მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მასთან ხშირად მქონდა ცხარე კამათი სხვადასხვა საკითხებზე" - რას ამბობენ უმრავლესობაში ივანე მაჭავარიანის წასვლაზე?
19:08 / 31-03-2021
პასუხისმგებლობას არავინ არ უნდა გაექცეს, მითუმეტეს, როცა მნიშვნელოვანი გამოწვევებია ჩვენი საზოგადოების და სახელმწიფოს ინტერესების შესაბამისად, - აღნიშნულის შესახებ პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა ივანე მაჭავარიანის თანამდებობიდან წასვლასთან დაკავშირებით ჟურნალისტებთან განაცხადა.
კითხვაზე, უკავშირდება თუ არა მაჭავარიანის გადაწყვეტილება ქვეყანაში შექმნილ რთულ ეკონომიკურ ვითარებას, ოხანაშვილი პასუხობს, რომ მისთვის ფინანსთა მინისტრის გადაწყვეტილება ახლა გახდა ცნობილი და მიზეზებთან დაკავშირებით, ინფორმაციას არ ფლობს.
"მე არ მაქვს ინფორმაცია რაიმე სახის დაპირისპირებასთან დაკავშირებით, რა თქმა უნდა, მთავრობის მეთაურის სახელით ვერ ვისაუბრებ, თუმცა, შემიძლია გითხრათ, რომ არანაირ დაპირისპირებას ადგილი არ ჰქონია.
რაც შეეხება შექმნილ სიტუაციას, პასუხისმგებლობას არავინ არ უნდა გაექცეს, მითუმეტეს, როცა მნიშვნელოვანი გამოწვევებია ჩვენი საზოგადოების და სახელმწიფოს ინტერესების შესაბამისად. არ მგონია, რომ ვინმე, რაიმე პასუხისმგებლობას გაურბოდეს. ეს ინფორმაცია ჩემთვისაც ახლა გახდა ცნობილი, არ ვიცი რაშია საქმე, გავარკვევთ გუნდში.
"ქართული ოცნება" არის გუნდი, რომელიც არასდროს გაურბის პასუხისმგებლობას და არავინ არ გავექცევით პასუხისმგებლობას, ჩვენ გვაქვს ჩვენი საზოგადოების წინაშე აღებული ვალდებულებები, ეს არის ქვეყნის მართვის პასუხისმგებლობა, გვაქვს პანდემიის სიტუაცია, სადაც ჩვენი საზოგადოების ჯანმრთელობა უპირველესია, ასევე ეკონომიკა, სოციალური მიმართულება. ამ დროს ყველამ უნდა გავაცნობიეროთ ჩვენი პასუხისმგებლობა და ბევრი ვიმუშაოთ იმისთვის, რომ მაქსიმალურად შევუმსუბუქოთ საზოგადოებას ტვირთი. არ მინდა დავუშვა, რომ ვინმე რამე ტიპის პასუხისმგებლობას გაექცა“, - აცხადებს ოხანაშვილი.
კითხვაზე, შეუერთდება თუ არა ივანე მაჭავარიანი ყოფილი პრემიერ-მინისტრის, გიორგი გახარიას ახალ გუნდს, ოხანაშვილი პასუხობს, რომ „ამასთან დაკავშირებით არანაირ ინფორმაციას არ ფლობს“. ოხანაშვილის თქმითვე, მაჭავარიანის მიმართ საკომიტეტო მოსმენების დროს არანაირი კითხვის ნიშანი არ ჰქონიათ.
უმრავლესობის წევრის დავით მათიკაშვილის თქმით, ირაკლი ღარიბაშვილის მინისტრთა კაბინეტის საქმიანობა პასუხია იმ გამოწვევებზე, რაც ქვეყანაში პანდემიის გამო დადგა.
"გვქონდა ძალიან აქტიური სამუშაო პროცესი ბევრ საკითხთან მიმართებით. იყო ცხარე კამათებიც, კონკრეტული გადაწყვეტილებებიც, ანუ, აქტიური მუშა პროცესი მისი მინისტრობის პერიოდში. მიზეზებზე, თვითონ ისაუბრებს.
კარგად ხედავთ ბატონი ღარიბაშილის კაბინეტის საქმიანობას ეკონომიკური მიმართულებით - ეს არის პასუხი იმ გამოწვევებზე, რომელიც პანდემიის გამო დადგა ქვეყანაში. ფართოდ გაშლილი საქმიანობაა ინვესტორთა მოძიების კუთხით, სახელმწიფო საკუთრებაში არსებული ქონების პრივატიზაციასთან დაკავშირებით, რომელმაც დამატებით უნდა განახორციელოს თანხების მობილიზება ბიუჯეტში“,- განაცხადა მათიკაშვილმა.
როგორც უმრავლესობის წევრმა რატი იონათამიშვილმა აღნიშნა ვანო მაჭავარიანთან ხშირად ჰქონდათ ძალიან ცხარე კამათი სხვადასხვა საკითხების ირგვლივ, თუმცა ასევე აქვს მასთან პოზიტიური თანამშრომლობის გამოცდილება.
"ირაკლი ღარიბაშვილის ლიდერობით აღმასრულებელი ხელისუფლება აქტიურად მუშაობს ქვეყნის ეკონომიკური სირთულეებიდან გამოყვანაზე. დარწმუნებული ვარ, მთავრობის ინიციატივები წარმატებული იქნება", - განუცხადა ჟურნალისტებს რატი იონათამიშვილმა.
ცნობისთვის, ფინანსთა მინისტრი ივანე მაჭავარიანი თანამდებობას ტოვებს. შესაბამის განცხადებას მაჭავარიანი სოციალურ ქსელში აქვეყნებს.
მაჭავარიანი არ ასახელებს თანამდებობის დატოვების მიზეზს, მაგრამ განმარტავს, რომ პოსტიდან წასვლას ჯერ კიდევ გასული წლის ბოლოს გეგმავდა, თუმცა გამომდინარე იქიდან, რომ წინ იყო კრიზისული ბიუჯეტის დამტკიცების პროცედურა, ასევე, მნიშვნელოვანი მოლაპარაკებები საერთაშორისო სავალუტო ფონდთან პროგრამის დასრულების თაობაზე, გადაწყვეტილება რამდენიმე თვით გადადო.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართველოს გამანადგურებლები პასუხს აგებთ ყველაფერზე.
ვის გაახსენდები.........