მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჯერ ერთი ძმა მომიკლეს მაგისმა შვილებმა, გამოვიდნენ ციხიდან და ახლა ჩემი მეორე ძმაც მოკლეს" - ახალდაბაში მომხდარი მკვლელობის უცნობი დეტალები
12:35 / 19-04-2021
გორის მუნიციპალიტეტში, სოფელ ახალდაბაში ვალერი ნაცვლიშვილი მოკლეს. ტრაგედია დღეს დილით მოხდა. როგორც ადგილობრივები ამბობენ, ნაცვლიშვილი სახლიდან ადრე გავიდა, რათა ნახირი საძოვარზე გაეშვა, ამ დროს, ქუჩაში მიმავალს თანასოფლელმა სანადირო თოფიდან ესროლა. მამაკაცი ადგილზე გარდაიცვალა, მას ორი ტყვია აქვს მოხვედრილი. ამ დრომდე შემთხვევის ადგილზე სამართალდამცავები მუშაობენ. არსებული ინფორმაციით, სავარაუდოდ, ნაცვლიშვილს თანასოფლელმა და მეზობელმა ზაურ მაჭარაშვილმა ესროლა. მომხდარი კი, ახალდაბელების ვარაუდით, ამ ორ ოჯახს შორის წლების წინ არსებულ დაპირისპირებას უკავშირდება. დეტალები სამართალდამცავებმა უნდა გაარკვიონ. გორის მერის წარმომადგენელი ვარიანის ადმინისტრაციულ ერთეულში, პაატა კოკაური ამბობს, რომ ჯერჯერობით მისთვის უცნობია მომხდარის დეტალები და მკვლელობის მოტივიც.
"ვარიანის შემადგენლობაში შედის სოფელი ახალდაბა. ახალი მომხდარია ეს დანაშაული, ახლა შემთხვევის ადგილზე ვიმყოფები, მაგრამ ჯერჯერობით ვერაფერში გავერკვიე. მოკლულია ვალერიან ნაცვლიშვილი. არც ის ვიცი, ვინ არის მკვლელი. ახლაც მუშაობს პოლიცია, დეტალები ჯერ უცნობია", - ამბობს მერის წარმომადგენელი. ჩვენს კითხვაზე, არსებობდა თუ არა მოკლულსა და სავარაუდო დამნაშავეს შორის რაიმე დაპირისპირება, კოკაური ამბობს, რომ მეზობლებს შორის დაპირისპირებაზე არაფერი გაუგია.
"რაიმე დაპირისპირებაზე არ მსმენია. ამ დილით გასულა სახლიდან, ნახირი გარეკა და ქუჩაშია მოკლული. ისიც არ ვიცი, ჰყავს თუ არა მომხდარს თვითმხილველი. პოლიცია მუშაობს ამ წუთას. მოკლული დაოჯახებული იყო, ჰყავს მეუღლე და შვილები, არ იყო ნასამართლევი. მიმდინარეობს გამოძიება, მალე გაირკვევა, რატომ მოხდა ეს მკვლელობა", - განუცხადა ambebi.ge-ს კოკაურმა.
ვალერი ნაცვლიშვილის ცხედარი გორის პროზექტურაში ცოტა ხნის წინ გადაასვენეს. გარდაცვლილის ნათესავები პირდაპირ ამხელენ მომხდარში მოკლულის მეზობელს.
"მკვლელი ზაურ მაჭარაშვილია. 2004 წელს ჯერ ერთი ძმა მომიკლეს მაგისმა შვილებმა, გამოვიდნენ ციხიდან და ახლა მეორე ძმაც მოკლეს. ამნისტიით არიან გამოშვებული თვითონაც და მისი შვილებიც. 2004 წლიდან მოდის ეს ამბავი, სერიული მკვლელია მაჭარაშვილი..." - ამბობს გარდაცვლილის და.
ადგილობრივები ადასტურებენ ოჯახებს შორის არსებულ დაპირისპირებას და როგორც შევიტყვეთ, ამ ტრაგედიამდე რამდენიმე დღით ადრე ჩხუბიც მომხდარა.
