მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი სიძის რაღაცებს არ ვიზიარებ, მე ხომ არ ვარ "ნაციონალი", მაგრამ..." - გივი სიხარულიძე გიორგი რურუას გათავისუფლებისთვის მადლობას იხდის
21:48 / 27-04-2021
27 აპრილს წელიწადნახევრის შემდეგ გიორგი რურუამ გლდანის მერვე სასჯელაღსრულების დაწესებულება დატოვა. "მთავარი არხის" ერთ-ერთი მეწილე, რომელიც აქტიურად იყო ჩართული 20 ივნისის აქციებში, თავისუფლებაზე ყოფნისას ამბობს, რომ ეს დრო ციხეში სულ ტყუილად გაატარა.
გიორგი რურუას სიმამრი გივი სიხარულიძე სიძის გათავისუფლებისთვის პრეზიდენტსა და პოლიტიკოსებს მადლობას უხდის. ბატონმა გივიმ Ambebi.ge-სთან საუბრისას აღნიშნა, რომ მართალია სიძეს ბევრ რამეში არ ეთანხმება, მაგრამ თვლის, რომ ამჯერად სრულიად უსაფუძვლოდ იყო დაკავებული.
"მადლობას ვუხდი ყველა პოლიტიკოსს, სალომე სამადაშვილიდან დაწყებული, ახალგაზრდა გიორგი ვაშაძის დამთავრებული, ვინც მონაწილეობა მიიღო ჩემი სიძის გათავისუფლების პროცესში. ასევე მადლიერი ვარ იმ ბიჭის, ციხეში რომ ზის, ნიკა მელია, მათი, ვინც იბრძოლეს გიორგი რურუას თავისუფლებისთვის. ასევე, მადლობას ვუხდი ქალბატონ სალომე ზურაბიშვილს, რომ გაითვალისწინა ეს ყველაფერი და ხელი მოაწერა ჩემი სიძის გათავისუფლებას. ძალიან ახლოს ვიცნობ სალომეს.
მადლობას ვუხდი ასევე ევროპას, შარლ მიშელს, ყველას, მადლობა, მათ რომ სწორი დადგენილება გამოიტანეს და მართალი კაცი გაათავისუფლეს. დიახ, გიორგი რურუა პოლიტპატიმარი იყო და რატომ არ უნდა ეღიარებინათ.
მე ჩემი სიძის რაღაცებს არ ვიზიარებ, მე ხომ არ ვარ ნაციონალი, არაფერი არ ვარ, გივი ვარ სიხარულიძე და მორჩა, მაგრამ ამჯერად ჩემი აზრით, ის სრულიად უსაფუძვლოდ იყო დაკავებული. მადლობას ვუხდი მთავრობასაც, რომ ეს გაითვალისწინეს" - ამბობს სიხარულიძე.
გიორგი რურუას შეწყალების აქტს ხელი დღეს მოაწერა სალომე ზურაბიშვილმა. პრეზიდენტმა განაცხადა, რომ პირობა შეასრულა და მას შემდეგ რაც ოპოზიციის ნაწილი პარლამენტში შევიდა, გიორგი რურუა შეიწყალა.
გიორგი რურუა 2019 წლის 18 ნოემბერს დააკავეს. მას ბრალი სისხლის სამართლის კოდექსის 236-ე მუხლის მე-3 და მე-4 მუხლების მიხედვით წაუყენეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
2020 წლის 30 ივლისს კი, თბილისის საქალაქო სასამართლომ რურუა წარდგენილ ბრალდებაში დამნაშვედ ცნო და სასჯელის სახით თავისუფლების აღკვეთა 4 წლის ვადით შეუფარდა.
რურუას დაკავების შემდეგ მისი სიმამრი გივი სიხარულიძე Ambebi,ge-სთან საუბრისას ჯერ კიდევ ერთი წლის წინ აცხადებდა, რომ მის სიძეს 400 იარაღი ჰქონდა ოფიციალურად გაფორმებული და არაოფიციალური იარაღით სიარული რაში სჭირდებოდა. ცნობილი მწერალი, მსახიობი, მოცეკვავე და უბრალოდ თბილისის კოლორიტი გივი სიხარულიძე გიორგი რურუას სიმამრია. რურუას მისი შვილიშვილი სოფო სიხარულძე ჰყავს ცოლად.
"გიორგი რურუა ჩემი სიძეა, შვილიშვილის მეუღლეა. სასწაული, ანგელოზივით შვილთაშვილი მყავს. მე არანაირი ინფორმაცია არ მაქვს მის გამოშვებაზე, მაგრამ გიორგი ძალიან მიყვარს. ჩემი შვილიშვილი უყვარს, ჩემს შვილიშვილსაც უყვარს და ამიტომ ძალიან დიდ პატივს ვცემ...“ - ამბობდა გივი სიხარულიძე ჩვენთან ინტერვიუში.
მკითხველის კომენტარები /
36 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიხარულიძე რომ ქოცი იქნება, იქ დამთავრდა ამ სექტის არსებობა!
ნაცის აზრზს თუ არ იზიარებს აუცილებელი არაა ქოცი იყო,ასეა უმეტესობა.p.s.ისე უნდა ნაცი იყოს უნდა ქოცი ორივე მოერგებოდა