მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პროცესი დაწყებულია, უზარმაზარი მასაა დაძრული, ახლა გინდ გერმანელი სპეციალისტი ჩამოიყვანონ, გინდა ფრანგი, იგივეს იტყვის ყველა" - გეოლოგი
16:03 / 18-03-2021
ვაშლიჯვრისა და ნუცუბიძის პლატოს დამაკავშირებელი გზის სიახლოვეს მეწყრული პროცესებია დაწყებული. სპეციალისტების ინფორმაციით, დაძრულია ნახევარ მილიონამდე კუბი მიწა, რომელიც შესაძლოა, მოწყდეს და მოსახლეობას საფრთხე შეუქმნას. გარემოს დამცველების ნაწილი პარალელს მდინარე ვერეს ტრაგედიასთან ავლებს და აცხადებს, რომ არ არის გამორიცხული ვაშლიჯვარშიც იგივე მოხდეს. როგორ აფასებს ვაშლიჯვარში მიმდინარე პროცესებს გეოლოგი ჭიჭიკო ჯანელიძე? კომენტარისთვის უხუცეს სპეციალისტს დავუკავშირდით:
- დაახლოებით მილიონი წლის განმავლობაში ამ ტერიტორიაზე ვაკე იყო. შემდეგ ის გეოლოგიურად აღზევდა და სერი წარმოქმნა. ეს მასა სუსტად შეცემენტებული, ფხვიერი მასალისგან შედგება. ვიდრე ადამიანი ჩაერეოდა, ამ ზონაში წონასწორობის შენარჩუნება ხერხდებოდა, მაგრამ მას შემდეგ, რაც გზა გაიყვანეს, მშენებლობები დაიწყეს, გამოუთხარეს ძირი, ჩაჭრეს, წონასწორობა დაირღვა და ამან მოახდინა მეწყრული პროცესების პროვოცირება.
სამშენებლო ნებართვის წამყვანი კომპონენტია საინჟინრო-გეოლოგიური დასკვნა. ახლა უნდა გამოიძიონ ამ ადგილზე მშენებლობების გამართვა რომელმა გეოლოგმა მიიჩნია დასაშვებად. ვინც გასცა ასეთი გეოლოგიური დასკვნა, იმან უნდა აგოს პასუხი, ახლა რაც მოხდება იმაზე. ამ ფერდობს მიდრეკილება აქვს მეწყრული პროცესებისკენ და არის არაწონასწორ მდგომარეობაში, ამიტომ აქ სამშნებელო ნებართვები არ უნდა გაცემულიყო.
- როგორ შეიძლება განვითარდეს მოვლენები ახლა, დაახლოებით რა მასშტაბის საფრთხეზეა ლაპარაკი?
- ახლა მთავარია, სასწრაფოდ გაიზომოს რა მასშტაბის საფრთხეა. დაზუსტდეს რა მოცულობის მასაა დაძრული. მიწისძვრის ან ძლიერი წვიმების შედეგად ეს მასა აუცილებლად მთლიანად წამოვა. ამიტომ სასწრაფოდ უნდა გაკეთდეს შეფასება იმისა, თუ მოწყდება ეს დაძრული მასა, მიაღწევს თუ არა ის მოსხლეობამდე. ამის შემდეგ კი უნდა გადაიდგას შესაბამისი ნაბიჯები. კომპეტენტურმა საინჟინრო გეოლოგიურმა კომისიამ უნდა შეაფასოს ეს და დადოს დასკვნა.
- დედაქალაქის მერმა განაცხადა, რომ მასშტაბების შეფასების სამუშაოები დაწყებულია, მან ასევე თქვა, რომ იგეგმება გერმანიიდან სპეციალისტების ჩამოყვანა. როგორ ფიქრობთ, შესაძლებელია მასშტაბური საფრთხის თავიდან აცილება?
- საერთოდ, ჩვენი უბედურება ისაა, რომ ორჯერ ორი რომ ოთხია, იმის დასამტკიცებლად უცხოეთიდან ველოდებით სპეციალისტებს. რად გვინდა უცხოელი სპეციალისტები? ქართველები ცოტა გვყავს და ნაკლებად კომპეტენტურები? უბრალოდ, მათ არ უჯერებენ. ელემენტარულია ის სამუშაო, რაც ახლა უნდა გაკეთდეს აქ. შესაფასებელია მასშტაბები ამ საფრთხის მოცულობის განსასაზღვრად. ახლა ამას ვერაფერი შეაჩერებს. ტყუილად დახარჯავენ ფულს, სამმაგი სამუშაოების ჩატარება უაზრობაა. პროცესი არის დაწყებული, უზარმაზარი მასაა დაძრული, გინდ გერმანელი სპეციალისტი ჩამოაიყვანონ, გინდა ფრანგი, იგივეს იტყვის ყველა.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩინელები მთებს ჭრიან და კორპუსებს აშენებენ,აუცილებლად უნდა დაიწყოს საშიში ფერდობის მოჭრა თანაც დროულად სანამ უხვი ნალექი წვიმის სახით არ დააცურებს ფერდობს. მეტი მაგას არაფერი უშველის.
რახან გერმანელები მოდიან ეგე იქნებ ნამახვანიც გენახებინათ :) :) ერთ ხარჯში გამოხვალთ არ გეშლებათ ეგეთები..