მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მართლა გავაოცეთ და დავღალეთ არამხოლოდ ევროპა, არამედ ყველა" - რა განცხადებებს ელიან ექსპერტები ევროკავშირის საგარეო საქმეთა მინისტრების 19 აპრილის კონფერენციიდან
12:15 / 16-04-2021
ძალიან სამწუხაროა, რომ მთავარი თემა ისევ საქართველოში არსებული პოლიტიკური კრიზისი იქნება, რომლითაც მართლა გავაოცეთ და დავღალეთ არა მხოლოდ ევროპა, არამედ ყველა ჩვენი მეგობარი და ეს ძალიან ცუდია, ამდენი ხნის განმავლობაში არ აღმოგვაჩნდა რესურსი იმისათვის, რომ ეს პრობლემა გადაგვეწყვიტა, - ამის შესახებ საერთაშორისო ურთიერთობების საკითხებში პრეზიდენტის ყოფილმა მრჩეველმა, თენგიზ ფხალაძემ "ინტერპრესნიუსთან" საუბრისას განაცხადა, რითაც 19 აპრილს დაგეგმილ ევროკავშირის საგარეო საქმეთა მინისტრების კონფერენციას გამოეხმაურა, სადაც საქართველოს საკითხზე იმსჯელებენ.
თენგიზ ფხალაძის შეფასებით, ევროპელი მეგობრები კიდევ ერთხელ შეეცდებიან გაგვაგებინონ, რომ ქვეყანაში პოლიტიკური კრიზისის დასრულება საქართველოს ინტერესებშია.
"ჩვენი მეგობრები ჩვენზე მეტად ზრუნავენ და ფიქრობენ როგორ უნდა გამოიყვანონ საქართველო ამ კრიზისიდან. კრიზისიდან გამოსავალი არის იმ შემთხვევაში თუ ამის სურვილი არის, მეგობრები შეიძლება დაგვეხმარონ, მაგრამ ჩვენს ნაცვლად გადაწყვეტილებას ვერ მიიღებენ და ალბათ, კიდევ ერთხელ შეეცდებიან, რომ გაგვაგებინონ, რომ ამ კრიზისის დასრულება არის საქართველოს ინტერესებში და ამას თუ გავიგებთ კარგი იქნება. მკაფიო მესიჯები აქამდეც იყო და 19 აპრილსაც იქნება, მაგრამ ნებისმიერ გზავნილს სწორი წაკითხვა და სწორი გააზრება სჭირდება და იმედი მაქვს ჩვენს პოლიტიკურ კლასს ამის უნარი კიდევ შერჩენილი აქვს", - განაცხადა ფხალაძემ.
ექსპერტი ვახტანგ ძაბირაძე კი მიიჩნევს, რომ 19 აპრილს ევროკავშირის საგარეო საქმეთა მინისტრები საქართველოსთვის სანქციების დაწესების საკითხზე არ იმსჯელებენ, თუმცა, მისი შეფასებით, შესაძლოა, აღნიშნულ საკითხზე გარკვეული მინიშნებები გაჟღერდეს.
როგორც მან „ინტერპრესნიუსს“ განუცხადა, მოსალოდნელია, რომ დიპლომატების განცხადებები გაცილებით მკაცრი იქნება, ვიდრე ევროპული საბჭოს პრეზიდენტის პირადი წარმომადგენლის კრისტიან დანიელსონის.
„ამ ეტაპზე ნამდვილად არ ველოდები, რომ დასავლეთი ასეთ მკვეთრ ნაბიჯებს გადადგამს და სანქციების თემას რეალურად აამუშავებს. თუმცა, ზოგად ნაწილში შესაძლოა, ამაზეც იყოს მინიშნება და გარკვეული მოთხოვნებიც. თუ ვითარება კიდევ უფრო არ გამწვავდა და უფრო რადიკალური ხასიათი არ მიიღო, არ მგონია, რომ ეს საკითხი დღის წესრიგში რეალურად დადგეს. თუმცა, ჩემი აზრით, დიპლომატების განცხადებები უფრო მკვეთრი იქნება, ვიდრე კრისტიან დანიელსონის“,-განაცხადა ძაბირაძემ.
