მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ევროკავშირში რეგისტრირებული ერთ-ერთი არასამთავრობო ორგანიზაცია გადაიხდის გირაოს და მელიას შეეძლება ნებისმიერ მომენტში გამოვიდეს" - პაპუაშვილი
21:44 / 20-04-2021
ახლა მნიშვნელოვანია, რომ პოლარიზაციიდან ამ პოლარიზაციის შემცირებისკენ გადავიდეთ. უმჯობესი იქნება იყოს თანხმობა და თანამშრომლობა იმიტომ, რომ მთავარი პრობლემა დღეს პოლარიზაცია და პარტიებს შორის სხვადასხვაობებია, - ამის შესახებ პარლამენტის უმრავლესობის წევრმა შალვა პაპუაშვილმა ჟურნალისტებს ევროპული საბჭოს პრეზიდენტთან, შარლ მიშელთან შეხვედრის შემდეგ განუცხადა.
როგორც პაპუაშვილმა აღნიშნა, მას აქვს მოლოდინი, რომ ოპოზიციონერი დეპუტატები მუშაობას საქართველოს პარლამენტში ხვალვე შეუდგებიან. რაც შეეხება ნიკა მელიასა და გიორგი რურუას გათავისუფლების საკითხს, მისივე თქმით, ორივეს გათავისუფლების პირობები ხელშეკრულებაში გაწერილია. „რაც შეეხება [პატიმრების გათავისუფლების] პროცედურებს, ევროკავშირში რეგისტრირებული ერთ-ერთი არასამთავრობო ორგანიზაცია გადაიხდის ამ გირაოს და რა თქმა უნდა, ნიკა მელიას შეეძლება ნებისმიერ მომენტში გამოვიდეს. უარი თუ თქვა, ეს მისი გადასაწყვეტია. რაც შეეხება ამნისტიის საკითხს, ამნისტია ეხება არა მხოლოდ ნიკა მელიას, არამედ 20 ივნისთან დაკავშირებულ საქმეებს, შესაბამისად, ეს კანონპროექტი შესაბამისი პროცედურებით დაინიცირდება და მასში მონაწილეობას მიიღებენ ის პარტიები, რომლებმაც ხელი მოაწერეს ამ შეთანხმებას. ეს უნდა მოხდეს ერთობლივად. ამნისტიის შედეგად ამნისტირებული იქნება ყველა პირი, რომელიც დაკავშირებულია 20 ივნისთან და აქვს ბრალდება წაყენებული.
გიორგი რურუას საკითხზე კი, პრეზიდენტმა გამოთქვა მზადყოფნა, რომ იმ შემთხვევაში, თუკი იქნებოდა მხარეების მხრიდან ხელმოწერა და ხელშეკრულება ჩაითვლებოდა შემდგარად, მზად არის შესაბამისი მიმართვის საფუძველზე შეიწყალოს გიორგი რურუა. ამასთან, მოვისმინეთ ცალკეული განცხადებები ზოგიერთი პოლიტიკური პარტიის წარმომადგენელთა მხრიდან, რომ მანამ, ვიდრე ნიკა მელია არ გამოვა სასჯელაღსრულების დაწესებულებიდან, ისინი არ მიიღებენ მონაწილეობას პარლამენტის მუშაობაში, შეთანხმება არის საჯარო და დღეს ხაზი გაესვა, რომ ყველაზე მნიშვნელოვანია პრეამბულა, სადაც საუბარია იმაზე, რომ უნდა იყოს თანამშრომლობა, არ უნდა იყოს პოლარიზაცია და საუბარია შემდეგ რამეზე - შეთანხმებაზე ხელმოწერისთანავე პარტიები შედიან პარლამენტში და ახორციელებენ საპარლამენტო საქმიანობას პარლამენტში. ხელმოწერა გაკეთებულია, 113 დეპუტატია პარლამენტში, 17 დეპუტატის ხელმოწერაა ამ შეთანხმებაზე და ამიტომ ჩემი მოლოდინია, რომ ისინი ხვალიდან იქნებიან პარლამენტში და განახორციელებენ თავიანთ საქმიანობას. ეს არის მათი სიტყვა და ეს ხელმოწერილია“, - განაცხადა პაპუაშვილმა და დასძინა, რომ მთელ ამ პროცესში „ქართული ოცნება“ იყო ერთადერთი კონსტრუქციული ძალა. „ხელშეკრულების ყველა პუნქტი შესრულდება „ქართული ოცნების“ მიერ კეთილსინდისიერად. ახლა საქმე არის ჩვენი ოპონენტების მხარეს და ეს მათაც კეთილსინდისიერად უნდა შეასრულონ“, - განაცხადა პაპუაშვილმა.
ამასთან, დეპუტატმა აღნიშნა, რომ ტონი შესაცვლელია არა მხოლოდ პარტიებს შორის, მედიასა და პარტიებს შორის ურთიერთობაშიც. „სამწუხაროდ, ჩვენს საზოგადოებაში ნორმად იქცა უხამსობა, ნორმად იქცა შეურაცხყოფა, ნორმად იქცა სიტყვიერი თავდასხმა. რა თქმა უნდა, ამ ყველაფერს ვერ გამოვირცხავთ, მაგრამ საქმე იმაშია, რას ვცდილობთ - ვცდილობთ რომ ვიყოთ უხეში, უფრო მეტი ღვარძლი იყოს ჩვენს ურთიერთობაში თუ ვიყოთ შეძლებისდაგვარად კოლეგიალური და იმ ეთიკური ნორმების ფარგლებში, რომელიც ჩვენს საზოგადოებას აქვს“, - განაცხადა პაპუაშვილმა.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაი საქართველოვ
მარტო მელიასთვის ამნისტია არაა საქმე გააკეთეთ ყველა პატიმრითვის 1/4 ეგრე აჯობებს ყველასთვის