8
მაისიდღის ზოგადი ასტროლოგიური პროგნოზი
პოლიტოლოგმა გია ხუხაშვილმა "პალიტრანიუსის“ გადაცემაში "ნიუსრუმი“ პოლიტიკურ ვითარებაზე საუბრისას, განაცხადა:
გია ხუხაშვილი"
"ქართული ოცნების" დღევანდელი ლიდერები ამ ტაქტიკით მოქმედებენ - ჩვენ შევპირდეთ და მერე ბიძინა გადააგდებს. ღარიბაშვილის ბოლო ეპიზოდი რომ გავიხსენოთ, შარლ მიშელი რომ ჩამოვიდა, ღარიბაშვილი შეხვედრებზე იჯდა ძალიან კონსტრუქციული, მართალია, არ იღიმებოდა, მაგრამ ეს მისი პირადი პრობლემებია, ღიმილი რომ არ იცის. როგორც კი გაფრინდა, გამოვიდა და თვალების ბრიალი და ფეხების ბაკუნი დაიწყო. ასე იყო დაგეგმილი ამ შემთხვევაშიც - ჩათვალეს, რომ დანიელსონი გაისტუმრეს, პატარა ფალსტარტი მოუვიდა კობახიძეს ამ თემასთან დაკავშირებით, ანუ ის ჯერ უნდა გაფრენილიyო და მერე ეძახა, რაც უნდა ეძახა. მან ჩათვალა, რომ ის კაცი უკვე წავიდა და თავის სტილში გააკეთა ნარატივი, კრიმინალები უძახა ოპოზიციას და ა.შ. ამ ტაქტიკამ ამჯერად არ იმუშავა. ახლა დანიელსელონმა აღარ "ჭამა“, მიუხვდა ხელისუფალის ვირეშმაკობას და განაცხადა, სანამ გადაწყვეტილება არ იქნება მიღებული, მანამ ვრჩებიო. ამის შემდეგ უკვე ესენი ღია თამაშზე წავიდნენ. ამათ დღეს ახალი წითელი ხაზი მოიფიქრეს - სამართლიანობა და ეს მაშინ, როცა ამ ხელისუფლებას მურუსიძე ჰყავს მართლმსაჯულებაში. ვინ მართალია, ვინ მტყუანი, ახლა ეს გასარჩევი არაა, უნდა ვიფიქროთ კრიზისიდან გამოსავალზე. როცა ერთ-ერთი მხარე იწყებს იმის მტკიცებას, მე მართალი ვარ და ის მტყუანია, თან უკვე იმ ეტაპზე, როცა ყველაფერს წერტილი უნდა დაესვას, ეს იმას ნიშნავს, რომ იმ მხარეს არ უნდა პრობლემის გადაწყვეტა. კობახიძის გუშინდელი გამოსვლა იყო მოლაპარაკებების აფეთქების დაანონსება, მეტი არაფერი - როცა დღეს ლაპარაკობ იმავეს, რაზეც ერთი თვის წინ ლაპარაკობდი. ეს ლაპარაკობს იმაზე, რომ ისინი კრიმინალები არიან. მაშინ, შენ რას შვრები, კრიმინალებთან ზიხარ და მოლაპარაკებას აწარმოებ? ჩაცუცქული ლაპარაკობ, თუ რას აკეთებ?“
ექსპერტმა ასევე ისაუბრა მმართველ გუნდში არსებულ შიდა დაპირისპირებაზე და შიდა სახელისუფლებო გადატრიალების გეგმაზე, რომელიც, მისი თქმით, კობახიძის დაჯგუფებას ჰქონდა.
"კობახიძისა და მისი დაჯგუფებისთვის სულ არაა პრობლემა, თუ ღარიბაშვილი ბრიუსელში გაშეშებული იჯდება და მერე ამაზე აქ ყველა იხარხარებს. მათი ინტერესები არის ზუსტად ასეთი - ღარიბაშვილი, არა ძლიერი ფიგურა, არამედ ისეთი, რომლის მართვაც ნებისმიერ მომენტში შეიძლება. ბრიუსელში ღარიბაშვილის წარმატება ამ დაჯგუფებას არაფრით აწყობს, პირიქით, რაც უფრო კუდამოძუებული წამოვა იქედან, ეს არის ამათი გეგმა. ამათ საერთოდ არ უნდოდათ ღარიბაშვილის პრემიერობა, მხოლოდ გარემოებების გამო დასჭირდათ მისი შემოდგმა პოლიტიკაში იმისათვის, რომ გარკვეული ბუფერი დაედგათ ივანიშვილისთვის, როდესაც დაიწყო გარჩევები გახარიასთან დაკავშირებით. გახსოვთ, ერთი კვირა იყო გამქრალი კობახიძე. არ გიჩნდებათ კითხვა, რატომ იყო გამქრალი? ვფიქრობ, ეს იყო ერთგვარი შიდა სახელისუფლებო გადატრიალების გეგმა ცოტა სხვა სცენარით. გამომდინარე იქიდან, რომ გახარიამ დასწრებაზე იმუშავა და მათ მოუწიათ სცენარის შეცვლა და ეშინოდათ, რომ მათი ასე ვთქვათ, ხალიჩისქვეშა თამაშების გამო, ბიძინა ივანიშვილისგან პასუხი არ ყოფილიყო მოთხოვნილი. იმისთვის დასჭირდათ ღარიბაშვილის შემოდგმა თამაშში, რომ გარკვეული ბუფერი გაეკეთებინათ ბიძინასთან "ხმალაობის“ და გარჩევების დროს. პოლიტიკური ლოგიკით, რაზეც ისინი დღეს საუბრობენ, გახარიას გადადგომა რაში სჭირდებოდა? მათ მოახდინეს გახარიას პროვოცირება, მეტსაც გეტყვით, ალბათ მათ დაგეგმილი ჰქონდათ, რომ გახარიას უნდა ჩაეტარებინა სპეცოპერაცია და კომპრომეტირებული გაეშვათ სახლში. გახარიამ ამაზე ხელი არ მოაწერა და ამის შემდეგ მოვლენები ვითარდება ისე, როგორც ვითარდება“.