მისი განმარტებით, საერთაშორისო საზოგადოების მხრიდან უკვე ისმის შეფასებები, რომ როგორც ოპოზიციის მხრიდან პარლამენტის ბოიკოტი, ასევე პოლიტპატიმრების არგათავისუფლება, რუსეთისთვის არის სასარგებლო.
„დასავლეთი უკვე აფასებს, რომ თუ ოპოზიცია პარლამენტში არ შევა და იქ ცარიელი სკამები იქნება, ეს რუსეთისთვისაა სასარგებლო. ასევე აფასებენ იმასაც, რომ თუ „ქართული ოცნება“ პოლიტპატიმრებს არ გაათავისუფლებს, ესეც რუსული ნარატივია. დასავლეთს ოპოზიციაზე პირდაპირი ზემოქმედება არ შეუძლია. რაც შეეხება ხელისუფლებას, ერთადერთი ბერკეტი აქვს დასავლეთს, ეს არის ეკონომიკური სანქციები, მაგრამ ეს უკიდურეს შემთხვევაში იქნება. ჩათვალეთ, რომ თუ დასავლეთმა მიიღო გადაწყვეტილება ქვეყნისთვის ეკონომიკური დახმარების შეწყვეტის თაობაზე, ეს არ ნიშნავს მარტო ეკონომიკური დახმარების შეწყვეტას, არამედ იმას, რომ დასავლეთმა საერთოდ დაივიწყა საქართველო“, - განაცხადა ძაბირაძემ.
ის მოელის, რომ 19 აპრილს დაგეგმილ შეხვედრაზე ევროკავშირის საგარეო საქმეთა მინისტრების დონეზე იქნება მოწოდებული კრისტიან დანიელსონის მიერ შეთავაზებული გეგმა.
„დარწმუნებული ვარ, მათ მიერ გაკეთებული განცხადება არ იქნება ძალიან შორს იმ გეგმასთან, რაც კრისტიან დანიელსონის მიერ იყო შემუშავებული და ქართველი პოლიტიკოსებისთვის მიწოდებული, როგორც დასავლელი პარტნიორების საერთო პოზიცია. ვფიქრობ, ამჯერად უკვე საგარეო საქმეთა მინისტრების დონეზე იქნება მოწოდებული ეს გეგმა ქართველი პოლიტიკური ელიტისთვის. რამდენად მიიღებს ქართული პოლიტიკური ელიტა ამ შემოთავაზვბას, ამის თქმა გამიჭირდება“,-განაცხადა ძაბირაძემ.
მისი შეფასებით, ქვეყანაში შექმნილი მძიმე სოციალურ-ეკონომიკური და პოლიტიკური ვითარების ფონზე, ხელისუფლებამ კრიზისიდან გამოსვლის გზები უნდა ეძებოს.
„გამოსავალი არის ის, რომ ხელისუფლებამ გაათავისუფლოს პატიმრები და დაიწყოს შემოთავაზებული გეგმის შესრულება, მიუხედავად იმისა, ოპოზიცია პარლამენტში შევა თუ არა“,-განაცხადა ძაბირაძემ.
ცნობისთვის, 19 აპრილს ევროკავშირის საგარეო საქმეთა მინისტრების არაფორმალური ვიდეო კონფერენცია გაიმართება. ევროკავშირის საბჭოს ინფორმაციით, ევროკავშირის საგარეო საქმეთა მინისტრებს საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, ჟოზეფ ბორელი ინფორმაციას მიაწვდის ბოლო დროს განვითარებული რამდენიმე საკითხის და დაგეგმილი ღონისძიებების შესახებ. აქვე საუბარია, რომ როგორც მოსალოდნელია, განსახილველ საკითხებს შორის იქნება ბოლო დროს განვითარებული მოვლენები საქართველოში, ინდოეთში, მიანმარში, მოზამბიკში, ასევე ერთობლივი და მრავლისმომცველი სამოქმედო გეგმა (JCPOA), იგივე ირანის ბირთვული შეთანხმება.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დროს პარლამენტი და ევროპელი საგარეო საქმეთა მინისტრებია. მთავარია ჰესები არ აშენდეს... არსებულებს კი დემონტაჟი ჩაუტარდეს.
ბლა-ბლა. 30 წელი ცირკის ციყვები ვარტ