მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"..როცა დავინახე, ბიძინა ივანიშვილი მთლად მოხარული არ იყო ჩემი გზავნილის გამო, მე ის მაინც გავაჟღერე" - რას იხსენებს ანდრიუს კუბილიუსი?
17:53 / 12-05-2021
კარგია, რომ ოპოზიცია უბრუნდება საპარლამენტო მუშაობას. ოპოზიციამ უნდა შეასრულოს ძალიან მნიშვნელოვანი როლი და ზედამხედველობა უნდა გაუწიოს ხელისუფლებას, - ამის შესახებ ევროპარლამენტარმა ანდრიუს კუბილიუსმა ევროპარლამენტარების მონაწილეობით გამართულ ონლაინ დისკუსიისას განაცხადა, რომელიც საქართველოს მიერ პოლიტიკური სტაბილურობის აღდგენისა და რეფორმების გატარების თემას მიეძღვნა.
მისი შეფასებით, კარგია, რომ შეთანხმებას ხელი მოეწერა, რადგან ის ფარავს ნამდვილად მნიშვნელოვან საკითხებს. ამასთანავე კუბილიუსის თქმით, მიღწეული შეთანხმება არის პირველი ნაბიჯი უფრო ფართო შეთანხმებისკენ, რომელიც ძალიან აუცილებელია საქართველოს პოლიტიკური საზოგადოებისთვის.
"მოხარული ვარ, რომ საქართველოში არსებული ვითარება წარმატებით მოგვარდა. პირველ რიგში, უნდა აღინიშნოს, რომ საქართველოს დემოკრატიამ საკმაოდ ხანგრძლივი პერიოდის განმავლობაში ღრმა კრიზისი გაიარა. კრიზისი კარგია, რადგან თუ ის არ გკლავს, მაშინ გაძლიერებს. ვიმედოვნებ, რომ ეს გამოცდილება საქართველოს დემოკრატიისთვისაც რაიმე კარგი შედეგის მომტანი იქნება და გააძლიერებს დემოკრატიულ ინსტიტუციებს. კარგი ის არის, რომ ჩვენ დავინახეთ ევროკავშირის ლიდერობის როლი და კარგია, როდესაც ლიდერობის მსგავსი მაგალითის ნახვის შესაძლებლობა გვეძლევა. საქართველო წინ მიდის. ჩვენ ვიცით, რომ ქართველები ემოციური ხალხი ხართ, ზოგჯერ ეს გავლენას ახდენს იმაზეც, თუ როგორ წარიმართება დემოკრატიული პროცესი.
კარგია, რომ შეთანხმებას ხელი მოეწერა. ის ფარავს ნამდვილად მნიშვნელოვან საკითხებს. კარგია, რომ ოპოზიცია უბრუნდება საპარლამენტო მუშაობას. ოპოზიციამ უნდა შეასრულოს ძალიან მნიშვნელოვანი როლი და ზედამხედველობა უნდა გაუწიოს ხელისუფლებას. ხელისუფლებასაც აქვს მნიშვნელოვანი როლი, რომ მოუსმინოს ოპოზიციას და ამავდროულად მიიღოს გადაწყვეტილებები,“- განაცხადა კუბილიუსმა.
მისივე თქმით, არსებობს ხელისუფლებისა და ოპოზიციის მუშაობის ევროპული მოდელი, რომელიც არ გულისხმობს აბსოლუტურ თანხმობას ყველა საკითხის ირგვლივ, მაგრამ რომელსაც აქვს საერთო ენის გამონახვის რესურსი სტრატეგიულ საკითხებზე.
"არის ევროპული ტრადიცია და მოდელი თუ როგორ უნდა იმუშაოს ხელისუფლებამ და ოპოზიციამ - ეს იმას არ ნიშნავს, რომ ყველა საკითხთან დაკავშირებით უნდა იყოს აბსოლუტური თანხმობა, მაგრამ არ უნდა დაიკარგოს სტრატეგიული ხედვა და სტრატეგიული მიზნები. როდესაც ბიძინა ივანიშვილი ჯერ კიდევ „ქართული ოცნების“ ლიდერი იყო, ვილნიუსში ვიზიტისას ჩვენ მას ვაჩვენეთ საპარლამენტო მუშაობის ევროპული მაგალითი, როდესაც მწვავე დებატების მიუხედავად, ჩვენ ვრჩებოდით ერთ აზრზე ისეთ სტრატეგიულ საკითხებზე, როგორიც, მაგალითად, თავდაცვითი საკითხებია და მე მაშინ გავაჟღერე ჩემი მესიჯი, რომ ჩვენ ერთმანეთს არ ვგზავნით საპატიმროში. როგორც დავინახე, ბიძინა ივანიშვილი მთლად მოხარული არ იყო ჩემი ამ გზავნილის გამო, მაგრამ მე ის მაინც გავაჟღერე. ეს შეთანხმება, რომელიც მიიღწეულია, არის პირველი ნაბიჯი უფრო ფართო შეთანხმებისკენ, რომელიც ძალიან აუცილებელია საქართველოს პოლიტიკური საზოგადოებისთვის. ეს არის შეთანხმება, რომელიც ძალიან სერიოზულად აყენებს ინტეგრაციის დღის წესრიგს,“- განაცხადა კუბილიუსმა.
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კუბილიუს, ტოლი ნახე და კოჭი გააგორე
რანცხას ამბუბს მარჩენალზე და რას ვერ გავიგე. გაგვაუბედუროს უნდა?!...