მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ოპოზიციისა და ხელისუფლების შეხვედრა დასრულდა - რა განცხადებები გაკეთდა ამნისტიის კანონპროექტთან დაკავშირებით?
22:05 / 26-04-2021
"ლელოს" ერთ-ერთი ლიდერის ბადრი ჯაფარიძის განცხადებით, 27 აპრილს დიდი ალბათობით, ამნისტიის შესახებ კანონის დარეგისტრირება არ მოხდება. ამის შესახებ ბადრი ჯაფარიძემ მმართველი გუნდისა და ოპოზიციის წარმომადგენლების შეხვედრის შემდეგ განაცხადა.
მისივე თქმით, ხვალ პარლამენტში დარეგისტრირდებიან, რათა გიორგი რურუას შეწყალების აქტი ამოქმედდეს.
"ჩვენ ხვალ პარლამენტში დავრეგისტრირდებით, იმისთვის, რომ ამოქმედდეს პრეზიდენტის შეწყალების აქტი რურუასთან მიმართებაში, რომ ერთმა ადამიანმა საპატიმრო დატოვოს. ამის შემდეგ კონსულტაციებს გავაგრძელებთ ამნისტიის შესახებ კანონთან დაკავშირებით, იმისთვის, რომ ვნახოთ არსებობს თუ არა შეჯერების შესაძლებლობა. მაგრამ ხვალ კანონპროექტის დარეგისტრირება დიდი ალბათობით არ მოხება“, - განაცხადა ჯაფარიძემ.
პოლიტიკოს სალომე სამადაშვილის განცხადებით, „ქართული ოცნების“ პოზიციაა, რომ ამნისტიის შესახებ კანონპროექტი არ გავრცელდება იმ ადამიანებზე, ვინც პასუხისმგებელია ადამიანების სხეულის განზრახ მძიმე დაზიანებაზე.
როგორც მან ოპოზიციურ პარტიებსა და ხელისუფლების წარმომადგენლებს შორის შეხვედრის შემდეგ განმარტა, ხვალ იქნება მსჯელობა, იარსებებს თუ არა ამისტიის ალტერნატიული კანონპროექტი ან როგორ გაგრძელდება პროცესი.
„ჩვენ ვფიქრობთ, რომ არის საკითხები, სადაც პოზიციები დაავაახლოვეთ. ვფიქრობ, სრული კონსენსუსია იმ საკითხზე, რომ ამნისტია ვერანაირად ვერ დაიცავს ვერავის, ვინც პასუხისმგებელია ადამიანების სხეულის განზრახ მძიმე დაზიანებაზე. შესაბამისად, ვერ დაიცავს ვერც იმ ადამიანებს, ვინც გასცეს ბრძანება, რომლის შედეგადაც მიღებული იქნა მსგავსი დაზიანება. ამიტომ, მინდა გასაგებად ვთქვა, ამ ამნისტიის შედეგად დასახიჩრებაზე პასუხისმეგებელი პირები დაცული არ იქნებიან. ეს არის „ქართული ოცნების“ პოზიცია. რაც შეეხსება იურიდიულ ტექნიკას, ანუ, როგორ გაიწერება საბოლოოდ ამნისტიის კანონპრექტი, ამაზე ხვალ გავაგრძელებთ საუბარს და კონსულტაციებს. ხვალ არის მნიშვნელოვანი დღე, როდესაც შეთანხმების შესრულება იწყება. შესაბამისად, ოპოზიცია პარლამენტში დარეგისტრიდედება და ამის შემდეგ გადაიდგმება პირველი ნაბიჯი გიორგი რურუას შეწყალების სახით. რაც შეეხება ამნისტიის შესახებ კანონპროექტს, ამაზე ხვალ კონსულტაციები გაგრძელდება“, - განაცხადა სამადაშვილმა.
მან აღნიშნა, რომ „ნაციონალური მოძრაობის“ თავმდჯომარის, ნიკა მელიას განცხადებაზე მედიატორებთანაც იქნება საუბარი.
„ჩვენ პატივს ვცემთ და ვიზიარებთ ნიკა მელიას აზრს. ამაზე გვექნება მსჯელობა, მათ შორს მედიატორებთანაც. ვნახოთ, როგორ განვითარდება მოვლენები. ამ ეტაპზე ჩვენთვის მნიშვნელოვანია, რომ შეთანხმებულ გეგმას მივყვეთ“, - განაცხადა სამადაშვილმა.
უმრავლესობის წევრი ანრი ოხანაშვილი ამბობს, რომ ამნისტიის კანონპროექტი კანონად იქცევა.
მისი თქმით, თუ იქნება რესურსი, რომ ოპოზიცია ამას დაეთანხმოს, ეს სამართლიანი და რაციონალური იქნება.
„დღეს იყო მორიგი საქმიანი შეხვედრა, გავცვალეთ პოზიციები, იყო სამართლებრივ დეტალებზე საუბარი. შეთანხმებიდან გამომდინარე, ჩვენ ვიკისრეთ ვალდებულება და პასუხისმგებლობა ჩვენი ქვეყნის უკეთეს მომავალზე. შესაბამისად, შეთანხმებას შესრულება სჭირდება. „ქართული ოცნება“ შეთანხმების ერთგული რჩება. შეთანხმებიდან გამომდინარე, ყველას გვაქვს პასუხისმგებლობა და ვალდებულებები ნაკისრი, მათ შორის ეს კომპონენტი შეეხება ამნისტიის კანონპროექტს. ამიტომ, ამნისტიის კანონპროექტი აუცილებლად დაინიცირდება. ერთი ადამიანის გადასაწყვეტი არ და ვერ იქნება ევროკავშირის ეგიდით შექმნილი დოკუმენტის ბედი. ამნისტიის კანონპროექტი დაინიცირდება, ამნისტიის კანონპროექტი კანონად იქცევა. არავის არაფერი გადაუფიქრებია. „ქართული ოცნება“ პირობას შეასრულებს. თუ იქნება რესურსი, რომ დაგვეთანხმოს ოპოზიცია სამართლიან, რაციონალურ პროექტზე, ეს სამართლიანი და რაციონალური იქნება, თუ არ დაგვეთანხმებიან, ეს მათი არჩევანი იქნება“, - განაცხადა ოხანაშვილმა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქმე აკეთეთ! საქმე! ყელში ამოვიდა უკვე ეს პერსონები და აქცენტების მათზე გადატანა. ხალხს არ აინტერესებს მელია როგორ გამოვა, მანდ მელიას პრობლემების მოგვარებისთვის არ ხართ არჩეულები. მოკეტეთ ერთხელ და სამუდამოდ და იდავეთ საქმეზე, რა როგორ განავითაროთ და ადამიანებმა როგორ შეძლონ დასაქმება და ა.შ.
eseni vapshe sad arian? khalkhi kidiat saertod!