ხა­მე­ბა. ქარ­თულ სამ­ზა­რე­უ­ლოს ბევ­რი რამ შე­უძ­ლია, მი­ლი­ო­ნი პრო­დუქ­ტი გვაქვს, რო­მელ­თა არე­ვით ახა­ლი გემ­რი­ე­ლი გე­მო­ე­ბი იქ­მნე­ბა.

- არა, ისე მა­ინც რა უც­ნა­უ­რია - შო­კო­ლა­დის ნა­ცხვა­რი და ჯონ­ჯო­ლი ერ­თად... წა­მოგ­ვყვე­ბათ ამ ყვე­ლა­ფერ­ში მა­ყუ­რე­ბე­ლი? ამ სი­ურპრიზს ხომ არ იუ­ცხო­ებს?

- გა­მო­რი­ცხუ­ლი არ იქ­ნე­ბა ნე­გა­ტი­უ­რი კო­მენ­ტა­რე­ბი რომ გაჩ­ნდეს, რად­გან ყვე­ლას თა­ვი­სი შე­ხე­დუ­ლე­ბა აქვს. ვი­ღა­ცე­ებს ჰგო­ნი­ათ, რომ ქარ­თულ გას­ტრო­ნო­მი­ას „ვა­უ­პა­ტი­უ­რებთ“, ზოგს ჰგო­ნია, რომ მკვდარ კერ­ძებს ვა­ცო­ცხლებთ... ჩვე­ნი სა­ზო­გა­დო­ე­ბის ნა­წილს ხომ ერ­თმა­ნე­თის შე­ქე­ბა­ზე მე­ტად გა­ლან­ძღვა გა­მოს­დის?! მაგ­რამ ეს ნე­გა­ტი­უ­რი აზ­რე­ბი ნაკ­ლე­ბად გვა­ინ­ტე­რე­სებს. ჩვენ­სას ვქმნით, ვა­არ­სებთ და წვლი­ლი შეგ­ვაქვს არა­მარ­ტო ქარ­თულ გას­ტრო­ნო­მი­ა­ში, არა­მედ სა­ქარ­თვე­ლოს კულ­ტუ­რის გან­ვი­თა­რე­ბა­ში.