გარდაცვლილი ვალერი ნაცვლიშვილის მეზობელი:
- როგორც იძახიან, სურენა, იგივე ზაურ მაჭარაშვილია ვალერის მკვლელი. ვალერი ასე 47 წლის იქნება, სამი შვილის მამა, სოფლის მეურნეობა ჰქონდა აწყობილი, კარგი, გამართული ოჯახია. 17 წლის წინ ვალერის ძმა მოკლეს, მაშინ მას ფერმა ჰქონდა ნაქირავები და პატარა მეურნეობას უძღვებოდა, სწორედ იქ, ფერმაში იპოვეს მოკლული, იმ ფაქტს თვითმხილველი არ ჰყავდა, მაგრამ ამ ამბისთვის სამი თანასოფლელი დააკავეს, ზაურ მაჭარაშვილის ორი ბიჭი და კიდევ ერთი მეზობელი, მესამე პირი სტრასბურგის სასამართლომ გაამართლა. რაც შეეხება მაჭარაშვილებს, ისინი ვალერის ძმის მკვლელობას არ აღიარებდნენ, მაგრამ ამ დანაშაულისთვის გასამართლდნენ, ორივე იჯდა ციხეში, ერთმა 13 წელი, მეორემ - 14 წელი მოიხადა, მერე, როგორც ვიცი, ამნისტია შეეხოთ და ციხიდან შედარებით ადრე გამოვიდნენ. ერთი ძმა ციხიდან გამოსვლის შემდეგ ევროპაში წავიდა, იქ დაიჭირეს და როგორც ვიცი, მისი დეპორტაცია მოხდა საქართველოში და ახლა ქართულ ციხეში იხდის სასჯელს, რაც შეეხება მეორე ძმას, ის ციხიდან გამოსვლის შემდეგ სოფელში ჩვეულებრივ ცხოვრობს, სოფლის მეურნეობას ეწევა. თავად სურენა, რომელსაც ახლა ვალერის მკვლელობაში ამხელენ, რამდენჯერმე ნასამართლევია.
- წლების წინ ვალერის ძმის მკვლელობის მიზეზი რა იყო?
- მეზობლური დავა იყო ამ ორ ოჯახს შორის, როგორც ვიცი, მიწის გამო. მომიჯნავედ ცხოვრობენ, მეზობლები არიან, მათ სახლებს ერთმანეთისგან გზა ყოფს და მაშინ მიწის გულისთვის ჩხუბობდნენ, ითქვა, რომ ამის გამო მოკლეს. თუმცა ეს ბიჭები არ აღიარებდნენ დანაშაულს. როგორც ჩანს, ისევ იყო ამ ოჯახებს შორის კონფლიქტი. ბუნებრივია, ერთმანეთს არ ელაპარაკებოდნენ. ვალერი კარგი ადამიანი იყო, მაგრამ ძმის მკვლელობას ძალიან განიცდიდა და ძალიან შეცვალა ამ ტრაგედიამ პიროვნულად. როგორც ჩანს, ძველი ამბავის გამო ისევ ჩხუბობდნენ. ამ დილით ნახირი გაურეკია, ფაქტს, მკვლელობას თვითმხილველი არ ჰყავს, მაგრამ სოფელში ვარაუდობენ, რომ ზაურმა მოკლა. შესაძლოა ჩასაფრებული იყო თავის სახლთან. არ ვიცით, ჩაბარდა თუ არა ზაური პოლიციას, ზოგი ამბობს ჩაბარდაო, ზოგი ამბობს, - გაიქცაო. როგორც გავიგე, ამ დღეები მათ შორის დაპირისპირებაც ყოფილა - მოკლულის ძმას მკვლელობაში ბრალდებული უცემია, ალბათ ძველი ამბის გამო. ეტყობა ესეც ამის გაგრძელებაა და ესროლეს. ნასამართლევი არ არის ვალერი, ის პატიოსანი ადამიანი იყო, გამართული ოჯახი აქვს. თავისი სახლიდან 5 მეტრში მოკლეს - სურენას და მისი სახლის შუაში. ახლაც აქ არიან პოლიციელები და მიმდინარეობს მეზობლების დაკითხვა.
შსს-ს ინფორმაციით, მომხდარის გამოძიება 108-ე განზრახ მკვლელობის მუხლით მიმდინარეობს.
.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს დანაშაული არის ლოგიკური შედეგი მანკიერი კანონმდებლობის! მკვლელს 15 წელი კი არა 25-30 წელი უნდა მიესაჯოს და არავითარ შემთხვევაში არ უნდა შეეხოს ამნისტია! ვინ მიიღო ამ მკვლელის შეწყალების გადაწყვეტილება?
მკვლელობაზე 15 წელში არ უნდა გამოდიონდნენ გარეთ. დიდი სასჯელი უნდა იყოს.