ცნობილი თურქი მსახიობები, რომლებსაც ერთმანეთი გადასაღებ მოედანზე შეუყვარდათ

ხშირად ხუმრობენ, რომ 90-იანი წლების სიმძიმე ქართველებს ბრაზილიურმა საპნის ოპერებმა გადაატანინა, დღეს კი უკვე პანდემიის სირთულის დაძლევაში თურქული სერიალები ეხმარებიან.

ჩვენს ქვეყანაში თურქული სერიალები და შესაბამისად, თურქი მსახიობები პოპულარობით სარგებლობენ და თან ისეთი პოპულარობით, რომ მათ "ფეისბუქის" ქართულ სივრცეში არაერთ ფანგვერდს ნახავთ.

ვნახოთ, ცნობილი თურქი მსახიობები წარმოგიდგინოთ, რომლებსაც ერთმანეთი გადასაღებ მოედანზე შეუყვარდათ:

• ბურაქ ოზჩივითი და ფაჰრიე ევჯენი

ისინი ერთმანეთს სერიალ Çalıkuşu-ს გადასაღებ მოედანზე შეხვდნენ და მალე ერთმანეთიც შეუყვარდათ. ორივე მათგანი თანამედროვე თურქული კინემატოგრაფიის გამორჩეულად კაშკაშა ვარსკვლავები არიან. 2017 წელს წყვილი დაინიშნა და ამავე წელს სტამბოლში გრანდიოზული ქორწილი გადაიხადეს, რომელიც სოციალურ ქსელებში პირდაპირ ეთერში გადაიცემოდა. მსახიობებს 2019 წელს პირველი შვილი, ვაჟი ქარანი შეეძინა.

• ნესლიჰან ათაგული და ქადირ დოღულუ

კიდევ ერთი ვარსკვლავური წყვილი თურქეთიდან. მათაც ერთმანეთი გადასაღებ მოედანზე გაიცნეს და შეუყყვარდათ. ერთმანეთს სერიალ "სტამბოლის ორი მხარის“ გადაღებებისას შეხვდნენ. ორივეს მთავარი როლი ჰქონდა. ქადირი ამბობს, რომ მომავალი ცოლი ერთი ნახვით შეუყვარდა. მათ ჰარმონიული ურთიერთობა აქვთ. წყვილმა 2016 წელს იქორწინა.

• ბერგიუზარ ქორელი და ჰალით ერგენჩი

ქართველი მაყურებლისთვის ორივე მსახიობი კარგადაა ცნობილი, თუმცა განსაკუთრებით ჰალითი, რომელიც სერიალ "დიდებულ საუკუნეში“ მთავარ როლს ასრულებდა. ისინი ერთად თამაშობდნენ სერიალში "1001 ღამე“ და ერთმანეთიც სწორედ ამ სერიალის გადასაღებ მოედანზე შეუყვარდათ. წყვილს ორი ვაჟი - ალი და ჰანი ჰყავს.

• ჩაათაი ულუსოი და დუიგუ სარიშინი

ერთმანეთი სერიალ Icerde-ს გადასაღემ მოედანზე გაიცნეს და მას მერე ერთად არიან. დუიგუს საზოგადოება ნაკლებად იცნობს, თუმცა ჩაათაიმ მსოფლიოს მასშტაბით მოიპოვა პოპულარობა და ის პირველი თურქი მსახიობია, რომელმაც "ნეტლიქსის“ სერიალში მიიღო მონაწილეობა. დუიგუსა და ულუსოის სასიყვარულო ურთიერთობა სკანდალებითაა სავსე და ისინი ხშირად ხდებიან საზოგადოების ნაწილის მხრიდან კრიტიკის მსხვერპლნი, განსაკუთრებით კი ჩაათაის ფანები აქტიურობენ, რომლებსაც მსახიობის საყვარელი ქალი არ მოსწონთ, თუმცა მიუხედავად ყველაფრისა, წყვილი აგრძელებს ბედნიერად თანაცხოვრებს და როგორც თურქული პრესა წერს, შესაძლოა, მალე იქორწინონ კიდეც.