მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ახლა ვგებულობთ, რომ ორი წლის წინ ნაავარიები ყოფილა, საკმაოდ სერიოზულად" - რას ჰყვებიან ახალციხის კლინიკაში მეგი ბაქრაძის შესახებ?
20:09 / 20-03-2021
ახალციხის კლინიკა "იმედის" ექიმები "ტვ პირველთან" საუბარში ამბობენ, რომ იმ მომენტში როდესაც 27 წლის ექთნის მდგომარეობა დამძიმდა და მისი თბილისში გადმოყვანის საჭიროება იყო, ადგილზე კატასტროფის არცერთი ბრიგადა თავისუფალი არ იყო.
როგორც მედიკოსები ჰყვებიან, ამის გამო დედაქალაქში გადმოყვანის დრო გაიწელა.
"ჩვენს რეგიონში სამი კატასტროფის ბრიგადაა, ჩვენდა სამწუხაროდ, იმ მომენტში არც ერთი იყო თავისუფალი. ბრიგადა წამოვიდა თბილისიდან. სადღაც ორსაათნახევარი ჩამოსვლას დასჭირდა, შემდეგ ექიმი გაეცნო მდგომარეობას, ამის შემდეგ ტრანსპორტირება.. ამიტომ გაიწელა დრო" - ამბობს კლინიკის ექიმი.
"ნოდარ მელაძის" შაბათმა მეტი ინფორმაციის გასარკვევად მედიკოსების ნაწილი ფარულად ჩაწერა. მათთან საუბარში ერთ-ერთ ექიმი იმ დღეს იხსენებს, როდესაც მეგი ბაქრაძეს ვაქცინაციის შემდეგ ანაფილაქსიური შოკი განუვითარდა.
"რომ აიცრა, ინტერვიუ მისცა, გამოვიდა და 20-25 წუთის მერე თქვა, რომ კანი მექავებაო, მეწვისო. უთქვამს, ექიმო რაღაც ვერ ვარო. ექიმმა წნევა გაუზომა, პარამეტრები წესრიგში ჰქონდა. შემდეგ წამოვიდა ქავილი და ჰიპერემია, მაშინვე გაუკეთეს ადრენალინი, თითქოს გამოვიდა მდგომარეობიდან, მაგრამ გონება დაკარგა" - ამბობს მედიკოსი, კითხვაზე, ხომ არ აქვთ ინფორმაცია, რამ გამოიწვია მდგომარეობის გართულება, ამბობს:
"ახლა ვგებულობთ, რომ ორი წლის წინ ნაავარიები ყოფილა, საკმაოდ სერიოზულად. არადა ვიცი რომ ჯანმრთელია... სხვა ვერაფერს გეტყვით" - თქვა მედიკოსმა.
27 წლის ექთანი ექსპერტიზის ბიუროდან სახლში დღეს გადაასვენეს. ადიგენის რაიონის სოფელ ქვემო ენთერში კობახიძეების ოჯახი სამძიმარს დილიდან იღებს. გარდაცვლილი ექთნის ოჯახი მომხდარზე გამოძიებას ითხოვს და საქმეში დამოუკიდებელი ექსპერტის ჩართვას აპირებს.
ცნობისთვის, კომაში ჩავარდნილი ექთანი, მეგი ბაქრაძე გუშინ გარდაიცვალა. 27 წლის ექთანს „ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია - ანაფილაქსიური შოკი დაუფიქსირდა.
გუშინ ექთანი თბილისში, პირველ საუნივერსიტეტო კლინიკაში გადმოიყვანეს, თუმცა ექიმებმა მისი გადარჩენა ვერ შეძლეს. მეგი ბაქრაძეს ორი მცირეწლოვანი შვილი დარჩა.
00:00 / 00:00
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ავარია რა შუაშია საერთოდ
ავარია რა შუაშია?? ხალხი მართლა ბნელები და ველურები გგონიათ ??