მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას პასუხობენ "ოცნებაში" კუბილიუსის მოსაზრებას, რომ მოლაპარაკებებში ივანიშვილი და სააკაშვილი უნდა ჩაერთონ - "შეურაცხმყოფელია, მათი შედარება წარმოუდგენელია"
16:31 / 27-03-2021
ევროპარლამენტარი ანდრიუს კუბილიუსი მიიჩნევს, რომ პრობლემის მოგვარებისთვის უფრო ეფექტიანი იქნება, თუ ევროპელი დიპლომატი კრისტიან დანიელსონი დაელაპარაკება რეალურ ლიდერებს, რომლებიც დღემდე მოლაპარაკებებში არ მონაწილეობენ.
კითხვაზე, გულისხმობს თუ არა ის ივანიშვილსა და სააკაშვილს, უპასუხა:
"დიახ, ზუსტად. ესენი გახლავთ რეალური ლიდერები ორივე პოლიტიკური პარტიის. სამწუხაროდ, ფორმალურ ლიდერებს, რომლებიც მონაწილეობენ მოლაპარაკებებში, არ ესმით თავიანთი პასუხისმგებლობა, ვერ პოულობენ კომპრომისს.
გაცილებით ეფექტური იქნება, თუ არაფორმალური ლიდერები, რომლებიც აცხადებენ, რომ ლიდერები არ არიან, მაგრამ პოლიტიკური და ფსიქოლოგიური თვალსაზრისით კვლავ ლიდერები არიან მათი პოლიტიკური პარტიების, მათ აიღონ პასუხისმგებლობა და მონაწილეობა მიიღონ მოლაპარაკებებში, რათა ღიად განაცხადონ თავიანთი ხედვები, რისი მიღწევა სურთ. მზად არიან თუ არა კომპრომისისთვის. მზად არიან თუ არა პრობლემის მოგვარებისთვის", - თქვა კუბილიუსმა "ფორმულას" ეთერში.
ევროპარლამენტარის განცხადებას უკვე მოჰყვა პოლიტიკური შეფასებები:
"ქართული ოცნების" თავმჯდომარის მამუკა მდინარაძის თქმით, ივანიშვილისა და სააკაშვილის შედარება წარმოუდგენელია.
"პირდაპირ გეტყვით, წარმოუდგენელი შედარებაა და ტოლობის ნიშნის დასმა კიდევ უფრო მეტი საოცრებაა სააკაშვილსა და ივანიშვილს შორის, იმიტომ, რომ ერთ მხარეს დგას სასამართლოს განაჩენით დადასტურებული კრიმინალი, რომელმაც წარმატებას ვერც სტრასბურგში მიაღწია თავის საკითხებთან დაკავშირებით და სასამართლოს მიერ ის მიჩნეულია დამნაშავედ.
მეორე, რაც ასევე ძალიან მნიშვნელოვანია, როდესაც ადამიანი დღეს არ ტოვებს, რომ არ გამოჩნდეს ტელეეთერში, მიუხედავად მისი კრიმინალობისა და დამნაშავეობისა, მიუხედავად იმისა, რომ საქართველოს მოქალაქე საერთოდ არ არის. მეორე მხრივ, მას შემდეგ, რაც ბიძინა ივანიშვილმა განცხადება გააკეთა, საჯარო სივრცეში არსად, ერთი წამითაც არ გამოჩენილა და პოლიტიკისგან აბსოლუტურად დისტანცირებულია, ამ კუთხითაც კი, შედარება არის ცალკე პრობლემა. ამიტომ, ყოვლად მიუღებელი და დაუშვებელია რაიმე სახის ტოლობის დასმა ამ ორ ადამიანს შორის. ჩემი აზრით, შეურაცხმყოფელიც კი არის და ემსახურება ერთადერთ მიზანს, რომ კრიმინალები, უკაცრავად ჟარგონისთვის და „გაპრავდნენ“ პოლიტიკაში. ჩვენ სულ ვამბობთ და ვიმეორებ დღესაც, რომ პრობლემაა ის, რომ კრიმინალები ბედავენ პოლიტიკაში დარჩენას და პოზიციონირებას, როგორც პოლიტიკოსები“, - აცხადებს მდინარაძე.
საპარლამენტო უმრავლესობის წევრმა, სოზარ სუბარმა განაცხადა, რომ ვინც მსგავს შედარებებს აკეთებს „ან არ იცის საქართველოში არსებული ვითარება ან ნაკლებად კეთილსინდისიერია მსგავს განცხადებებში და შეგნებულად ახდენს სიტუაციის დრამატიზებას“.
"ვითარება არის შემდეგი: სააკაშვილი უბრალოდ არ არის საქართველოს მოქალაქე, მისჯილი აქვს რამდენიმე საქმეზე, რამდენიმე საქმეზე მის წინააღმდეგ გამოძიება მიმდინარეობს, ყოველ დღე ვხედავთ, რომ ზის ტელევიზორში, მიუხედავად იმისა, რომ საქართველოს მოქალაქე არ არის და არ არის არც ერთი პოლიტიკური პარტიის წევრი, პოლიტიკურ განცხადებებს აკეთებს, პრაქტიკულად მოუწოდებს საქართველოში დესტაბილიზაციისკენ, აჯანყებისკენ და არეულობისკენ. ეს არის ადამიანი, რომელმაც საქართველოში დაამკვირდა ელიტური, სისტემური კორუფცია, ეს არის ადამიანი, რომელმაც საქართველოში დაამკვიდრა სისტემური წამება.