კითხვას ღარიბაშვილის შესაძლო გადადგომაზე გია ხუხაშვილი პასუხობს:
"ღარიბაშვილის კიდევ უფრო სასაცილო გადადგომა გვახსოვს, გამოვიდა ერთ დღეს და იბერიის გაბრწყინების გეგმა რომ გამოაცხადა და სამ დღეში გადადგა. რა თქმა უნდა, ყველაფერი შესაძლებელია. ღარიბაშვილის პოლიტიკაში შემოყვანამ გააჩინა განცდა, რომ ქვეყანაში არის ჩრდილოვანი მმართველობა. არავის სჯერა, რომ ღარიბაშვილი დამოუკიდებელი პოლიტიკური სუბიექტია.
მთავარია, რა განცდაა საზოგადოებაში და საზოგადოებას აქვს ეს განცდა და არც თუ ტყუილად. ვფიქრობ, ღარიბაშვილის გაპრემიერების ერთ-ერთი ამოცანა იყო ბიძინა ივანიშვილისთვის შეექმნათ პრობლემები. ბიძინამ როცა გამოაცხადა, წავედიო, ამ განცხადებიდან გახარიას გადადგომამდე ჩრდილოვან მმართველობაზე ხომ მოკვდა საუბარი? ბიძინამ დაისვენა, უნდოდა მშვიდად წასულიყო. წავიდოდა, თუ არ წავიდოდა, შეიქმნა განცდა, რომ წავიდა. გახარია იყო საკუთარი პოლიტიკური წონის მატარებელი და შესაბამისად, ის კაცი დაასვენეს. შეიძლება ერეოდა კიდეც, მაგრამ მასზე შეტევები მორჩა, ხომ? როგორც კი დაბრუნდა ღარიბაშვილი, ჩრდილოვანი მმართველობის განწყობა დაბრუნდა იმიტომ, რომ ღარიბაშვილი რომ რაღაცის გადამწყვეტია, ამის არავის სჯერა. შესაბამისად, ღარიბაშვილი კი არა, ბიძინა დაბრუნდა და განახლდა შეტევები.
ვფიქრობ, ბიძინას ამ "ბავშვებმა“ ჩაუდეს ღარიბაშვილი იმიტომ, რომ თავი დაეცვათ ბიძინასგან მათსა და გახარიას გარჩევებში, ბუფერი დაიყენეს და ეს უთხრეს ბიძინას - წადი, ახლა ღარიბაშვილთან არჩიე საქმეო. ანუ მათ ღარიბაშვილით გარკვეული ალიბი შეიქმნეს ბიძინასთან მიმართებაში. ღარიბაშვილი ისეთი ფიგურაა, რომელსაც ყველა ათამაშებს ყველა მხრიდან და ყველა საკუთარი ინტერესებისთვის იყენებს. ბიძინას შეექმნა ამით პრობლემა, ვინაიდან მასთან მთავარი პრეტენზია როგორც ქვეყნის შიგნით, ისე გარედან ის იყო, რომ იგი არის არაინსტიტუციური პირი და აკონტროლებს ძალაუფებას. გახარიას პერიოდში ეს დაწოლა მასზე შეწყდა და ახლა ეს ყველაფერი დაბრუნდა - ვნახეთ, შტორმი წამოვიდა ბიძინას მიმართ, კობახიძის მიმართ კი არა. კობახიძე არის თავისთვის კარგად მოყუჩებული. შესაბამისად, ჩვენ თუ გამოძიების მთავარი პრინციპებით ვიხელმძღვანელებთ, ვინ ისარგებლა ჩანაწერებით და ვინ იყო მისი წყარო, პასუხი მარტივია - კობახიძის გუნდმა, სხვა ყველამ - ბიძინამაც, ღარიბაშვილმაც და დანარჩენებმაც იზარალეს. ერთადერთი, ვინც ამით ისარგებლა, კობახიძის დაჯგუფებაა. არაფერს ვამტკიცებ, მაგრამ როგორც ვერსია, ეს განხილვადია. გამოძიების პრინციპით, მთავარი ეჭვმიტანილი არის კობახიძე. რაც ზედაპირზეა იმით კი არ უნდა ვიმსჯელოთ. ეს არც გოგაშვილს აწყობდა, არც ნაცვლიშვილს, ეს სრული სიგიჟე იქნებოდა. ან გახარიას რაში აწყობდა? - შურისძიება? პოლიტიკაში შურისძიების ფაქტორი დაივიწყეთ, რაღაც გამორჩენას უნდა ელოდო აქედან. ამით მხოლოდ კობახიძე-მდინარაძემ ისარგებლა“.
საქართველოში, ადამიანი, რომ ბიძინაზე და ქართულ ოცნებაზე იყტვის არაფერი გაუკეთებიათო,იმათ გვარამიას და ნოდარ მელაძის გარდა მართლა არაფერი არ უყურებიათ და წაუკითხიათ ცხოვრებაში! სხვა რა უნდა თქვა ასეთ ადამიანებზე!
ხუხაშვილი გადადექი !