მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სტრატეგია აღმაშენებლის" ლიდერი ხვალ ნიკა მელიას გათავისუფლებას არ ელის - რას ამბობს გიორგი ვაშაძე "მესამე რაუნდის" შესახებ
15:15 / 07-04-2021
„სტრატეგია აღმაშენებლის“ ლიდერის გიორგი ვაშაძის განცხადებით, ის ხვალ „ნაციონალური მოძრაობის“ თავმჯდომარის ნიკა მელიას გათავისუფლებას არ ელის.
როგორც მან ჟურნალისტებს განუცხადა, სასამართლო პროცესისგან არაფერს განსაკუთრებულს არ ელოდება.
„ზედმეტ მოლოდინებს ნუ შევქმნით სასამართლო პროცესზე, იმიტომ, რომ ჯერჯერობით არ ჩანს ის ნათელი წერტილი, მის გათავისუფლებაზე რაიმე გადაწყვეტილება მიიღონ. ზემდეტ მოლოდინებს ნუ შევიქმნით, რომ ამ სასამართლო პროცესზე ხვალ რაღაც განსაკუთრებული მოხდება. მე არ მგონია, რომ შეთანხმების გარეშე ეს მოხდეს. ამიტომ არის შეთანხმება საჭირო, რომ შემდეგ ნაბიჯების გადადგმა დაიწყოს“, - განაცხადა ვაშაძემ.
ცნობისთვის, ხვალ თბილისის საქალაქო სასამართლო ნიკა მელიას მიმართ შეფარდებულ აღკვეთ ღონისძიებას - პატიმრობას გადასინჯავს. ამ დრომდე უცნობია, თუ რა პოზიცია ექნება სახელმწიფო ბრალდებას და რა შუამდგომლობას დააყენებს ის სასამართლოში. რაც შეეხება დაცვის მხარეს, როგორც მელიას ადვოკატი გიორგი კონდახიშვილი აცხადებს, ის დაკავებულის აღკვეთის ღონისძიების გარეშე დატოვებას მოითხოვს.
გიორგი ვაშაძემ ხელისუფლებასა და ოპოზიციას შორის მოლაპარაკებებთან დაკავშირებითაც ისაუბრა და როგორც მან აღნიშნა, მესამე რაუნდი აუცილებლად უნდა გაიმართოს, თუმცა მანამდე სერიოზული მომზადებაა საჭირო.
„ვფიქრობ, რომ მესამე რაუნდი აუცილებლად უნდა გაიმართოს, თუმცა მანამდე სერიოზული მომზადებაა საჭირო, რომ არ იყოს ისევ ფუჭი შეხვედრა - მოლაპარაკებები შედეგის გარეშე. ვფიქრობ, რომ ჯერ კიდევ არის რესურსი, უახლოეს მომავალში მოლაპარაკებები შეთანხმებით დამთავრდეს. „ქართული ოცნებაც“ ხედავს, რომ მსუბუქი არ იქნება მისთვის ყველას მოტყუება და დესტრუქციული როლის შენარჩუნება, რომელიც მათ აქვთ. სწორედ ამ დესტრუქციული პოზიციის მიზეზით ჩაიშალა შეთანხმება მეორე რაუნდის დროს. ცალსახაა, რომ ნებისმიერი შეთანხმება შეიძლება შედგეს მხოლოდ საერთაშორისო ფორმატის თვალსაზრისით. კატეგორიულად გამოვრიცხავ რაიმე შეთანხმებას ჩვენი დასავლელი პარტნიორების მედიაციის გარეშე, ნულოვანი მაქვს ნდობა „ქართული ოცნების“ მიმართ და რაც არ უნდა კარგი დოკუმენტი დადონ, მასზე ხელმოწერას ფასი არ ექნება“, - აღნიშნა გიორგი ვაშაძემ.
გიორგი ვაშაძის განცხადებით, ხელისუფლებასთან კომპრომისისთვის მზად არის, მაგრამ ხუთივე საკითხი, რომელიც მხარეებს შორის შარლ მიშელის ვიზიტისას შეთანხმდა, შეთანხმების დოკუმენტში უნდა იყოს მოცემული.
„სტრატეგია აღმაშენებელს“ ძალიან მნიშვნელოვანი როლი აქვს ამ მოლაპარაკებებში და ჩვენ ვართ ძალა, რომელიც ადეკვატურად ვაფასებთ ყველა პროცესს. „ქართულმა ოცნებამ“ ძალიან კარგი გზავნილი მიიღო ევროპარლამენტარებისგან, როდესაც მეორე რაუნდი ჩაშალა. განცხადება, რომ შეთანხმება უნდა შედგეს, არის გზავნილი ჩვენთვისაც და „ქართული ოცნებისთვისაც“. მე კომპრომისისთვის მზად ვარ, მაგრამ ხუთივე საკითხი, რომელიც შეთანხმდა მხარეებს შორის, რომ უნდა იყოს ამ შეთანხმების დოკუმენტში, უნდა იყოს მოცემული - იქნება ეს რიგგარეშე არჩევნები თუ პოლიტპატიმრების გათავისუფლება. დანიელსონის მიერ წარმოდგენილი დოკუმენტი არ იყო საბოლოო და ის შინაარსით ვერ ასახავს ყველა იმ საკითხს, რომელიც შარლ მიშელმა დადო საქართველოში.
საუბარი იყო შეხვედრის ბოლოს და კრისტიან დანიელსონმა თქვა, სამ საკითხზე მაინც შევთანხმდეთო: არჩევნებთან, სასამართლოსთან და ძალაუფლების განაწილებასთან დაკავშირებით. დანარჩენი საკითხები, რაზეც ვერ ვთანხმდებით კი შემდეგ მოლაპარაკებებზე განვიხილოთო, რაზეც ასევე უარი განაცხადა „ქართულმა ოცნებამ“. მედიაციის მხარეს ხუთივე საკითხზე ხელმოწერა არც კი შემოუთავაზებია, იმიტომ, რომ პოლიტპატიმრებზე და რიგგარეშე არჩევნებზე მუშაობა არ არის დასრულებული“, - აღნიშნა გიორგი ვაშაძემ.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მესამე ძალა ის იქნება, ვინც ხალხს ეტყვის, რომ ნაცქოცმოქკავშირი სატელიტებიანად კომკავშირია და კომპარტიის დესანტია ამ საუკუნეში გადმოსმული და ისინი ძარცვავენ ქვეყანას და რიგით მოქალაქეებს , სულ არიან ღიად მოქმედი 500 სული , და ერთი 10 კულისებშია , ცეკას მდივნები, პარტორგები და ხაზინადარები ! რომ ამათ მოსაშორებლად საჭიროა გაერთიანებული საარჩევნო პანღური , არც ფული, არც რევოლუცია, მშვიდად , ერთად , ურნასთან დინჯად მისვლა მასიურად და დიდი არას ჩაგდება ! ჩვენ უთამაროდ, უდავითოდ , უსააკაძეოდ და ერეკლეს გარეშე ვიარეთ, ილია და ვაჟა დავკარგეთ და ამათ გარეშე როგორ ვერ უნდა გავძლოთ ?!
ნიკა მელია არის ევროპის აგენტი და გამოუშვებენ