არ მეგულება მსოფლიოში მაგალითი, რომ სისტემური წამების დამამკვიდრებელი ადამიანები პოლიტიკაში რჩებოდნენ. ეს არის ადამიანი, რომელმაც საქართველოში დაამკვიდრა მართლმსაჯულების გვერდის ავლით ლინჩის წესით ანგარიშსწორება, ქუჩაში დახვრეტა, იმ ადამიანის მოტაცებები, ვინც არ მოსწონდათ, მათი ცემა, მკვლელობები. მარტო გირგვლიანის, კობა დავითაშვილის და ვალერი გელაშვილის საქმე იკმარებდა. აქედან ორ საქმეზე განაჩენიც არის დამდგარი კონკრეტულად სააკაშვილის მიმართ. ეს არის ადამიანი, რომელმაც სისტემური ხასიათი მისცა ბიზნესის ტერორს, მან დაამკვიდრა მედია ტერორი საქართველოში. „იმედი“, „იბერია“ - ყველაზე მკაფი მაგალითები, სადაც ავტომატებით გადაცხრილეს ტელევიზიები და ჟურნალისტებს სცემეს“, - განაცხადა სუბარმა.
"ქართული ოცნების" წევრის შალვა პაპუაშვილის განცხადებით, მიხეილ სააკაშვილისა და ბიძინა ივანიშვილის შედარება მიუღებელია, რადგან ივანიშვილი პოლიტიკას ჩამოცილებულია, სააკაშვილის პოლიტიკაში ჩართვა კი მიუღებელია.
როგორც პაპუაშვილმა ჟურნალისტებს ევროპარლამენტარ კუბილიუსის მოსაზრების თაობაზე განუცხადა, საფუძველი, რომ მიხეილ სააკაშვილმა მოლაპარაკებებში აქტიური მონაწილეობა მიიღოს, არ არსებობს.
"ეს შედარებები მიიღებელია. შემდეგი გარემოებებების გამო: პირველ რიგში, ბიძინა ივანიშვილი ჩამოცილებულია აქტიურ პოლიტიკას და არანაირი საფუძველი არ არსებობს, ვინმემ ეს ეჭვის ქვეშ დააყენოს. მე თავად ვარ პოლიტიკური საბჭოს წევრი, ამიტომ სრული პასუხისმგებლობით შემიძლია გითხრათ, რომ გადაწყვეტილებები მიიღება პოლიტსაბჭოში და საპარლამენტო უმრავლესობაში.
რაც შეეხება მიხეილ სააკაშვილის პოლიტიკაში ფორმალურად ჩართვას, ესეც მიუღებელია. პირველი მიზეზი არის გირგვლიანის საქმე, რომელზეც მისჯილი აქვს 3-წლიანი თავისუფლების აღკვეთა, მეორე - ვალერი გელაშვილის ცემის საქმე, რაზეც მისჯილი აქვს 6-წლიანი პატიმრობა, მესამე - ტელე „იმედის“ საქმე, მეოთხე მიზეზი - სახელმწიფო დაცვის ბიუჯეტის 9 მლნ ლარის გაფლანგვა, რომელზეც სასამართლო განხილვა მიმდინარეობს და ბოლო, მეხუთე მიზეზი - მიხეილ სააკაშვილმა უარი თქვა საქართველოს მოქალაქეობაზე, ამიტომ რაიმე საფუძველი, რომ აქტიურად მიიღოს მოლაპარაკებებში მონაწილეობა, არ არსებობს",- განაცხადა პაპუაშვილმა.
მკითხველის კომენტარები /
46 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კუბილიუს, რას გეტყვი იცი, თავი მოგაქვთ ცივილიზებულ ადამიანებად და კანონის მოყვარულებად, დემოკრატიის მამებად და ასე შემდ...
ვიზე ლაპარაკობ არ მესმის, უცხო ქვეყნის მოქალაქეზე რომ ლაპარაკობ არ გინდა რომ გაიგო თუ არ გესმის, ის ვიზეც შენ ლაპარაკობ, ის არის უკრაინის მოქალაქე, მან უარი თქვა საქართველოს მოქალაქეობაზე, გესმით ეგრეთ წოდებულო „მამებო“?!
შეიგნეთ ბოლოს და ბოლოს ის არის უცხო ქვეყნის მოქალაქე, მას არანაირი უფლება აღარ აქვს, პირიქით მას უნდა მოსთხოვოთ პასუხი, უკრაინას უნდა მოსთხოვოთ პასუხი, ბოლოს და ბოლოს თავმოყვარეობა არა გაქვთ, გლანძღავთ და თქვენ მწვანეს უნთებთ თქვენი ეგრეთწოდებული დემოკრატიანობის თამაშებებით!.....
ვისაც არ ეზარება ყველა ხელს აფათურებს ჩვენ საქმეებში, ეგ კუბილიუსი გამომტყუებს ერთხელაც იქნება...