"გამოდის ქალბატონი და ამბობს, ქმარი ცუდად მომეპყრო 10-11 წლის წინო...ატყდა ერთი ამბავი" - მეუფე იაკობი ნინუცა მაყაშვილის სკანდალური ინტერვიუს შესახებ

მეუფე იაკობი საკვირაო ქადაგებისას მსახიობ ნინუცა მაყაშვილის და მისი ყოფილი ქმრის, ბესო ზანგურის საკითხს შეეხო.

"გამოდის ქალბატონი და ამბობს, ქმარი ცუდად მომეპყრო 10-11 წლის წინო. ატყდა ერთი ამბავი, კაცი სამსახურიდანაც ფაქტობრივად, გააძევეს და მიზეზი ძალადობაა.

პოლიტიკოსები და ტელევიზიები არ ძალადობთ ჩვენზე? არ ძალადობთ ეკლესიაზე? არ ძალადობთ თითოეულ ადამიანზე? თუ ჩვენც გავხდეთ თქვენსავით მოძალადეები? გინდათ? ცუდის გაკეთება ადვილია, სიკეთის კეთებაა ძნელი“, - თქვა იაკობმა.

ცნობისთვის, ნინუცა მაყაშვილმა თავისი ყოფილი ქმარი, ბესო ზანგური ძალადობაში ამხილა და აღნიშნულ თემაზე მან ია ფარულავას გადაცემა "ფარულ კონვერტში ისაუბრა. ფაქტს ბესო ზანგური უარყოფს.