მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჯანმრთელობის არანაირი პრობლემა არ ჰქონია... იმუნური გენეტიკა ვერ მოერია ვირუსს" - რას ამბობს ბოკერიას კლინიკის დირექტორი ახალნამშობიარების გარდაცვალებაზე
17:43 / 07-05-2021
თბილისში, ბოკერიას სამედიცინო ცენტრში კორონავირუსით გარდაიცვალა 7 თვის ორსული ახალგაზრდა ქალი. დაავადებით გამოწვეული გართულებების გამო 34 წლის პაციენტი ნაადრევად, საკეისრო კვეთით ამშობიარეს. ჩვილი დაბადებიდან რამდენიმე დღეში გარდაიცვალა.
დედა-შვილის გარდაცვალების დეტალების შესახებ Ambebi.ge ჰოსპიტლის კლინიკურ დირექტორს, ალექსი ვაჩაძეს ესაუბრა:
- ჩვენს კლინიკაში პაციენტი 19 პრილს შემოვიდა. საკმაოდ მძიმე იყო მისი ჯანმრთელობის მდგომარეობა. ფილტვების მნიშვნელოვანი დაზიანება და ჰაერის მწვავე უკმარისობა აღენიშნებოდა. 22 აპრილს უკვე აუცილებელი გახდა მისი რეანიმაციაში გადაყვანა. რეანიმაციაში მონიტორინგის პროტოკოლი უფრო ინვაზიურია, გავაგრძელეთ მკურნალობა პროტოკოლით და ფეხმძიმობის გათვალსიწინებით. 24 აპრილს ნაყოფს ჰქონდა რამდენიმე, სიცოცხლისთვის საშიში ცვლილება. ამიტომ გადაწყდა სასწრაფო საკეისრო ოპერაცია.
ჩვილი იყო დღენაკლული, მცირე წონით და საოპერაციოშივე გადაიყვანეს მექანიკურ ვენტილაციაზე, თუმცა, ბევრი ძალისხმევის მიუხედავად, პატარამ მხოლოდ რამდენიმე დღე იცოცხლა. ჩვენთან მოსვლამდე, მას ჰქონდა სიმპტომები, 13 აპრილს იყო რუსთავის ერთ-ერთ კლინიკაში, სადაც გაიკეთა ტესტი, დაუდგინდა კორონავირუსი და წავიდა სახლში. სახლიდან 6 დღეში პირდაპირ ჩვენთან მოვიდა უკვე მძიმე მდგომარეობით. მანამდე რატომ არ მიექცა ყურადღება, სანამ ასე დამძიმდდებოდა, მაგაზე ვერაფერს გეტყვით.
- რა გახდა მისი გარდაცვალების უშუალო მიზეზი?
- ძალიან ხმამაღლა და დარწმუნებით შემიძლია გითხრათ, რომ პაციენტის გარდაცვალების მიზეზი იყო კორონავირუსი. საერთოდ, თუ საერთაშორისო ლიტერატურას გადავხედავთ, თუ ორგანიზმს აქვს სუსტი იმუნიტეტი, ფეხმძმობა არის დამატებითი რისკ-ფაქტორი. ანუ თუ სუსტ ორგანიზმს ის კიდევ უფრო ასუსტებს და კორონავირუსი შესაბამისად უფრო მწვავდება. რამდენიმე თვის ჩამოსული ვარ ისრაელიდან, სადაც 9 წელი ვმუშაობდი, როგორც რენიმატოლოგ-ანესთეზიოლოგი და ბევრი მსგავსი სიტუაცია მქონია, მაგრამ არცერთი დასრულებულა ფატალურად. პაციენტს ჰქონდა ასეთი იმუნური გენეტიკა, რომლიც ვერ მოერია ვირუსს, მასთან, ჩვენთან რომ მოვიდა უკვე ძალიან მძიმედ იყო.
- დროულად რომ მოსულიყო, გადარჩენა მოხერხდებოდა?
- ალბათ, კი. თუმცა ახლა გადაჭრით მტკიცება ძნელია.
- ჰქონდა თუ არა პაციენტს თანმხლები დაავადებები?
- არა, მას ჯანმრთელობის არანაირი პრობლემა არ ჰქონია. ეს თავადაც თქვა, სანამ საუბარი შეეძლო და ჩვენც გამოვიკვლიეთ.
- ჩვილს ხომ არ ჰქონდა კორონავირუსი?
- ზოგადად , ძალიან იშვიათია ნაყოფიდან ჩვილზე კორონავირუსის გადადების შემთხვევა, სულ რამდნეიმეა დაფიქსირებული მსოფლიოში. ჩვენ ჩვილს ჩავუტარეთ PCR ტესტი და მას არ ჰქონდა COVID-19.
- ჩვილის საკეისრო კვეთით ამოყვანა რამდენად დროული იყო? რამ გამოიწვია მისი გარდაცვალება?
- ნაყოფი იყო დღენაკლული, წონით ძალიან პატარა - 1კგ და 350 გრ. ფილტვების პრობლემაც ჰქონდა. გაითვალისწინეთ, რომ ჩვილი იმ პაციენტში იყო, რომელსაც ჰქონდა ფილტვების მძიმე დაზიანება, რომელსაც ჰოსპიტალიზაციიდან 3 დღეში დიალეზი დასჭირდა, რადგან თირკმელი გაუჩერდა. ჩვილის მუცლიდან ამოყვანა რომ არ დაგვიანდა, ამის დამადასტურებელი დოკუმენტები გვაქვს. ყოველთვის სჯობს, რაც შეიძლება დიდხანს დატოვო დედის მუცელში შვილი, რომ მოძლიერდეს, როცა დღენაკლულია.
როგორც კი გაუარსედა მონიტორზე ციფრები, მაშინვე შეიყვანეს სამშობიაროში. ამ გოგონას მკურნალობაში "ევექსის“ ყველა მთავარი ექიმი იყო ჩართული, მოდიოდნენ და პირადად ნახულობდნენ მას. მულტიდისციპლინურად ხდებოდა მისი მკურნალობა. ყურადღება ნამდვილად არ მოკლებია მას, ძალიან დიდი ძალისხმევა გავწიეთ. ჩანიშნული გვაქვს შეხვედრა და დეტალურად გავივლით ამ შემთხვევას.
- ოჯახს ხომ არ ჰქონია რაიმე უკმაყოფილება?
- 3 მაისიდან ვარ ამ კლინიკის დირექტორი, არც მანამდე და არც 3 მაისის შემდეგ ჩემ ყურამდე არ მოსულა, რომ ოჯახი რამით უკმაყოფილოა.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმუნური გენეტიკა? ეს რაღაც ახალია!!! ამ კლინიკაში ხალხი პანტაპუნტით რომ არ იხოცება, ესაა გასაკვირი....
ძალიან დიდი იმედი მაქვს, რომ "იმუნური გენეტიკა", "დიალეზი" და სხვა, სტატიის ავტორის მარგალიტებია და არა ექიმის.