"მეგი შეიძლება გახდეს საქართველოში ვაქცინაციისა და კოვიდთან ბრძოლის ერთ-ერთი სიმბოლო" - ეკატერინე ტიკარაძე
"მეგი შეიძლება გახდეს საქართველოში ვაქცინაციისა და კოვიდთან ბრძოლის ერთ-ერთი სიმბოლო" - ამის შესახებ ჯანდაცვის მინისტრმა ეკატერინე ტიკარაძემ "ღამის კურიერის" ეთერში განაცხადა.
მისი თქმით, ვაქცინის შედეგად გარდაცვლილი ექთნის ცხედარს ექსპერტიზა ჩაუტარდება.
"პირველ რიგში ვუსამძიმრებ მეგის ოჯახს. ეს სრულიად სამედიცინო საზოგადოებისთვის დიდი ტრაგედიაა. მეგი შეიძლება გახდეს საქართველოში ვაქცინაციის და კოვიდთან ბრძოლის ერთ-ერთი სიმბოლო.
ამ წუთებში, მიმდინარეობს გაფართოებული კვლევა და გარდაცვლილის ოჯახი დათანხმდა ცხედრის ექსპერტიზას, რომელიც ჩვენ მოგვცემს უფრო დეტალურ პასუხს, რომელიც ამ ფაქტთან დაკავშირებით ისმის.
რეგულირების სააგენტო ფაქტის დადგომიდან ორ საათში იყო ადგილზე და დაიწყო მოკვლევა ყველა იმ ჩატარებული ღონისძიების, რომელიც პროტოკოლით იყო განსაზღვრული. არ იკვეთება არანაირი გადაცდომა და ვერ დავადასტურებ ვერაფერს," - აღნიშნა ეკატერინე ტიკერაძემ.
კითხვაზე, იყო თუ არა ვაქცინის შენახვის წესები დარღვეული, მინისტრი პასუხობს, რომ იმავე დღეს, ვაქცინის იგივე დოზით კიდევ 9 პაციენტი აიცრა და არანაირი გართულება არ ჰქონიათ
"რა თქმა უნდა, ჩვენ მოვიკვლიეთ ეს ფაქტი და რამდენადაც ჩვენთვის ცნობილია, იმ დღეს ერთიდაიგივე დოზით აიცრა კიდევ 9 პაციენტი, რომლის შემთხვევაშიც გართულება არ ყოფილა. ამის ვალდებულება ჩვენ გაგვაჩნია მსოფლიო ჯანდაცვის ორგანიზაციასთან, ვინაიდან თქვენ იცით, რომ ყველა ვაქცინა არის მკაცრი კონტროლის ქვეშ. შესაბამისად, მიწოდებული იქნა მათთვისაც ის სერიული ნომერი და ყველა ის გართულება დეტალურად, რომელსაც ჰქონდა საქართველოში ადგილი," - განაცხადა ეკატერინე ტიკარაძემ.
"ფაიზერით“ აცრის რიგში 9 000 ადამიანია, მათგან 20 % სამედიცინო პერსონალია" - ამირან გამყრელიძე
"ქვეყანა იმყოფება ფაზაში, რაც, გარკვეულწილად, მესამე ტალღის დასაწყისია" - ეკატერინე ტიკარაძე
