"ბედნიერებაა, როდესაც თავს გესხმის ის, ვინც შენს მიერ გავრილოვის პარლამენტიდან გაგდებაზე ბოდიშებს იხდიდა მოსკოვში" - რას პასუხობს სალომე სამადაშვილი ნინო ბურჯანაძეს
“სალომე სამადაშვილს ერთი სული ჰქონდა, როგორმე პარლამენტში შესულიყო და შემდეგ პარლამენტიდან ევროკავშირში ჩაწერილი ქულებით სამსახური ეშოვა”, - ამის შესახებ “ერთიანი საქართველო - დემოკრატიული მოძრაობის” ლიდერმა ნინო ბურჯანაძემ “ტვ პირველის” ეთერში განაცხადა.
ამ განცხადებას "ფეისბუქის" პირად გვერდზე გამოეხმაურა სალომე სამადაშვილი, რომელმაც დაწერა:
"რა ბედნიერებაა, ევროკავშირის და ამერიკის მედიაციით მიღწეული შეთანხმების ხელმოწერის გამო, თავს როდესაც გესხმის ის, ვინც შენს მიერ გავრილოვის პარლამენტიდან გაგდებაზე ბოდიშებს იხდიდა მოსკოვში, ომის დაწყებას გაბრალებდა, პოზნერის ეთერებიდან არ დგებოდა. მიყვარს ყველაფერი თავის ადგილზე როდესაც დგება. იცი, რომ ისტორიის სწორ მხარეს ხარ“.