მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"9 თვეში მომიკვდა... წლები დავდიოდი იმ მანქანით, რომელშიც ის გარდაიცვალა" - ეკა ბესელია საყვარელ მამაკაცსა და ტრაგიკულ სიყვარულზე
21:59 / 07-05-2021
პოლიტიკოსი და ადვოკატი ეკა ბესელია წლების შემდეგ პირველად საუბრობს მამაკაცზე, რომელიც მისი ცხოვრების ყველაზე დიდი სიყვარული იყო. როგორც "ფორმულას" გადაცემა "ყვითელ ყუთში" საუბრისას მან აღნიშნა, სწორედ ამ ადამიანმა გადაადგმევინა პირველი ნაბიჯები საადვოკატო საქმიანობაში.
ტრაგიკულად დასრულებულ სიყვარულზე ცნობილი ქალბატონი საკმაოდ ემოციურად საუბრობს:
"ადრე, მე ვიხსენებდი ჩემს პირველ საქმეს, პირველ ნაბიჯებს საადვოკატო სფეროში. რთული იყო ჩემთვის ის პერიოდი, რადგან მაშინ პირველი ოჯახი დამენგრა. ვიხსენებდი ადამიანს, რომელიც ძალიან დამეხმარა და როგორც ადამიანს, მასწავლა პრაქტიკული უნარჩევევები, თუ როგორ გამევლო სირთულეები. რამდენიმე თვე გრძელდებოდა ეს ურთიერთობა. ეს იყო 8-9 თვე. ეს იყო ისეთი დიდი ემოციით, პატივისცემით და სიყვარულით დატვირთული დამოკიდებულება, რომ მსგავსი მას შემდეგ არაფერი მინახავს. 9 თვეში ის ადამიანი გარდაიცვალა. ის ჩემთვის იყო ყველაზე დიდი მეგობარი და ძვირფასი ადამიანი. ეს იყო ძალიან დიდი სტრესი. მომიკვდა ყველაზე ძვირფასი ადამიანი, ვინც მაშინ შეიძლებოდა მყოლოდა და ვისაც, ალბათ, ყველაზე ძალიან ვუყვარდი. ასეთი ფაქიზი დამოკიდებულება მას შემდეგ არც არასოდეს მიგრძვნია.
ჩვენ შორის ძალიან სულიერი კავშირი იყო. ეს გამიგრძელდა დიდხანს. პირველი, რამაც ამ სტრესიდან გამომიყვანა, გამახსენდა, რომ ციხეში დარჩა დისშვილი, რომელსაც თავად იცავდა, მაგრამ ვერ მოასწრო მისი გამოყვანა. არაჩვეულებრივი ბიჭი იყო. ავდექი და დავიწყე ამ საქმეზე მუშაობა, რამდენიმე თვეში საოცრება მოხდა და ეს ბიჭი გამოვიყვანე ციხიდან. ვალიც მოვიხადე და თითქოს, რაღაც არამიწიერი ძალა მეხმარებოდა იმ დროს.
მას ჰყავდა მწვანე ავტომანქანა, ალბათ დღემდე ამიტომ მიყვარს მწვანე ფერი. ერთ დღეს მოვდივარ პავლოვზე, დავინახე ეს მანქანა, როდესაც მას მივუახლოვდი, სიგნალიზაცია ჩაირთო, გამოვიდა მისი ახალი პატრონი (ეს მანქანა უკვე სხვაზე იყო გაყიდული)... ემოციურად ძალიან განვიცადე. მივედი მასთან და ვკითხე, ხომ არ ყიდდა მანქანას. არაო, მითხრა. ვთხოვე, თუ ოდესმე დააპირებთ გაყიდვას, მე ვიყიდი-თქო და დავუტოვე ჩემი საკონტაქტო ნომერი. გადის რამდენიმე თვე და მირეკავს ეს ბიჭი და მეუბნება, რომ პოლიციაში მიბარებენ და დამჭირდება ამის გაყიდვა და თუ გინდა წაიყვანეთო. როგორ ჩავედი საჩხერეში არ მახსოვს. ვიყიდე ეს მანქანა და სულ მყავდა, სადამდეც გაძლო, იქამდე მყავდა. სხვათა შორის, ამ მანქანაში გარდაიცვალა, ამიტომ ვეძებდი სულ ამ მანქანას.
მე ისეთი მადლიერი ვარ ამ ადამიანის, მე მის ოჯახთან ძალიან ვმეგობრობდი და დღემდე ვმეგობრობ და ძალიან მიყვარს ეს ხალხი. იმ ადამიანმა ჩემს ცხოვრებაში ძალიან დიდი კვალი დატოვა. საფლავზე დღემდე დავდივარ. არასოდეს მომიყოლია ეს ისტორია. ძალიან მძიმეა ეს ყველაფერი".
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასიამოვნო და ჭკვიანი ქალბატონია!
რაღაც პათოლოგიასთან გვაქვს საქმე-რატომ უნდა მოგინდეს იმ მანქანის ყიდვა და შემდეგ სიარული,რომელშიც საყვარელი ადამიანი გარდაიცვალა?!